រដ្ឋបាលខណ្ឌឫស្សីកែវ ប្រកាសឱ្យប្រជាពលរដ្ឋទៅចាប់ឆ្នោតយកដីដែលរដ្ឋផ្ដល់ជូននៅពេលឆាប់ៗ

កាលពីថ្ងៃសៅរ៍ទិ២០ ខែតុលា ឆ្នាំ២០១៩នេះ រដ្ឋបាលខណ្ឌឫស្សីកែវបានប្រកាសឱ្យបងប្អូនប្រជាពលរដ្ឋទាំង១៧៧ខ្នងផ្ទះ ដែលកំពុងរស់នៅក្នុងតំបន់មួយចំនួន ក្នុងខណ្ឌឫស្សីកែវ ចូលរួមចាប់ឆ្នោតដោយផ្ទាល់ ក្នុងពេលដ៏ឆាប់ខាងមុចនេះ។

រដ្ឋបាលខណ្ឌឫស្សីកែវបានជូនដំណឹងដល់ប្រជាពលរដ្ឋ ដែលកំពុងស្នាក់នៅលើដីចំណីផ្លូវសាធារណៈលេខ១៨០០ គម្រោងផ្លូវសាធារណៈមួយចំនួន (ប្លង់គោលតំបន់អភិវឌ្ឍន៍ឫស្សីកែវ) និងស្នាក់នៅលើដីឡូតិ៍របស់ប្រជាពលរដ្ឋ ដែលទិញពីសាលារាជធានីភ្នំពេញ (អតីតសាលាក្រុងភ្នំពេញ) ឬដីមានប័ណ្ណកម្មសិទ្ធិរួចហើយ ស្ថិតក្នុងតំបន់អភិវឌ្ឍន៍ឫស្សីកែវ ភូមិទួលពពែ សង្កាត់ទួលសង្កែទី២ ខណ្ឌឫស្សីកែវ ទៅទទួលដីប្រទានកម្មរបស់រដ្ឋ ទាំង១៧៧ខ្នងផ្ទះ តាមរយៈ ការចាប់ឆ្នោត ដែលប្រព្រឹត្តទៅនៅសាលប្រជុំចាស់ជាន់ទី២នៅរសៀលថ្ងៃទី២៣ ខែតុលា ឆ្នាំ២០១៩ខាងមុខនេះ ។ដោយត្រូវភ្ជាប់ជាមួយនូវសលាកបត្រ ឯកសារបញ្ជាក់អត្តសញ្ញាណ និងឯកសារពាក់ព័ន្ធសំខាន់ៗមួយចំនួនទៀតទៅជាមួយផង។

ដោយការរៀបចំបែងចែកនេះរៀបចំឡើងដោយគណៈកម្មការសម្រាប់បែងចែកដីឡូតិ៍ជូនប្រជាពលរដ្ឋ ក្នុងតំបន់អភិវឌ្ឍន៍ឫស្សីកែវ របស់រដ្ឋបាលរាជធានីភ្នំពេញ ។

សង្ឃឹមថាដំណឹងនេះនឹងអាចដឹងដល់ពលរដ្ឋដែលរស់នៅតំបន់ទាំងនោះគ្រប់ៗគ្នា ដើម្បីបានចូលរួមទទួលយកដីតាមរយៈការបោះឆ្នោតនេះកំបីខកខានឡើយ។

អត្ថបទ៖ ភោគ​ ម៉ារី

ដើម្បីទទួលបានព័ត៌មានកាន់តែលឿន និងច្បាស់លាស់អំពីការធ្វើជំនួញឫអាជីវកម្មថ្មីៗ ប្លែកៗសូមធ្វើការទាញយកកម្មវិធីថ្មីរបស់ Business Cambodia ដូចខាងក្រោម៖

សម្រាប់អ្នកប្រើប្រាស់ Android: https://play.google.com/store/apps/details?id=com.businesscambodia.app

សម្រាប់អ្នកប្រើប្រាស់ IOS: https://apps.apple.com/kh/app/business-cambodia-app/id1460967958

ទំនាក់ទំនងផ្នែកផ្សព្វផ្សាយពាណិជ្ជកម្ម៖ ០១៧/០៩៣ ៣០០ ៧៥៥

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

Online

RELATED ARTICLES