ជាមួយគ្នានេះដែរឯកឧត្ដមឧបនាយករដ្ឋមន្ដ្រីក៏បានបញ្ជាក់ថា នៅពេលខាងមុខឯកឧត្ដមអាចនឹងជម្រាបជូនអ្នកវិនិយោគ និងអ្នកអភិវឌ្ឍលំនៅឋានថា មួយឆ្នាំត្រូវធ្វើផ្ទះប៉ុន្មាន ហើយតម្លៃប៉ុន្មាន? ការណ៍នេះគឺដើម្បីការចូលរួមរៀបចំក្រុង និងទីប្រជុំជន ដើម្បីការរស់នៅរបស់ប្រជាជនមានភាពប្រសើរឡើង ចៀសវាងការសាងសង់ហើយត្រូវទុកចោល។

យោងតាមសម្រង់សំដីនៅក្នុងវីដេអូ ដែលចេញផ្សាយកាលពីថ្ងៃទី១៩ ខែតុលា ឆ្នាំ២០២៥ ឯកឧត្ដមបានមានប្រសាសន៍យ៉ាងដូច្នេះថា “អ្នកឧកញ៉ា ហុង ពីវ ធ្វើត្រូវ ប្រជាជនខ្មែរជាទូទៅមានលទ្ធភាពផ្ទះតម្លៃត្រឹមតែ ២ ម៉ឺនដុល្លារទេរាល់ថ្ងៃនេះ។ មានអ្នកអាចលើហ្នឹង តែទូទៅប៉ុណ្ណឹង ព្រោះចំណូលនិងប្រាក់សន្សំរបស់យើងត្រឹម ១ ពាន់ជាង ថា ១ ៥០០ ចោះ ប៉ុណ្ណឹងទេក្នុង ១ ឆ្នាំ។ អ៊ីចឹងផ្ទះ ១ ម៉ឺន ២ ម៉ឺនគឺសមល្មម ចាំប្រាំឆ្នាំដប់ឆ្នាំទៀតនឹងដូរ។ អ៊ីចឹងល្បឿនរបស់យើងពីនេះទៅមុខ ជំហានរបស់យើងគឺជាជំហានដ៏ត្រឹមត្រូវ និងល្បឿនដ៏ត្រឹមត្រូវ"។ 

គួរជម្រាបថា កន្លងមកនេះ ក្រុមហ៊ុន បុរី ពិភពថ្មី របស់អ្នកឧកញ៉ា ហុង ពីវ ដែលជាក្រុមហ៊ុនអភិវឌ្ឍន៍លំនៅឋានដ៏លេចធ្លោនៅកម្ពុជាបានបើកលក់គម្រោងថ្មីរបស់ខ្លួន គឺគម្រោងពិភពថ្មី ខុនដូ សែនសុខ  គម្រោងពិភពថ្មី ខុនដូ កួរស្រូវ គម្រោងពិភពថ្មី ខុនដូ មានជ័យ។ ដោយគម្រោងគម្រោងខុនដូទាំងនេះគឺជាប្រភេទលំនៅឋានថ្មីសមរម្យ៕