នៅក្នុងខែកក្កដា ឆ្នាំ២០២៥ កន្លងទៅនេះ ក្រុមប្រឹក្សាអភិវឌ្ឍន៍កម្ពុជា​ ហៅកាត់ថា CDC បានអនុម័យគម្រោងវិនិយោគថ្មីជាច្រើន។ ដោយក្នុងនោះក៏មានគម្រោងសាងសង់សណ្ឋាគារលំដាប់ផ្កាយ៥ ចំនួន ២ ផងដែរ ដែលមានទុនសរុបជាង ១៤០ ដុល្លារ និងអាចបង្កើតឱកាសការងារជាច្រើកន្លែងផងដែរ។

យោងតាមរបាយការណ៍របស់ CDC ដែលចេញផ្សាយកាលពីថ្ងៃទី១១ ខែសីហា ឆ្នាំ២០២៥ គម្រោងសណ្ឋាគារទាំងពីខាងលើនេះមានទីតាំងដូចខាងក្រោម៖

១. នៅរាជធានីភ្នំពេញ

គម្រោងវិនិយោគសាងសង់សណ្ឋាគារ និងអាជីវកម្មសណ្ឋាគារផ្កាយ៥ នេះគឺមានចំនួន ២២៧​ បន្ទប់ មានទីតាំងស្ថិតនៅខណ្ឌដូនពេញ រាជធានីភ្នំពេញ។ មានទុនវិនិយោគចំនួន ៨៥ លានដុល្លារ និងអាចបង្កើតឱកាសការងារបានចំនួន ២៣០ កន្លែងផងដែរ នៅពេលបើកដំណើរការ។

២. ខេត្ដស្វាយរៀង

គម្រោងវិនិយោគសាងសង់ និងអាជីវកម្មសណ្ឋាគារផ្កាយ៥ នេះគឺមានបន្ទប់ចំនួន ២៨០ មានទីតាំងស្ថិតនៅក្រុងបាវិត ខេត្ដស្វាយរៀង។ គម្រោងនេះមានទុនវិនិយោគចំនួន ៦២ លានដុល្លារ។ ហើយនៅពេលបើកដាក់ឲ្យដំណើរការក៏បានបង្កើតឱកាសការងារបានចំនួន ៤៩៥ កន្លែងផងដែរ។

គួរជម្រាបផងដែរថា ក្នុងខែកក្កដា ឆ្នាំ២០២៥ គណៈកម្មាធិការវិនិយោគកម្ពុជានៃក្រុមប្រឹក្សារអភិវឌ្ឍន៍កម្ពុជាបានសម្រេច ចុះបញ្ជីគម្រោងវិនិយោគសរុបចំនួន៦៧គម្រោង ក្នុងទំហំទុនវិនិយោគសរុបប្រមាណ៩៤៤លានដុល្លារ អាម៉េរិក និងអាចបង្កើតការងារបានប្រមាណ៥៧ពាន់កន្លែង។

ក្នុងចំណោមគម្រោងវិនិយោគសរុប គម្រោងវិនិយោគដែលមានទីតាំងស្ថិតនៅក្រៅតំបន់សេដ្ឋកិច្ចពិសេសមានចំនួន ៤៣គម្រោង និងគម្រោង វិនិយោគដែលមានទីតាំងស្ថិតនៅក្នុងតំបន់សេដ្ឋកិច្ចពិសេសមានចំនួន ២៤គម្រោង។ ជារួម ការចុះបញ្ជី គម្រោងវិនិយោគមានការកើនឡើងចំនួន ២៣គម្រោង ខណៈទំហំទុនវិនិយោគមានការកើនឡើងប្រមាណ ៥៤៧លានដុល្លារអាម៉េរិក ស្មើនឹងប្រមាណ១៣៨% បើធៀបនឹងរយៈពេលដូចគ្នាក្នុងឆ្នាំ២០២៤៕