នាព្រឹកថ្ងៃទី២៧ ខែមីនា ឆ្នាំ២០២៦ គឺជាចំណុចរបត់ថ្មីមួយទៀតនៃវិស័យទិញទំនិញអនឡាញនៅកម្ពុជា។ ក្រុមហ៊ុន VTENH បានប្រកាសសម្ពោធជាផ្លូវការនូវមុខងារថ្មី ដែលអនុញ្ញាតឱ្យអ្នកប្រើប្រាស់ក្នុងប្រទេសកម្ពុជា អាចធ្វើការបញ្ជាទិញទំនិញរាប់លានមុខដោយផ្ទាល់ពី Taobao តាមរយៈ VTENH APP។

កម្មវិធីសម្ពោធនេះ ប្រព្រឹត្តឡើងនៅផ្សារទំនើប អ៊ីអនម៉ល សែនសុខ ក្រោមវត្តមានរបស់ អ្នកឧកញ៉ាបណ្ឌិត សួរ វីរៈ អគ្គនាយកក្រុមហ៊ុន វិរៈ ប៊ុនថាំ និងថ្នាក់ដឹកនាំជាច្រើនរូប ដើម្បីផ្តល់ជូននូវបទពិសោធន៍ទិញទំនិញអនឡាញពីបរទេសដ៏សម្បូរបែប ទំនើប ងាយស្រួល និងតម្លៃសមរម្យជាងមុន សម្រាប់អ្នកប្រើប្រាស់នៅកម្ពុជា។

អត្ថប្រយោជន៍សំខាន់ៗនៃមុខងារថ្មីលើ VTENH៖

·      មិនស្មុគស្មាញក្នុងការបំពេញអាសយដ្ឋាននៅចិន៖ អ្នកប្រើប្រាស់គ្រាន់តែបំពេញអាសយដ្ឋានក្នុងប្រទេសកម្ពុជា ឬជ្រើសរើសសាខា វីរៈ ប៊ុនថាំ ដែលនៅជិតលោកអ្នកបំផុតជាការស្រេច។

·      តម្លៃសមរម្យ៖ បញ្ជាទិញដោយឥតគិតថ្លៃសេវាជួយទិញ (Service Fee) ជាមួយតម្លៃដឹកជញ្ជូនពីចិនមកកម្ពុជាក្នុងកម្រិតសមរម្យបំផុត។

·      មិនចាំបាច់ចេះភាសាចិន និងមិនបាច់បង្កើតគណនី Taobao៖ ទោះមិនចេះភាសាចិន ក៏អាចកុម្ម៉ង់ទំនិញបានយ៉ាងងាយស្រួលតាមរយៈកម្មវិធី VTENH ដោយផ្ទាល់ ដោយមិនចាំបាច់មានគណនី Taobao ផ្ទាល់ខ្លួនឡើយ។

·      ទំនុកចិត្តលើការទទួលទំនិញ៖ ក្នុងករណីទទួលបានទំនិញខុសពីការកុម្ម៉ង់ ក្រុមហ៊ុននឹងជួយដោះស្រាយ ឬទទួលទិញចូលវិញក្នុងតម្លៃកំណត់ណាមួយ ដើម្បីធានាបាននូវអត្ថប្រយោជន៍ជូនអតិថិជន។

គួរជម្រាបផងដែរថា ចាប់ពីថ្ងៃសម្ពោធនេះ រហូតដល់ ថ្ងៃទី២៧ ខែមេសា ឆ្នាំ២០២៦ លោកអ្នកនឹងទទួលបានការ ដឹកជញ្ជូនឥតគិតថ្លៃចំនួន ៣ ដង ជាមួយ វិរៈ ប៊ុនថាំ សម្រាប់ការទិញទំនិញដែលមានទម្ងន់ក្រោម 1KG ពី Taobao លើកម្មវិធី VTENH ដោយមិនកំណត់លក្ខខណ្ឌចំណាយឡើយ។

សម្រាប់ការសាកសួរព័ត៌មានលម្អិត និងតាមដានកម្មវិធីប្រូម៉ូសិនផ្សេងៗ សូមចូលទៅកាន់ទំព័រ Facebook ផ្លូវការរបស់ VTENH និង Vireak Buntham International Logistics៕