https://business-cambodia.com/static/3fa983bb-1c52-4616-92c9-ac11b8fb4b0ahttps://business-cambodia.com/static/6fee374d-4e52-43a9-aa7a-11a5d3e92b85https://business-cambodia.com/static/91a38920-de5f-4e1d-ae8a-2664df6e29a6
https://business-cambodia.com/static/01287b62-7a8e-462f-801f-7aef721f2a84
អត្ថបទ >
ព័ត៌មានថ្មីៗ
ជំងឺអុតស្វា ឆ្លងចូលដល់១៦ប្រទេសហើយ ខណៈនេះគឺជារោគសញ្ញា និងរបៀបនៃការចម្លង

Bunthoeun Koem

May 23 2022

3K

យោងតាមរបាយការណ៍របស់អង្គការសុខភាពពិភពលោក គិតត្រឹមថ្ងៃទី២១ ខែឧសភា ឆ្នាំ២០២២ មានប្រទេសចំនួន ១៦ ហើយបានរកឃើញករណីឆ្លងជំងឺអុតស្វា (Monkeypox) ដែលមានដូចជាប្រទេស នីហ្សេរីយ៉ា សាធារណរដ្ឋអាហ្រីកកណ្ដាល កាម៉ារួន សាធារណរដ្ឋប្រជាធិបតេយ្យកុងហ្គោ អូស្រ្ដាលី ប៊ែលហ្សិក កាណាដា បារាំង អាហ្លឺម៉ង់ អ៊ីតាលី ហូឡង់ ព័ទុហ្គាល ប៉ូឡូញ អេស្ប៉ាញ ស៊ុយអែត ចក្រភពអង់គ្លេស និងសហរដ្ឋអាមេរិក។ បច្ចុប្បន្នអង្គកាសុខភាពពិភពលោកបានកំពុងតាមដានយ៉ាងយកចិត្ដទុកដាក់លើជំងឺនេះផងដែរ។

ចំពោះរោគសញ្ញានៃជំងឺអុតស្វានេះវិញ យោងតាមសេចក្ដីជូនដំណឹងរបស់ក្រសួងសុខាភិបាលកម្ពុជានៅថ្ងៃទី២៣ ខែឧសភា ឆ្នាំ២០២២ បង្ហាញថារោគសញ្ញានៃជំងឺនេះមានដូចជា៖

  • ក្ដៅខ្លួន ឈឺក្បាលខ្លាំង ហើមកូនកណ្ដុរ ឈឹសាច់ដុំ និងចេញកន្ទួលដែលមានពងបែក។
  • កន្ទួលមានទំនោរប្រមូលផ្ដុំនៅលើមុខ បាតដៃ និងបាតជើង។
  • មាត់ ប្រដាប់ភេទ និងភ្នែក ក៏អាចរងផលប៉ះពាល់ផងដែរ។
  • រោគសញ្ញា និងកន្ទួលលើស្បែក ជាទូទៅមានរយៈពេលជាច្រើនសប្ដាហ៍
  • ចំពោះរបៀបនៃការឆ្លងជំងឺនេះវិញមានដូចជា៖

    • តាមរយៈការប៉ះពាល់រាងកាយផ្ទាល់ ឬមានភាពប៉ះពាល់ជិតស្និទ្ធជាមួយអ្នកដែលមានរោគសញ្ញា រួចទាំងទំនាក់ទំនងផ្លូវភេទផងដែរ។
    • ហានិភ័យខ្ពស់នៃការឆ្លង៖ ដោយធ្វើការទំនាក់ទំនងយ៉ាងជិតស្និទ្ធជាមួយអ្នកដែលមានជំងឺនេះ រួមទាំងបុគ្គលិកសុខាភិបាល គ្រួសារ សមាជិក និងដៃគូផ្លូវភេទ។
    • សម្លៀកបំពាក់ ពួក កន្សែង ឬសម្ភារបរិភោគអាហារ/ចានក្បាន ដែលមានជាប់វីរុសបណ្ដាលមកពីអ្នកកើតជំងឺអុតស្វាបានប្រើប្រាស់ ឡូកឡុំជាមួយគ្នា អាចឆ្លងទៅអ្នកដទៃបាន។
    • ដំបៅខាងក្រៅ ឬដំបៅក្នុងមាត់ ក៏អាចឆ្លងដែរ មានន័យថា វីរុសនេះអាចឆ្លងតាមទឹកមាត់។
    • វីរុសនេះ ក៏អាចឆ្លងពីអ្នកមានផ្ទៃពោះទៅកាន់ទារកតាមរយៈទងសុក ឬពីឪពុកម្ដាយដែលមានឆ្លងវីរុសទៅដល់កូន អំឡូងពេល ឬក្រោយពេលឆ្លងទន្លេ តាមរយៈការប៉ះនឹងស្បែក។
    • ក្នុងខណៈពេលដែលប៉ះពាល់ផ្ទាល់ ត្រូវបានគេកំណត់បានថា ជារបៀបចម្លងផ្ទាល់ ក៏គេនៅមិនទាន់មានការបញ្ជាក់ច្បាស់នៅឡើយថា តើជំងឺនេះអាចត្រូវបានចម្លងជាពិសេសតាមរយៈផ្លូវភេទឬទេ? ដូចច្នេះការសិក្សា គឺត្រូវបានធ្វើជាចាំបាច់ ដើម្បីពន្យល់ឲ្យបានកាត់តែច្បាស់ពីហានិភ័យនេះ។

    យ៉ាងណាតាមការបញ្ជាក់ពីក្រសួងសុខាភិបាលមកដល់ពេលនេះប្រទេសកម្ពុជា ​មិនទាន់មានរកឃើញករណីឆ្លងជំងឺអុតស្វានេះនៅឡើយនោះទេ។

    សូមជម្រាបផងដែរថា ការផ្ទុះឡើងជាបន្ដបន្ទាប់នូវជំអឺអុតស្វា ត្រូវបានបញ្ជាក់កាលពីថ្ងៃទី៦ ខែឧសភា ឆ្នាំ២០២២ នៅចក្រភពអង់គ្លេស (ដោយចាប់ផ្ដើមនៅលើអ្នកដំណើរអង់គ្លេសម្នាក់ ដែលបានធ្វើដំណើរទៅប្រទេសនីហ្សេរីយ៉ា ដែលមានកន្លែងជំងឺនេះបានកើតមានបែបអង់ដេមី (Endemic Area)។ បើតាមការបញ្ជាក់ពីអង្គការសុខភាពពិភពលោក គិតត្រឹមថ្ងៃទី២១ ខែឧសភា ឆ្នាំ២០២២ នៅមិនទាន់មានករណីស្លាប់នៅឡើយនោះទេ៕

    281417126 377027514454018 8468189761762153715 N

    282815020 377027571120679 789010783418055524 N

    282379112 377027521120684 6273437549983221766 N

    258

    281427316 377027544454015 2100341523752323954 N

    ពាណិជ្ជកម្ម

    ស្វែងយល់អំពីពួកយើង
    ទំនាក់ទំនង​មក​ពួក​យើង
    • Address: Building 422 St. 271, Phum 1,
      Stung Mean Chey Khan MeanChey, Phnom Penh
    • Email: sam.businesscambodia@gmail.com
    • Phone: 017/093 300 755
    © 2022 Baksey Media. All Rights Reserved.
    Developed by: Neak Panhboth