ហ៊ុំ មនី៖ចេញរកស៊ីជាងម្ភៃឆ្នាំ បង្កើតហ្រ្វេនឆាយប្រហិត តម្លៃសិទ្ធិអាជីវកម្មខ្ទង់ពាន់ដុល្លារ

លក់ស្ងាត់ៗតែកើបចំណូលខ្ទង់រាប់រយដុល្លារក្នុងមួយថ្ងៃ បច្ចុប្បន្នមាន៨សាខានៅ៦ខេត្ត និងក្រុងផ្សេងគ្នា ក្រោយប្រឡូកវិស័យលក់អាហារជាង២៤ឆ្នាំ បងស្រីមនី ជាម្ចាស់ហាងចែម៉ីប្រហិតសាលាចិន ដែលបើកដំបូងនៅបាត់ដំបង ប៉ុន្តែស្ទើរមិនគួរអោយជឿ យីហោក្នុងស្រុកផលិតផលប្រហិតដោយខ្លួនឯងនេះ អាចចេញហ្រ្វេនឆាយបានរហូតដល់៧សាខានៅបណ្តាខេត្ត និងរាជធានី។

បងស្រី មនី ជាអ្នកបាត់ដំបង ចេញរកស៊ីតាំងពីក្មេងមក គាត់មិនបានសិក្សាស្វែងយល់ពីអាជីវកម្មហ្រ្វេនឆាយ ឬនិន្នាការបច្ចុប្បន្ននេះជាអ្វីនោះទេ ប៉ុន្តែគាត់តែងធ្វើអ្វីដែលភ្ញៀវចូលចិត្ត ដោយសម្រិតសម្រាំងរសជាតិ វត្ថុធាតុដើម រក្សាគុណភាពធ្វើយ៉ាងណាឲ្យល្អ និងសេវាកម្មរហ័សទាន់ចិត្ត ដូច្នេះហើយទើបមានអតិថិជនដែលស្គាល់ហាងគាត់ នឹកឃើញចង់យកយីហោនេះទៅរកស៊ីនៅខេត្តក្រុងផ្សេង។

បន្ទាប់មកបងស្រី មនី បានសាកល្បងឲ្យឈ្មោះរបររបស់ខ្លួនទៅដៃគូរកស៊ីជាបន្តបន្ទាប់ក្នុងតម្លៃខ្ទង់ពាន់ដុល្លារ។ ប៉ុន្តែមុននឹងផ្តល់សិទ្ធគាត់មើលលក្ខខណ្ឌមួយចំនួនដែរ ដូចជាគាត់មានទីតាំងខ្លួនឯង ឬជួលទីតាំងក្នុងរយៈពេលយូរ និងជាអ្នកស្រលាញ់យីហោរបស់គាត់ ព្រមទាំងជាមនុស្សប្រឹងប្រែងតស៊ូផង ទើបគាត់អនុញ្ញាតិឲ្យយកយីហោរបស់គាត់ទៅរកស៊ី។

បច្ចុប្បន្ននេះ ហាងចែម៉ីប្រហិតសាលាចិន មានទីតាំងនៅ៦ខេត្ត និងរាជធានីរួមមានខេត្តបាត់ដំបង ភ្នំពេញ សៀមរាប ពោធិ៍សាត់ កំពត និងព្រះសីហនុ លោកអ្នកអាចទំនាក់ទំនងអ្នកនាងហ៊ុំ មនី បានតាមទូរស័ព្ទ 012 69 39 69៕

 

អត្ថបទដោយ៖ NOUN VANNAK

ដើម្បីទទួលបានព័ត៌មានកាន់តែលឿន និងច្បាស់លាស់អំពីការធ្វើជំនួញឫអាជីវកម្មថ្មីៗ ប្លែកៗសូមធ្វើការទាញយកកម្មវិធីថ្មីរបស់ Business Cambodia ដូចខាងក្រោម៖

សម្រាប់អ្នកប្រើប្រាស់ Android: https://play.google.com/store/apps/details?id=com.businesscambodia.app

សម្រាប់អ្នកប្រើប្រាស់ IOS: https://apps.apple.com/kh/app/business-cambodia-app/id1460967958

ទំនាក់ទំនងផ្នែកផ្សព្វផ្សាយពាណិជ្ជកម្ម៖ ០១៧/០៩៣ ៣០០ ៧៥៥

តើលោកអ្នកពេញចិត្តអត្ថបទមួយនេះទេ?​សូមចូលរួមផ្តល់មតិកែតម្រូវ!

Online

RELATED ARTICLES