វ័យខ្ទង់ ២០-៣០ឆ្នាំ ជាពេលវេលាដ៏សំខាន់បំផុតក្នុងដំណាក់កាលជីវិតមនុស្សម្នាក់ៗ ព្រោះវាជះឥទ្ធិពលយ៉ាងខ្លាំងដល់អនាគត និងគុណភាពជីវិតទាំងមូល។ ហេតុដូចនេះហើយទើបលោកបណ្ឌិត គីម ហ៊ាង ដែលជាអគ្គនាយកក្រុមហ៊ុន ​KW  Cambodia និង Khmer Real Estate បានចែករំលែករឿងធំៗ២ ដែលមនុស្សស្រីប្រុសគួរធ្វើឲ្យបានក្នុងវ័យនេះ៖

១/. រកមេល្អ៖ ការបើកទំព័រថ្មីនៃជីវិតការងារអ្នកត្រូវស្វែងរកក្រុមហ៊ុន ឬថ្នាក់ដឹកនាំដែលអ្នកយល់ថាល្អ និងអាចដឹកនាំជីវិតអ្នកទៅកាន់ភាពល្អប្រសើរបាន ដោយពុំគួរសម្លឹងមើលលើអត្ថប្រយោជន៍នៃប្រាក់ខែតែមួយមុខនោះទេ។ លោកបណ្ឌិត គីម ហ៊ាង បានលើកឡើងថា ចូររកការងារដែលត្រូវនឹងអនាគតមួយដែលអ្នកចង់បាន និងមានមេល្អ ព្រោះអ្នកអាចរៀនសូត្របានយ៉ាងច្រើនពីគាត់ បន្ទាប់មកធ្វើការឲ្យខ្លាំង ដាក់ចិត្តរៀនពីអ្វីដែលថ្មីពាក់ព័ន្ធនឹងគោលដៅរបស់អ្នក នោះអ្នកនឹងមើលឃើញខ្លួនឯងអភិវឌ្ឍខ្លួនលឿននឹកស្មានមិនដល់។

២/. ចាប់ផ្តើមចេញរកស៊ី៖ លោកបណ្ឌិត បានមានប្រសាសន៍ថា៖ «អ្នកធ្វើការ មានមុខងារ តួនាទីស្របតាមជំនាញវិជ្ជាជីវនៅក្នុងស្ថាប័នផ្សេងៗ ឬធ្វើការតាមធម្មតា ពិបាកនឹងក្លាយជាអ្នកមានណាស់»។ ម្លោះហើយនៅអំឡុងពេលដែលអ្នកកំពុងបម្រើការនៅក្នុងស្ថាប័ន ឬអង្គភាពណាមួយដែលអាចនាំអ្នកទៅកាន់ការសម្រេចក្តីស្រម៉ៃរបស់អ្នកហើយ អ្នកគួរបើកចិត្តរៀនពីការងារនោះឲ្យបានខ្លាំង ដើម្បីមានឱកាសចេញរកស៊ីចាប់ផ្តើមអាជីវកម្មដោយខ្លួនឯង ព្រោះមានតែការចេញរកស៊ីតែម្យ៉ាងគត់ដែលអាចរំដោះអ្នកទៅកាន់ភាពស្តុកស្តម្ភ និងចៀសផុតពីភាពក្របាន។

យ៉ាងណាមិញ ប្រសិនបើអ្នកខ្វះទុនក្នុងការចាប់ផ្តើមអាជីវកម្ម ឬត្រូវការទុនពង្រីកអាជីវកម្ម នៅធនាគារ PPC Bank ផ្តល់សេវាឥណទានសម្រាប់អាជីវកម្មខ្នាតតូចបំផុតចំនួន ២,០០០ ដុល្លាររហូតដល់ ១០,០០០ ដុល្លាររយៈពេលខ្លី ៧២ខែ ក្នុងអត្រាការប្រាក់ប្រហែល ១.០៨% ក្នុង​មួយខែ។ ចំណែកឯឥណទាន​ខ្នាត​មធ្យមមានចំនួន​​ពី ៥០,០០០ ដុល្លាររហូតដល់ ៥០០,០០០ ដុល្លារយៈពេលខ្លី ៧២ខែ ក្នុងអត្រាការប្រាក់ប្រហែល ០.៦៤% ក្នុង​មួយខែ។ សម្រាប់ព័ត៌មានលម្អិត អាចចូលទៅកាន់ Facebook page ឬធ្វើការទំនាក់ទំនងតាមរយៈលេខទូរស័ព្ទ ០៩៦ ៣៩០ ៩៩០៩ / ០២៣ ៩០៩ ៩០៩៕