ប្រិយមិត្តប្រហែលជាបានដឹងរួចមកហើយអំពីការប្រគួតមិត្តភាពរវាងម្ចាស់ជើងឯក World Cup 2022 អាហ្សង់ទីនប៉ះជាមួយម្ចាស់ផ្ទះឥណ្ឌូនេស៊ី ដែលនឹងប្រព្រឹតទៅនៅថ្ងៃ១៩ ខែមិថុនា ឆ្នាំ២០២៣ ខាងមុខនេះរួចមកហើយ ខណៈពេលនេះប្រធានសមាគមកីឡាបាល់ទាត់ឥណ្ឌូនេស៊ីបានប្រកាសនូវតម្លៃចូលរួមទស្សនាការប្រគួតជាផ្លូវការហើយ។
លោក Erick Thohir ប្រធានសមាគមកីឡាបាល់ទាត់ ឥណ្ឌូណេស៊ី (PSSI) បានប្រកាសថា តម្លៃសំបុត្រត្រូវបែងចែកជា៣ប្រភេទ ដោយប្រភេទទី៣ មានតម្លៃ Rp៦00,000 (៤០.០៦ដុល្លារ) និងទី២ មានតម្លៃ Rp១.២ លាន (៨០ដុល្លារ) ទី១មានតម្លៃ Rp២.៥ លាន (១៦៧ដុល្លារ) និងប្រភេទ VIP class មានតម្លៃ Rp៤.២៥លាន (២៨៤ដុល្លារ)។
គួរជម្រាបផងដែរថា សំបុត្រចូលរួមការប្រគួតនេះនឹងបើកលក់នៅថ្ងៃទី៥ ខែមិថុនា សម្រាប់អ្នកអ្នកកាន់មានប័ណ្ណ ហើយសម្រាប់ទូទៅនឹងចាប់ផ្តើមនៅថ្ងៃទី ៦ និងថ្ងៃទី ៧ ខែមិថុនា ខណៈចំនួនសំបុត្រដែលនឹងត្រូវដាក់លក់មានចំនួន ៦ម៉ឺនសំបុត្រ។ ប្រសិនបើគ្រប់គ្នាចង់ទិញសំបុត្រមើលផ្ទាល់អាចធ្វើការជាវតាមរយៈគេហទំព័រ PSSI និង tiket.com៕