បងប្អូនមួយចំនួនប្រហែលដឹងមិនទាន់ដឹងទេថាតើប្រាក់ខែប៉ុន្មានទើបជាប់កាតព្វកិច្ចត្រូវបង់ពន្ធជូនរដ្ឋ ហើយត្រូវបង់ចំនួនប៉ុន្មានភាគរយនៃប្រាក់ខៃសរុប ហើយត្រូវបង់ជាទឹកប្រាក់ចំនួនប៉ុន្មាន។ ដូច្នេះថ្ងៃនេះ Business Cambodia នឹងបង្ហាញចំនួនប្រាក់ត្រូវបង់ពន្ធក៏ដូចជាអត្រាពន្ធនិងទឹកប្រាក់ត្រូវបង់ពន្ធលើប្រាក់បៀវត្ស។

ទាក់ទងនឹងការបង់ពន្ធនេះដែរ អ្នកធ្វើការនៅកម្ពុជាទាំងអស់សុទ្ធតែជាប់កាតព្វកិច្ចត្រូវបង់ពន្ធជូនរដ្ឋទៅតាមការកំណត់ពីច្បាប់ស្ដីពីសារពើពន្ធ។អនុលោមតាមមាត្រា៤៧ ថ្មី(បី) នៃច្បាប់ស្ដីពីសារពើពន្ធ និងនិយោជិតនិវាសនជនត្រូវជាប់ពន្ធលើប្រាក់បៀវត្ស ប្រចាំខែនិងត្រូវចាត់ទុកដោយនិយោជកតាមអត្រាកំណើនតាមថ្នាក់ដូចខាងក្រោមនេះ៖

១. ប្រាក់ខែពី ០ រៀល ដល់ ១៥ ០០ ០០០ រៀល ត្រូវបង់ពន្ធចំនួន០%
២. ប្រាក់ខែពី ១៥០០ ០០១ រៀល ដល់ ២.០០០.០០០ រៀល ត្រូវបង់ពន្ធចំនួន៥%
៣. ប្រាក់ខែពី ២០០០ ០០១ រៀល ដល់ ៨៥០០ ០០០ រៀល ត្រូវបង់បន្ធចំនួន១០%
៤. ប្រាក់ខែពីពី ៨៥០០ ០០១ រៀល ដល់ ១២ ៥០០ ០០០ រៀល ត្រូវបង់ពន្ធចំនួន១៥%
៥. ប្រាក់ខែលើសពី ១២ ៥០០ ០០០ រៀល ត្រូវបង់បន្ធចំនួន២០%

សូមមើលពីតារាងអត្រាកំណើនតាមថ្នាក់និងលម្អៀតលើសនៃប្រាក់ពន្ធតាមថ្នាក់នីមួយៗខាងក្រោម