ក្រុមហ៊ុនធានម៉ុង ឯ.ក សម្ពោធជាផ្លូវការ​ ជាមួយនិងផលិតផលជីកសិកម្ម​ ផេនដា មេន
Sopheak PichFEBRUARY 27 2024

រាជធានីភ្នំពេញ ថ្ងៃទី ២៧ ខែកុម្ភៈ ឆ្នាំ ២០២៤ - ក្រុមហ៊ុនធានម៉ុង ឯ.ក. បានសម្ពោធ​ជាផ្លូវការ​នូវ​ដំណើរការ​អាជីវកម្ម​របស់ខ្លួន ព្រមជាមួយនឹង​រោងចក្រផលិតជីដំបូងគេនៅ​កម្ពុជា​​ ក៏ដូចជា ​ការបញ្ចេញលក់​ជាផ្លូវការ​នូវជីកសិកម្មផលិត​ក្នុង​ស្រុក ម៉ាក​ ផេនដា មេន (Panda Man) ដែល​ជាជី​មានតម្លៃសមរម្យ គុណភាពខ្ពស់​​ និង​ជួយកាត់បន្ថយ​ថ្លៃដើម​​សម្រាប់កសិករ​ខ្មែរ ។

ពិធីសម្ពោធ បានធ្វើឡើងនៅរាជធានីភ្នំពេញ និង​​មានការ​ចូលរួម​ដោយ​ដេប៉ូចែកចាយជីថ្នាំកសិកម្មប្រមាណជាង ៣០០ នាក់នៅទូទាំង​ប្រទេស​កម្ពុជា ។​

Photo 2024 02 27 16 58 40លោក ឈិន ធានចាវ ប្រធាន​ប្រតិបត្តិនៃក្រុមហ៊ុន​ធានម៉ុង ឯ.ក មានប្រសាសន៍ថា ក្រុមហ៊ុន​ ធានម៉ុង ជា​ក្រុមហ៊ុនបច្ចេក​វិទ្យាកសិកម្ម ដែលផ្ដួចផ្ដើមឡើង​ដោយស្ថាបនិក​ជាជនជាតិខ្មែរ និងចិន​រួមគ្នា ដោយ​​ផ្ដោត​លើ​ការ​ស្រាវជ្រាវ ការអភិវឌ្ឍ និងការ​ផ្គត់ផ្គង់​ជីគីមី​ និងជីទឹក​ សម្រាប់ផលិតកម្ម​កសិកម្ម​នៅកម្ពុជា ។

លោក​បានបន្តថា ផលិតផលជី ផេនដា មេន របស់​ក្រុមហ៊ុន មានដូចជា ជីអ៊ុយរ៉េ ដេអាប៉េ កាលី និងអិនប៉េកា (NPK) ជាដើម ត្រូវបាន​ផលិតដោយផ្ទាល់​នៅរោង​ចក្ររបស់ខ្លួន​ក្នុង​ស្រុកឆ្លូង​ ខេត្តក្រចេះ របស់​​កម្ពុជា ​ ដែលជាកត្តាអាច​ជួយធ្វើឲ្យជី​មានតម្លៃសមរម្យ និង​កាត់បន្ថយថ្លៃជី​សម្រាប់កសិករ ។

លោក ឈិន ធានចាវ មានប្រសាសន៍ថា៖ “គោលបំណង​នៃការ​វិនិយោគ​របស់ក្រុមហ៊ុនធានម៉ុង គឺដើម្បីជួយដល់វិស័យ​កសិកម្ម​​ និងកសិករ​កម្ពុជា​ ក្នុងការ​ផលិតបាននូវទិន្នផល​ដែលមានគុណភាពខ្ពស់ ប៉ុន្តែ ការ​ចំណាយ​ទាបជាងមុន ។ ក្រុមហ៊ុន​មានបំណង​ធានាថា កសិករ​មានលទ្ធភាព​ប្រើប្រាស់​ផលិតផល​ជី​មានគុណភាពល្អ ហើយ​អាចបង្កើនផលិតកម្ម និង​ប្រាក់ចំណូល​របស់ខ្លួនបានកាន់តែប្រសើរ” ។

យោងតាម​ក្រុមហ៊ុន ធានម៉ុង បានឲ្យដឹងថា រោង​ចក្រផលិតជីកសិកម្ម​ ផេនដា មេន មានសមត្ថភាព
​ផលិតជី អិនប៉េកា រហូតដល់ទៅ ១៥ ម៉ឺនតោន​ក្នុងមួយឆ្នាំ​ និងជីទឹកចំនួន ៣ ម៉ឺនតោន​ក្នុងមួយឆ្នាំ ។

Photo 2024 02 27 16 58 48

Photo 2024 02 27 16 58 44

Photo 2024 02 27 16 58 51ការ​សម្ពោធជាផ្លូវការ​របស់ក្រុមហ៊ុនធានម៉ុង និងជី ផេនដា មេន បានធ្វើឡើង បន្ទាប់ពីឆ្លងកាត់​ការ​ធ្វើស្រែបង្ហាញដោយជោគជ័យ ចំនួនជាង ៣០០ កន្លែង​នៅទូទាំង​ប្រទេស ។

កសិករមួយរូប​ដែលបាន​ប្រើប្រាស់​ជី​ ផេនដា មេន នៅស្រុកទ្រាំង ខេត្តតាកែវ បាននិយាយថា៖ “នៅពេលយើងប្រើ​ជី ផេនដា មេន នេះ​ យើងឃើញថា ដើមស្រូវ​រឹងមាំល្អ មិនដួល ផ្លែ​គ្រាប់ធំៗ មានទម្ងន់ ហើយទិន្នផលកើនច្រើនជាង​មុនៗច្រើន” ។

បច្ចុប្បន្ន ជីផេនដា មេន របស់ក្រុមហ៊ុន ធានម៉ុង ត្រូវបាន​​បង្កើតឡើងសម្រាប់ដំណាំ​ច្រើនមុខ ដូចជា ដំណាំ​ស្រូវ ដំឡូងមី អំពៅ និងពោត​ជាដើម ។

Photo 2024 02 27 16 58 56

Photo 2024 02 27 16 59 06

Photo 2024 02 27 16 59 10

Photo 2024 02 27 16 59 00

Photo 2024 02 27 16 59 13លោក ឈិន ធានចាវ មានប្រសាសន៍ថា៖ “ចាប់ពីពេលនេះតទៅ ក្រុមហ៊ុន​នឹង​បន្ត​ស្រាវជ្រាវ​អភិវឌ្ឍ​ជីកសិកម្ម ឲ្យស្របតាម​សណ្ឋានដីរបស់​កម្ពុជា ដោយ​ប្រកាន់ខ្ជាប់នូវ​គោលការណ៍កសិកម្មបៃតង​ និង​ផលិតផល​បៃតង​ តាមរយៈការ​ប្រើប្រាស់បច្ចេកវិទ្យាទំនើបៗ ចុងក្រោយ” ។

Sopheak Pich

អត្ថបទសរុប៖ 568

អត្ថបទពេញនិយមប្រចាំខែ
អត្ថបទថ្មីៗ
Footer Background
Business Cambodia
បំផុសគំនិតរកស៊ី នាំមនុស្សឱ្យហ៊ានចេញរកស៊ីតាមក្ដីស្រមៃ
© 2024 Baksey Media. All Rights Reserved.
Developed by: Technology Cambodia