ប្រទេសទាំង៣នេះ ប្រជាជន មានទម្លាប់អានសៀវភៅច្រើនបំផុត នៅតំបន់អាស៊ី
Ping Chou EngFEBRUARY 25 2024389 views

យោងតាមការសិក្សារបស់ World Population Review សម្រាប់ឆ្នាំ២០១៧ ដល់ឆ្នាំ ២០២២បានឱ្យដឹងថាប្រទេសចំនួន៣នេះនៅតំបន់អាស៊ីគឺមានប្រជាជនមានទម្លាប់អានសៀវភៅច្រើនបំផុត ដោយក្នុងនោះមានរាប់បញ្ចូលទាំងការអានតាមប្រព័ន្ធអេឡិចត្រូនិចផងដែរ៖​

 

+ចំណាត់ថ្នាក់លេខ៣: ប្រទេសចិន មានទម្លាប់អាន៨ម៉ោង/ ១សប្តាហ៍

 

ប្រទេស​ចិន​ស្ថិតនៅលំដាប់ថ្នាក់លេខ​៣​ដែល​ប្រជាជនមានទម្លាប់អានរយៈពេលជាមធ្យម៨ម៉ោងក្នុងមួយសប្តាហ៍។ ទិន្ន័យដែលបានសិក្សានៅក្នុងឆ្នាំ ២០០៩ ត្រូវបានគេរកឃើញថាមនុស្សជាង៧០% មានទម្លាប់អាននៅក្នុងប្រទេសចិន។ដោយនៅក្នុងការសិក្សាស្រាវជ្រាវនៅឆ្នាំ២០១០ បាន​ឱ្យដឹងថាប្រជាជន៦៩% នៃប្រទេសនេះដែលមានអាយុចន្លោះពី១៩-២៩ឆ្នាំ ជឿថាការអានមានសារៈសំខាន់សម្រាប់ការអភិវឌ្ឍន៍ជីវិតនិងការរស់​នៅរបស់ពួកគេ។

 

+ចំណាត់ថ្នាក់លេខ២: ប្រទេសថៃ មានទម្លាប់អាន​៩ម៉ោង ២៤នាទី/ ១សប្តាហ៍

 

ប្រទេស​ថៃ​ស្ថិត​នៅ​លំដាប់​ទី២ ដែ​លប្រជាជនមានទម្លាប់អាន​​ជា​មធ្យម​៩​ម៉ោង​និង​២៤​នាទី​ក្នុង​មួយ​សប្តាហ៍។ តាមប្រភពទិន្ន័យពី Statista បានឱ្យដឹងថាទម្លាប់នៃការអាននៅក្នុងប្រទេសថៃពាក់ព័ន្ធនឹងការចូលរួមចំណែកពីពិព័ណ៌សៀវភៅថ្នាក់ជាតិ ព្រឹត្តិការណ៍អក្សរសាស្ត្រ ស្នាដៃបកប្រែ និងអត្ថបទតាមអនឡាញជាច្រើនប្រភេទ។

 

+ ចំណាត់ថ្នាក់លេខ១: ប្រទេសឥណ្ឌា មានទម្លាប់អាន១០ម៉ោង ៤២នាទី/ ១សប្តាហ៍

 

ជាមួយនឹងពលរដ្ឋដែលមានទម្លាប់អាន១០ម៉ោង និង ៤២នាទីក្នុងមួយសប្តាហ៍ជាមធ្យម ប្រទេសឥណ្ឌាស្ថិតនៅលើលំដាប់ទី១នៅរបស់ Statista ដែលមានប្រជាជនអានច្រើនបំផុតមួយនៅអាស៊ី។

 

ការអាននៅក្នុងប្រទេសនេះ​ត្រូវ​បាន​គេ​គិត​ថា​មក​ពី​ការ​កើន​ឡើង​នៃ​ទូរទស្សន៍ ទូរស័ព្ទ​ដៃ និង​អ៊ីនធឺណិត ដោយ មនុស្សចង់កម្សាន្តដោយប្រើសម្ភារៈដែលងាយស្រួលមានតម្លៃថោក ខណៈការអានសៀវភៅរឿងបែបប្រឌិតដែលមិនមែនជាអក្សរសិល្ប៍ហាក់មានប្រជាប្រិយភាពក្នុងប្រទេសនេះ។

 

ឥណ្ឌាមានមហោស្រពសៀវភៅជាទៀងទាត់ រួមទាំងមហោស្រពអក្សរសិល្ប៍ប្រចាំឆ្នាំ ដែលជាកម្មវិធីដ៏ធំបំផុតរបស់ពិភពលោក ហើយសាលារៀននានាតែងប្រារព្ធកម្មវិធី សៀវភៅសប្តាហ៍ដើម្បីរំលឹកដល់ការអានចំពោះកុមារនិងយុវជនផងដែរ៕

 

អត្ថបទដោយ៖​ ពីង ជូអេង 

អត្ថបទពេញនិយមប្រចាំខែ
អត្ថបទថ្មីៗ
Footer Background
Business Cambodia
បំផុសគំនិតរកស៊ី នាំមនុស្សឱ្យហ៊ានចេញរកស៊ីតាមក្ដីស្រមៃ
© 2024 Baksey Media. All Rights Reserved.
Developed by: Technology Cambodia