ការចិញ្ចឹមកូនគឺជាសិល្បៈមួយដែលទាមទារការយកចិត្តទុកដាក់ខ្ពស់។ ពេលខ្លះ ការស្រឡាញ់ខ្លាំងពេក ឬការមមាញឹកនឹងការងារខាងក្រៅអាចធ្វើឱ្យយើងមើលរំលងចំណុចខ្វះខាតមួយចំនួនក្នុងការអប់រំកូន។ ខាងក្រោមនេះគឺជាសញ្ញាព្រមានទាំង ៥ ដែលបង្ហាញថាវិធីសាស្ត្រចិញ្ចឹមកូនរបស់អ្នកអាចនឹងមានបញ្ហា ហើយអ្នកគួរតែប្រញាប់កែប្រែភ្លាមៗ ដើម្បីអនាគតដ៏ល្អរបស់កូន៖

១/. កូនមិនស្គាល់ខុសត្រូវ និងចូលចិត្តបន្ទោសអ្នកដទៃ៖ ប្រសិនបើកូនរបស់អ្នកតែងតែរកលេសដោះសារ ឬទម្លាក់កំហុសឱ្យមិត្តភក្តិ បងប្អូន ឬសូម្បីតែវត្ថុជុំវិញខ្លួននៅពេលធ្វើអ្វីមួយខុស នេះគឺជាសញ្ញាថាអ្នកផ្តល់ការការពារខ្លាំងពេក។ ការមិនបង្រៀនឱ្យកូនទទួលខុសត្រូវលើទង្វើខ្លួនឯង នឹងធ្វើឱ្យគេក្លាយជាមនុស្សទន់ជ្រាយ និងគ្មានភាពម្ចាស់ការនៅពេលធំឡើង។

២/. កូនប្រើអារម្មណ៍ឆេវឆាវដើម្បីទាមទារអ្វីដែលគេចង់បាន៖ នៅពេលអ្នកបដិសេធមិនទិញរបស់ក្មេងលេង ឬមិនឱ្យគេធ្វើអ្វីមួយ ហើយកូនចាប់ផ្តើមឡាំប៉ា យំស្រែក ឬបោកបោះរបស់របរ ហើយអ្នកសម្រេចចិត្តយល់ព្រមដើម្បីឱ្យកូនស្ងាត់ នោះអ្នកកំពុងតែចិញ្ចឹមកូនឱ្យក្លាយជា ក្មេងអាត្មានិយមហើយ។ គេនឹងរៀនសូត្រថា ការប្រើហិង្សា និងអារម្មណ៍ គឺជាមធ្យោបាយយកឈ្នះចិត្តឪពុកម្តាយ។

៣/. កូនមិនចេះជួយការងារផ្ទះ ឬរំពឹងឱ្យគេបម្រើជានិច្ច៖ ការស្រឡាញ់កូនដោយមិនឱ្យកូនប៉ះពាល់ការងារអ្វីសោះ គឺជាការសម្លាប់កូនដោយប្រយោល។ ប្រសិនបើកូនដល់វ័យលូតលាស់ហើយ នៅតែមិនចេះទុកដាក់ចាន កែវ ឬរៀបចំរបស់របរផ្ទាល់ខ្លួន នោះមានន័យថាអ្នកកំពុងបង្កើតទម្លាប់ "ព្រះអង្គម្ចាស់ ឬព្រះនាង" ដែលធ្វើឱ្យគេពិបាករស់នៅចុះសម្រុងជាមួយអ្នកដទៃក្នុងសង្គមនាពេលអនាគត។

៤/. កូនគ្មានសុជីវធម៌ និងមិនស្គាល់ចាស់ទុំ៖ ការនិយាយស្តីគ្មានពាក្យ «បាទ/ចាស» ការកាត់សម្តីមនុស្សធំ ឬការប្រើកាយវិការមិនសមរម្យដាក់អ្នកដទៃ គឺជាការឆ្លុះបញ្ចាំងពីការអប់រំក្នុងគ្រួសារ។ បើឪពុកម្តាយបណ្តោយឱ្យកូនធ្វើតាមចិត្តដោយយល់ថា គេនៅក្មេងមិនដឹងអី នោះគឺជាកំហុសដ៏ធំ ព្រោះសុជីវធម៌ត្រូវតែបណ្តុះតាំងពីតូច។

៥/. កូនញៀននឹងឧបករណ៍អេឡិចត្រូនិក (ទូរស័ព្ទ/ហ្គេម) ខ្លាំងពេក៖ ប្រសិនបើកូនមិនព្រមញ៉ាំបាយ ឬមិនព្រមចូលគេង បើគ្មានទូរស័ព្ទនៅក្នុងដៃ នេះគឺជាសញ្ញាអាសន្ន។ ការប្រើប្រាស់បច្ចេកវិទ្យាដើម្បីឱ្យកូននៅស្ងៀម នឹងធ្វើឱ្យប៉ះពាល់ដល់ការលូតលាស់ខួរក្បាល ទំនាក់ទំនងសង្គម និងសុខភាពផ្លូវចិត្តរបស់កូនយ៉ាងធ្ងន់ធ្ងរ។

យ៉ាងណាមិញ ការចិញ្ចឹមកូនមិនមែនជាការផ្តល់ឱ្យតែសម្ភារៈនិយម ឬការតាមចិត្តកូនគ្រប់បែបយ៉ាងនោះទេ ប៉ុន្តែវាគឺជាការបណ្តុះនូវគ្រាប់ពូជនៃ សីលធម៌ វិន័យ និងការទទួលខុសត្រូវ តាំងពីវ័យក្មេង។

គួរជម្រាបផងដែរថា បន្ទាប់ពីការអប់រំក្នុងគ្រួសារ ការជ្រើសរើសគ្រឹះស្ថានសិក្សាដែលត្រឹមត្រូវ គឺជាស្ពានដ៏សំខាន់បំផុតទីពីរក្នុងការកំណត់វាសនារបស់កុមារ។ ក្នុងន័យនេះ សាលាអន្តរជាតិ ប៊ើខឹលី (Berkeley International School) បានក្លាយជាដៃគូដ៏ទុកចិត្តសម្រាប់មាតាបិតា តាមរយៈការផ្ដល់ជូននូវកម្មវិធីសិក្សាស្តង់ដាជាតិ និងអន្តរជាតិពីចក្រភពអង់គ្លេស (Cambridge) ចាប់ពីកម្រិតមត្តេយ្យសិក្សា រហូតដល់ថ្នាក់ទី ១២។ វិញ្ញាបនបត្រមិនត្រឹមតែមានការទទួលស្គាល់ជាសកលប៉ុណ្ណោះទេ ប៉ុន្តែថែមទាំងផ្តល់ភាពងាយស្រួលដល់សិស្សានុសិស្សក្នុងការបន្តការសិក្សាទាំងក្នុង និងក្រៅប្រទេសដោយទំនុកចិត្ត។ អ្វីដែលកាន់តែពិសេស សាលាបានបង្កើតបរិយាកាសសិក្សាបែបវិជ្ជមាន ប្រកបដោយសុវត្ថិភាព និងវិន័យខ្ពស់ អមដោយបរិក្ខារទំនើបៗ និងក្រុមលោកគ្រូអ្នកគ្រូដែលមានជំនាញច្បាស់លាស់ ដើម្បីធានាថាបុត្រធីតារបស់លោកអ្នកទទួលបានការថែទាំ និងការអប់រំដ៏ល្អបំផុត។ សម្រាប់ព័ត៌មានបន្ថែម សូមទំនាក់ទំនងមកកាន់លេខ ០៩២ ៣៣ ៦៦​ ០២ ឬ ០១២ ៨៧២ ៦៣០៕

អត្ថបទដោយ៖ កាន់ ដារ៉ា (ម្ចាស់ស្នាដៃសៀវភៅ បុគ្គលិកឆ្នើម)

• សម្រាប់បុគ្គលិកដែលចង់បាន ចំណូលកើន ឡើងតួនាទីលឿន
• ម្ចាស់អាជីវកម្មដែលចង់កសាងក្រុមការងារដែកថែបបង្កើតលទ្ធផលខ្ពស់
• យើងសូមណែនាំសៀវភៅ «បុគ្គលិកឆ្នើម» តម្លៃពេញ ១២$ បើកក់ឥឡូវនេះតម្លៃត្រឹមតែ ១០$ ប៉ុណ្ណោះ។   បញ្ជាទិញតាម https://t.me/BusinessCambodiaBook