សម្រាប់បងប្អូនដែលមានលុយ១ពាន់ដុល្លារ ហើយចង់ទៅបង្កើតមុខរបរធំដូចគេរាងពិបាកបន្តិចហើយដោយសារតែការបង្កើតមុខរបរនីមួយៗទម្រាំតែមានគេស្គាល់គឺត្រូវចំណាយពេលយូរបន្តិច ហើយការចេញរកស៊ីក៏ត្រូវតែត្រៀមលុយទុកសាគួរដែលព្រោះចៀសវាងខ្លាចជួបហានិភ័យ។ ដូច្នេះបើអ្នកមានលុយ១ពាន់ដុល្លារកុំទាន់ចាប់របរធំពេក តែអ្នកទាំងអស់គ្នាគួរយកទៅធ្វើរឿងធំៗទាំង៣នេះសិនបើចង់សល់លុយ សល់ទ្រព្យ៖

១. វិនិយោគលើចំណេះដឹងសម្រាប់ខ្លួនឯង

ចំពោះការវិនិយោគលើចំណេះដឹង គឺជាការវិនិយោគដ៏ចំណេញលុយច្រើនបំផុត ព្រោះការវិនិយោគលើចំណេះដឹងគឺអាចដុសខាត់សមត្ថភាពខ្លួនឯងឱ្យកាន់តែខ្លាំងដើម្បីឱ្យខ្លួនឯងមានជំនាញកាន់តែច្បាស់ហើយអាចបង្កើតចំណូលបានកាន់តែច្រើនផងដែរ។ លើសពីនេះការវិនិយោគលើចំណេះដឹងគឺអាចជួយអ្នកកាត់បន្ថយហានិភ័យឲ្យនៅទាបពេលអ្នកយកលុយទៅរកស៊ីឬវិនិយោគលើអ្វីមួយ ព្រោះពេលអ្នកមានចំណេះដឹងទៅលើអ្វីដែលអ្នករកស៊ីនិងវិនិយោគ ឱកាសបរាជ័យនឹងមានតិចជាងជោគជ័យ។

ឧទាហរណ៍ថា ថ្ងៃមួយបងប្អូនចង់ចាប់ផ្ដើមវិនិយោគលើអចលនទ្រព្យ ដូច្នេះបងប្អូនបងត្រូវមានចំណេះដឹងទាក់ទងនឹងការវិនិយោគលើអចលនទ្រព្យជាមុនសិន។ ត្រង់នេះបងប្អូនមិនចាំបាច់ដឹងគ្រប់យ៉ាងពីអចលនទ្រព្យនោះទេ ប៉ុន្ដែត្រូវដឹងរឿងមួយចំនួនដែលជាមូលដ្ឋានគ្រឹះនៃការវិនិយោគលើអចលនទ្រព្យ។ ឧទាហរណ៍ បើចង់ទិញដីមួយកន្លែង អនាគតទៅលក់បានថ្លៃងាយស្រួលទិញលក់តើយើងគួរមើលលើកត្តាអ្វីខ្លះ។

អ៊ីចឹងបងប្អូនត្រូវមានចេះណេះដឹងលើកិច្ចការវិនិយោគលើអចលនទ្រព្យ ហើយដើម្បីបានចំណេះដឹងលើការវិនិយោគលើអចលនទ្រព្យបងប្អូនត្រូវអានអត្ថបទ អានសៀវភៅទាក់ទងនឹងអចលនទ្រព្យ។ លើសពីនេះ ត្រូវស្រាវជ្រាវខ្លួនឯងបន្ថែម ចូលរួមវគ្គបណ្ដោះបណ្ដាលទាក់ទងនឹងអចលនទ្រព្យ ជាពិសេសគឺសុំយោបល់ពីអ្នកដែលមានបទពិសោធន៍វិនិយោគលើអចលនទ្រព្យកាន់តែល្អ។

២.លក់អនឡាញ

ចំពោះមុខរបរលក់អនឡាញនេះ មិនមែនសំដៅឱ្យបងប្អូនទាំងអស់គ្នាទៅលក់គ្រឿងសម្អាងតែមួយមុខឡើយ គ្រាន់តែចាបក្រហមចង់ឱ្យទាំងអស់គ្នាសាកល្បងលក់របស់ប្រើប្រាស់ដែលកម្មង់យកពីចិន ឬវៀតណាមអីជាដើម។ ប៉ុន្តែមុននឹងចង់ចាប់ផ្តើមរបរនេះក្នុងនាមយើងជាអ្នកលក់យើងត្រូវលក់ពីតិចទៅច្រើនសិនដោយយើងអាចកម្មង់អីវ៉ាន់សម្ភារៈប្រើប្រាស់សម្រាប់ផ្ទះបាយ ឬរបស់ប្រើប្រាស់ក្នុងបន្ទប់ទឹកជំហ៊ានដំបូងយើងកម្មង់ឥវ៉ាន់មកល្មមសិន បន្ទាប់មកយើងចាប់ផ្តើមផុសលក់ក្នុង  Instragram Facebook Page ឬ Tik Tok អីជាដើម ប្រសិនជាលក់ទៅមានគាំទ្រច្រើននិងកាន់តែមានអតិថិជនយើងអាចឱ្យពួកគាត់ Pre Order តែដើម្បីធានាថាពេលបានឥវ៉ាន់ហើយខ្លាចពួកគាត់មិនយក យើងអាចឱ្យជម្រើសទៅដល់អ្នកទិញដើម្បីអ្នកទិញកក់លុយខ្លះក៏បានដែរ។

៣.ដកមួយផ្នែកសន្សំទុកពេលមានអាសន្ន

លុយបម្រុងទុកពេលមានអាសន្នពិតជាសំខាន់ ព្រោះវាជួយអ្នកឲ្យចៀសផុតពីបញ្ហាលុយកាក់ក្នុងការរស់នៅ។ តែយ៉ាងណាមិញមនុស្សមួយចំនួនមើលរំលងដែលធ្វើឲ្យពួកគាត់ជួបបញ្ហាហើយពេលខ្លះធ្លាក់ខ្លួនទៅក្នុងបញ្ហាបំណុលទៀតផង។ អ៊ីចឹងបើអ្នកសន្សំបាន១ពាន់ដុល្លារ អ្នកមិនគួរយកលុយអស់ពីខ្លួនទៅវិនិយោគឬរកស៊ីនោះទេ។ អ្នកគួរដកមួយផ្នែកមកសន្សំទុកបន្តទៀតដើម្បីទុកជាកញ្ចប់លុយសម្រាប់ប្រើការពេលមានអាសន្នឬហេតុការណ៍ផ្សេងៗដែលយើងត្រូវការលុយជាចាំបាច់បន្ទាន់ដើម្បីដោះស្រាយ។

គួរជម្រាបថា សម្រាប់បងប្អូនដែលចង់ដាក់លុយសន្សំ តែមិនដឹងដាក់នៅធនាគារណាទើបប្រាប់ការប្រាក់ខ្ពស់អាចបើកគណនីសន្សំជាមួយធនាគារ វីង បានអ្នកនឹងទទួលបានអត្រាការប្រាក់ខ្ពស់រហូតដល់ ៣% ក្នុងមួយឆ្នាំហើយអាចដកប្រាក់យកមកប្រើប្រាស់បានគ្រប់ពេលវេលាតាមតម្រូវការ ស្របពេលដែលប្រាក់ទឹកសន្សំរបស់អ្នកនឹងកើនឡើងជាបន្តបន្ទាប់ទៀតផង។ ធនាគារវីង គឺមានផ្តល់ជូននូវទំនុកចិត្តនិងភាពស្ងប់ចិត្ត ១០០% ពីធនាគារ វីង ព្រោះទទួលបានវិញ្ញាបនបត្រក្នុងការ ការពារអតិថិជន កម្រិតមាសពីស្ថាប័នវាយតម្លៃអន្តរជាតិ MFR ដែលជាការធានាលើតម្លាភាព និងការការពារកម្រិតខ្ពស់បំផុត សម្រាប់រាល់ទឹកប្រាក់សន្សំ និងប្រតិបត្តិការហិរញ្ញវត្ថុផ្សេងៗទៀតរបស់អ្នក។ ចាប់ផ្តើមសន្សំជាមួយធនាគារ វីង ថ្ងៃនេះ ដើម្បីកសាងអនាគតហិរញ្ញវត្ថុដ៏រឹងមាំ៕