លោកប្រធានាធិបតី Donald Trump បានរៀបការចំនួន៣លើកនិងមានកូនចំនួន៥រួមមានយុវជន Barron Trump, លោក Donald Trump Jr., លោក Eric Trump, អ្នកស្រី Ivanka Trump, និង អ្នកស្រី Tiffany Trump, ដែលកូនទាំងអស់គឺសុទ្ធសឹងតែចិញ្ចឹមឱ្យក្លាយជា អ្នកជំនួញលេចធ្លោបន្តវេនពីឱពុក។
យ៉ាងណាមិញក្នុងនាមជាត្រកូលអ្នកជំនួញនិងជាប្រធានាធិបតីនៃប្រទេសមហាអំណាចផងនោះ គ្រួសាររបស់លោក Donald Trump ក៏មានវិន័យដ៏តឹងរឹងក្នុងការចិញ្ចឹមកូនប្រុសៗ ចំនួន៥គឺ ទី១គឺហាមប៉ះថ្នាំនិងគ្រឿងញៀន ទី២ហាមផឹកស្រា ទី៣ហាមជក់បារី ទី៤ហាមចាក់សាក់ និង ទី៥ត្រូវរៀនឱ្យពូកែ ទទួលបានចំណាត់ថ្នាក់ A គ្រប់មុខ។
ចំណែកឯដំបូន្មានដែលលោក Trump ផ្តល់ទៅកាន់កូនស្រីៗគឺ ទី១ ត្រូវក្លាហាន(Be brave) ហ៊ានធ្វើអ្វីដែលអ្នកដទៃគិតថាមិនអាចនិងហ៊ានសម្រេចចិត្ត។ ទី២ ត្រូវគិតឲ្យធំ(Think big) ហ៊ានដាក់ក្ដីស្រមៃឲ្យធំទើបអាចធ្វើកិច្ចការធំបាននិងទី៣ត្រូវធ្វើនូវអ្វីដែលគិតថាត្រឹមត្រូវ(Always do what you feel right) ទោះជារឿងនោះលំបាកនិងត្រូវអ្នកដទៃបដិសេធក៏ដោយ។
គួរជម្រាបថាលោកប្រធានាធិបតីបានរៀបការចំនួន៣លើក ដោយលើកទី១ជាមួយអ្នកស្រី Ivana Trump ទទួលបានចំណងដៃនូវកូន៣រូប រួមមានលោក Donald Jr. អ្នកស្រី Ivanka, លោក Eric។
លើកទី២រៀបការជាមួយអ្នកស្រី Marla Maples ដោយទទួលបានចំណងដៃកូនស្រី១រូបគឺអ្នកស្រី Tiffany និងការរៀបការលើកទី៣ជាមួយភរិយាបច្ចុប្បន្នអ្នកស្រី Melania Trump ទទួលបានកូនប្រុស ម្នាក់ជាចំណងដៃគឺយុវជន Barron ៕
អត្ថបទដោយ៖ ពីង ជូអេង
