បងប្អូនបានដឹងរួចមកហើយថា បេឡាសន្តិសុខសង្គម ឬហៅកាត់ថា ប.ស.ស បានផ្តល់នូវអត្ថប្រយោជន៍ជាច្រើនទៅដល់អ្នកប្រើប្រាស់ តាមរយ:ការផ្តល់នូវតាវកាលិក (ប្រាក់ឧបត្ថម្ភ) លើផ្នែកហានិភ័យការងារ ផ្នែកថែទាំសុខភាព និង ផ្នែកប្រាក់សោធនជាដើម។

ហើយទាក់ទងនឹងការធ្វើប័ណ្ណ ប.ស.ស នេះផងដែរ នៅពេលធ្វើរួចក្នុងករណីបាត់ឬខូច សមាជិត ប.ស.ស ជូនដំណឹងទៅកាន់សាខា ប.ស.ស. ដែលនៅជិតបំផុតដើម្បីស្នើសុំបោះពុម្ពបណ្ណថ្មីប្រើប្រាស់ឡើងវិញបានដោយភ្ជាប់ជាមួយឯកសារដូចខាងក្រោម ៖

១.សម្រាប់ការស្នើសុំបោះពុម្ពប័ណ្ណថ្មី តម្រូវឱ្យភ្ជាប់ឯកសាររួមមាន៖ អត្តសញ្ញាណបណ្ណសញ្ជាតិខ្មែរច្បាប់ដើម។

២.សម្រាប់ជនជាតិបរទេសគឺត្រូវការលិខិតឆ្លងដែន ដើម្បីស្នើសុំបោះពុម្ពប័ណ្ណថ្មី។

គូសបញ្ជាក់ថា សម្រាប់ការស្នើសុំបោះពុម្ពបណ្ណ ឬទុតិយតាឡើងវិញត្រូវចំណាយប្រាក់ ៥០០០រៀល។ ចំពោះព័ត៌មានលម្អិតបន្ថែម បងប្អូនអាចធ្វើការសាកសួរតាមរយៈលេខទំនាក់ទំនងមកលេខ ១២៨៦ | ១២៩៧ ដើម្បីទទួលបានព័ត៌មានលម្អិត៕