១. ការចំណាយ

ជាក់ស្តែងលោកមិនចំណាយលុយលើរឿងពីរ៖ ដែលបច្ចុប្បន្នមានការនិយមខ្លាំងនោះគឺ កាហ្វេប្រេន និងកន្លែងប្រេនៗមួយចំនួនដែលចំណាយអស់លុយច្រើន។ ប៉ុន្តែសម្រាប់សេដ្ឋីម្នាក់នេះវិញគឺមិនចំណាយទៅលើកាហ្វេប្រេនឡើយ ដោយពេលខ្លះលោកចំណាយត្រឹមតែ២០សេនប៉ុណ្ណោះសម្រាប់ការទិញកាហ្វេយកមកធ្វើការនៅផ្ទះ។

 ​ចំណែកមួយចំណុចទៀតនោះ គឺលោកមិនចំណាយទៅលើសម្លៀកបំពាក់ ដូចជាស្បែកជើងប្រេន ខោអាវល្បី ដែលត្រូវចំណាយរាប់រាយដុល្លារនោះទេ។ ដូច្នេះលោកសន្សំបានប្រហែល៩៩ភាគរយ នៃប្រាក់ចំណូលរបស់លោក ដោយសារតែប្រាក់ចំណូលរបស់លោកខ្ពស់ពេក ហើយលោករក្សាការចំណាយរបស់លោកកាន់តែទាប និងអ្វីផ្សេងទៀតដែលលោកទទួលបានជាប្រាក់រង្វាន់ គឺលោកទុកសន្សំ និងវិនិយោគ។

២. ការវិនិយោគក្នុងវិស័យអចលនទ្រព្យ

សម្រាប់ការចេះវិនិយោគក្នុងសម័យនេះគឺជារឿងសំខាន់ខ្លាំង មិនថាជាការវិនិយោគភាគហ៊ុន ឬវិនិយោគលើអចលនទ្រព្យឡើយ ។ ដោយក្រឡេកមកមើល គំនិតវិនិយោគរបស់ លោក Graham នៅអាយុ២១ឆ្នាំលោកបានទិញអចលនទ្រព្យដំបូងគេដែលលោកបានយកប្រាក់សន្សំដែលលោកបានធ្វើជាភ្នាក់ងារលក់អចលនវត្ថុ បានទៅទិញអចលទ្រព្យនោះជាសាច់ប្រាក់ រហូតលោកអាចក្លាយជាម្ចាស់អចលទ្រព្យដ៏វ័យក្មេងម្នាក់ សម្រាប់លុយដែលលោកបានទិញអចលទ្រព្យនេះគឺកើតឡើងពីការសន្សំសំចៃ និងកាត់បន្ថយកការចាយខ្ជះខ្ជាយ។

 ៣. ធ្វើជាយូធូប

 ក្នុងការធ្វើជាយូធូបបច្ចុប្បន្នមានសន្ទុះខ្លាំងណាស់ និងអាចបង្កើតជាចំណូលនៅពេលទំនេរពីការងារឬការសិក្សា ។ ហើយនៅក្នុងនោះគឺជាបទពិសោធន៍ដ៏រីករាយ អំឡុងពេលនោះលោក បានធ្វើវីដេអូក្នុងវិស័យអចលនទ្រព្យរបស់លោកដោយមានអ្នកចូលមើលចំនួន ៩ ឬ ១០ដង បន្ទាប់មកលោកបានបន្តធ្វើវីដេអូបន្ថែមទៀតក៏ទទួលបានការគាំទ្រកាន់តែខ្លាំង។

 ជាក់ស្តែងបច្ចុប្បន្ន សេដ្ឋីរូបនេះកំពុងមានគណនីអាខោនចំនួនពីរ ៖

គណនីទី១៖ គឺនិយាយអំពី អចលនទ្រព្យ (Graham Stephan) ដែលមានអ្នកតាមដាន ៣.៨១លាននាក់ គណនីទី២ចែករំលែកអំពី លុយ អាជីវកម្ម និងហិរញ្ញវត្ថុ ដែលមានអ្នកតាមដានជិត ១លាននាក់ (The Graham Stephan Show) ដែលនឹងកំពុងមានការអ្នកតាមដានច្រើន។ ឥឡូវនេះ ប្រហែល៨៥ភាគរយ នៃប្រាក់ចំណូលរបស់លោកបានពីយូធូប តាមរបៀបណាមួយ ឬផ្សេងទៀត ហើយ១៥ភាគរយ ដែលនៅសល់គឺតាមរយៈការលក់អចលនទ្រព្យ ឬការវិនិយោគអចលនទ្រព្យ។

​

៤. ការសន្សំ

សម្រាប់ការសន្សំរបស់យើងម្នាក់ៗតែងតែមានលក្ខណៈខុសៗគ្នា ។ រីឯក្បួនសន្សំរបស់សេដ្ឋី៣០ឆ្នាំ នេះប្រសិនបើគិតពីប្រពភចំណូលរបស់លោកវិញ រួមមាន៖ គណនីយូធូបធំរបស់លោកប្រហែល ៨ម៉ឺនដុល្លារ , ការបង្រៀន (Teachable) ៣ម៉ឺដុល្លារ, គណនីយូធូបទី២ ៩ម៉ឺនដុល្លារ, កម្រៃជើងសារលក់អចលនទ្រព្យ ៩ម៉ឺនដុល្លារ , Affiliate programs និងអ្នកឧបត្ថម្ភ ៧ពាន់ដុល្លារ និង ចំណូលពីការជួល ប្រហែល១៥ម៉ឺនដុល្លារ ជាការប៉ាន់ស្មាន់ប្រភពចំណូលរបស់លោក។ លោកសន្សំទាំងលុយកក់ និងក្រដាសប្រាក់ចាស់ៗជាដើម។

៥. ចំណេញពីឡានTesla

រថយន្តភាគច្រើនមានការចំណាយច្រើន ប៉ុន្តែសម្រាប់ម៉ូដែលមួយនេះកំពុងតែពេញនិយមផងដែរ ដោយសារមិនប្រើសាំង ម៉ាស៊ីនដើរដោយអគ្គីសនីនិងមានការជួយសន្សំសំចៃច្រើន។ ដូចជាលោក Graham ជាដើមមានលុយរាប់លាន ប៉ុន្តែលោកចំណាយទៅលើរថយន្តម៉ូដែលនេះទៅវិញ ក្នុងខែមេសា ឆ្នាំ២០១៩ លោកបានទិញ Tesla កំឡុកពេលមានការបញ្ចុះតម្លៃយ៉ាងច្រើន ហើយចំណាយអស់ ៧០ដុល្លារក្នុងមួយខែ ។ ដូច្នេះក្នុងការជ្រើសរើសមធ្យាបាយគឺជារឿងសំខាន់ និងជួយកាត់បន្ថយចំណាយផងដែរ។

៦. ការកំសាន្តផ្សេងៗ

ជាទូទៅកំសាន្តមានច្រើន ប៉ុន្តែសម្រាប់សេដ្ឋីវ័យក្មេងរូបនេះបាន​ជ្រើសរើសចំណាយពេលធ្វើអាហារនៅផ្ទះជាមួយមិត្តស្រី មិត្តភក្តិ និងគ្រួសារ ដោយជំនួសឱ្យការចេញទៅមើលកុន គ្រាន់តែអាចបែរមកជាចាក់អ្វីមួយនៅលើ Netflix វិញបាន​ ហើយសន្សំសំចៃបានច្រើន។

ប្រសិនបើគិតត្រឹមឆ្នាំ២០២២នេះ ទ្រព្យសម្បត្តិដែលលោកមានកើនសរុបចំនួន ៧លានដុល្លារ ដែលបានមកពីការវិនិយោគវិស័យអចលនទ្រព្យ ការធ្វើយូធូប និងការងារផ្សេងៗទៀតរបស់លោក។ បើទោះជាលោកមានទ្រព្យប៉ុណ្ណាក៏លោកមិនចាយលុយច្រើនឡើយ គឺមានតែចាយដោយប្រុងប្រយ័ត្ន។

សរុបជារួម ទាំងនេះគឺគន្លឹះ និងមេរៀនដ៏ល្អសម្រាប់ទាំងអស់គ្នាដែលចង់ចាប់ផ្តើមអ្វីមួយ និងចាប់ផ្តើមសន្សំសំចៃ មិនគួរខ្ជះខ្ជាយឡើយ ដូចជាសេដ្ឋីខាងលើជាដើម គឺប្រើនូវជីវិតបែបសាមញ្ញ រីករាយ មើលឱកាស និងវិនិយោគបន្ថែម ៕

https://www.youtube.com/watch?v=_2ThNd8DBEI

អត្ថបទដោយ៖ ស្រេង យិនលីវ