កាលពីពេលថ្មីៗនេះ លោក Donald Trump ប្រធានាធិបតីរបស់សហរដ្ឋអាមេរិកបានធ្វើការដំឡើងពន្ធនាំចូលថ្មីទៅកាន់ប្រទេសដែលជាដៃគូអាជីវកម្មរបស់ខ្លួនចំនួន៦០ប្រទេសដោយក្នុងនោះប្រទេសកម្ពុជាយើងក៏ត្រូវបានអាមេរិកដំឡើងពន្ធនាំចូលថ្មីផងដែរ។

សម្រាប់ពន្ធនាំចូលថ្មីដែលអាមេរិកបានដំឡើងគឺមានអត្រាពី១០%ទៅ១២.៥% ហើយសម្រាប់ប្រទេសដែលជាសមាជិកអាស៊ានចំនួន១០ប្រទេសគឺមានប្រទេសចំនួន៧ដែលត្រូវបានអាមេរិកដំឡើងពន្ធនាំចូលថ្មីនេះ។

ខាងក្រោមនេះគឺជាអត្រាពន្ធដែលអាមេរិកដំឡើងពន្ធនាំចូលថ្មីខណៈប្រទេសហ្វីលីពីន ថៃ វៀតណាមនិងសិង្ហបុរី ត្រូវបានដំឡើងពន្ធនាំចូលខ្ពស់ជាងគេបំផុត៖

១. ប្រទេសកម្ពុជាដំឡើងពន្ធនាំចូលថ្មី១០%

២. ប្រទេសឥណ្ឌូនេស៊ីដំឡើងពន្ធនាំចូលថ្មី១០%

៣. ប្រទេសម៉ាឡេស៊ីដំឡើងពន្ធនាំថ្មី១០%

៤. ប្រទេសហ្វីលីពីនដំឡើងពន្ធនាំចូលថ្មី១២.៥%

៥. ប្រទេសសិង្ហបុរីដំឡើងពន្ធនាំចូលថ្មី១២.៥%

៦. ប្រទេសវៀតណាមដំឡើងពន្ធនាំចូលថ្មី១២.៥%

៧. ប្រទេសថៃដំឡើងពន្ធនាំចូលថ្មី១២.៥%

ដូច្នេះ ប្រទេសថៃ វៀតណាម សិង្ហាបុរីនិងហ្វីលីពីនគឺជាប្រទេសនៅអាស៊ានដែលត្រូវអាមេរិកដំឡើងពន្ធថ្មីបន្ថែមច្រើនបំផុត។ ចំណែកប្រទេស ឡាវ មីយ៉ាន់ម៉ា និងប្រទេសព្រុយនេមិនត្រូវបានបញ្ចូលក្នុងប្រទេសដែលត្រូវដំឡើងពន្ធថ្មីឡើយ។

គួរបញ្ជាក់ផងដែរថាសហរដ្ឋអាមេរិកបានដំឡើងពន្ធនាំចូលថ្មីទៅកាន់ប្រទេសដែលជាដៃគូពាណិជ្ជកម្មរបស់ខ្លួនចំនួន៦០ប្រទេសបន្ទាប់ពីមានការស៊ើបអង្កេតពីការិយាល័យតំណាងពាណជ្ជកម្មនៃសហរដ្ឋអាមេរិក៕