នៅថ្ងៃច័ន្ទនេះ ហាងឆេងមាសនៅលើទីផ្សារអន្តរជាតិធ្លាក់ចុះខ្លាំងដោយគិតត្រឹមពេលនេះហាងឆេងមាសធ្លាក់ថ្លៃចំនួន៤៣ដុល្លារមកត្រឹម៣៣៥៦ដុល្លារក្នុងមួយអោន( ស្មើនឹង៤០៤៣ដុល្លារក្នុងមួយតម្លឹង) ឬ៤០៤ដុល្លារក្នុងមួយជី។
បើយោងតាមការចុះផ្សាយរបស់Investing.com បានឲ្យដឹងថាហាងឆេងមាសចាប់ផ្ដើមធ្លាក់ថ្លៃដោយសារតែក្រុមអ្នកវិនិយោគនិងក្រុមអ្នកជួញដូរកំពុងរងចាំការបញ្ជាក់ពីគោលការណ៍ពន្ធរបស់ត្រាំថាតើមាសដែលនាំចូលសហរដ្ឋអាមេរិកក្នុងមួយអោននិងមួយគីឡូត្រូវគិតពន្ធដូចម្ដេច។
ព័ត៌មាននៃការគិតពន្ធនាំចូលមាសទៅកាន់សហរដ្ឋអាមេរិកនឹងធ្វើតម្លៃនាំចូលកាន់តែថ្លៃដែលអាចបង្កឲ្យតម្លៃនៃសង្វាក់ផ្គត់ផ្គង់មាសសកលនៃលំហូររវាងមជ្ឈមណ្ឌលមាសនៅទីក្រុងLondon ទីក្រុងញូយ៉កនិងប្រទេសស្វីសកាន់តែឡើងថ្លៃហើយរុញតម្លៃហាងឆេងមាសកាន់តែធ្លាក់ចុះ។
ក្រៅពីនេះកត្តាដែលធ្វើឲ្យមាសចាប់ផ្ដើមដាំក្បាលចុះមកវិញគឺដោយសារតែក្រុមអ្នកវិនិយោគកំពុងផ្ដោតលើកិច្ចចរចានៃបទឈប់បាញ់នៃសង្រ្គាមរវាងប្រទេសរុស្ស៊ីនិងប្រទេសអ៊ុយក្រែនដែលសហដ្ឋអាមេរិកនឹងជួបចរចាជាមួយប្រទេសរុស្ស៊ី៕
