នៅថ្ងៃស្អែកនេះ ការប្រឡងសញ្ញាបត្រមធ្យមសិក្សាទុតិយភូមិនឹងឈាមមកដល់ហើយ ខណៈដែលសម័យប្រឡងនឹងប្រព្រឹត្តិឡើងនៅថ្ងៃទី២៨ ខែសីហា ឆ្នាំ២០២៥ ខាងមុខនេះផងដែរ។ ជាមួយគ្នានោះដែរ ក្រសួងអប់រំក៏បានប្រកាសអំពីបទប្បញ្ញតិសម្រាប់អ្នកដែលមានសិទ្ធិអាចប្រើប្រាស់ទូរស័ព្ទដៃបានមានដូចជា៖

១. គណៈមេប្រយោគទូទាំងប្រទេស

២. ប្រធានអប្បមាទទូទាំងប្រទេសប្រចាំមណ្ឌល

៣. ប្រធានមណ្ឌល

៤. ប្រធានសន្តិសុខប្រចាំមណ្ឌល

៥. អ្នកសង្កេតការណ៍អង្គភាពប្រឆាំងអំពើពុករលួយ និងអ្នកសង្កេតការណ៍ស្ម័គ្រចិត្ត

• បុគ្គលដែលគ្មានសិទ្ធិយកចូល និងប្រើប្រាស់៖ 

១.បេក្ខជនប្រឡង

២.អនុប្រធាន សមាជិកអប្បមាទ និងជំនួយការអប្បមាទ

៣. អនុប្រធានមណ្ឌល

៤.គណៈកម្មការកណ្តាល អ្នកត្រួតពិនិត្យតាមអគារ និងអនុរក្ស

៥.សមាជិកសន្តិសុខ និងបុគ្គលិកសុខាភិបាលប្រចាំមណ្ឌល

គួរជម្រាបថា ការប្រឡងសញ្ញាបត្រ​មធ្យម​សិក្សាទុតិយភូមិ (បាក់ឌុប) ឆ្នាំសិក្សា ២០២៥ នឹងចាប់ផ្តើមទូទាំងប្រទេសកម្ពុជា ខណៈមានបេក្ខជនសរុបចំនួន ១៤៦,៧២០នាក់, ថ្នាក់សង្គមមានចំនួន ១០៦,០៤២នាក់ និងថ្នាក់វិទ្យាសាស្ត្រពិតមានចំនួន ៤០,៦៧៨នាក់៕