ក្រុមហ៊ុន ភីស​ ភេត្រូលៀម​ (ខេមបូឌា)​ បានរៀបចំពិធីអបអរសាទរគម្រប់ខួប ១ឆ្នាំនៃការកកើតក្រុមហ៊ុនរបស់ខ្លួន ដោយមានការអញ្ជើញចូលរួមពីថ្នាក់ដឹកនាំក្រុមហ៊ុន បុគ្គលិក អ្នកទិញសិទ្ធិចែកចាយបន្តស្ថានីយភីស និងដៃគូអាជីវកម្មនានា ដើម្បីអបអរសាទរសមិទ្ធផលសម្រាប់រយៈពេល១ឆ្នាំ និងការកម្សាន្តសប្បាយក្រោមដំបូលភីស តែមួយ។

ក្នុងបរិយាកាសដ៏សប្បាយរីករាយនេះ លោក ទៀ ស្យាម ស្ថាបនិក ក្រុមហ៊ុន​ ភីស ភេត្រូលៀម បានអញ្ជើញមានមតិសំណេះសំណាល និងថ្លែងអំណរគុណ ជូនដល់អ្នកទិញសិទ្ធិចែកចាយបន្តស្ថានីយភីស ភេត្រូលៀម​ (ខេមបូឌា) ដៃគូសហការអាជីវកម្មនានា បុគ្គលិក​ និងជាពិសេសអតិថិជន ដែលតែងតែជួយគាំទ្រ ជាពិសេសផ្តល់នូវទំនុកចិត្តមកកាន់ ភីស​​ ដែលបានធ្វើឱ្យ​​ ភីស​ ​អាចសម្រេចនូវផែនការ​ និងទិសដៅ របស់ខ្លួនតាំងពីចាប់ផ្តើមរហូតមកដល់ពេលនេះ និងកំពុងបន្តដំណើរទៅមុខឥតឈប់ឈរ ដើម្បីសម្រេចនូវទិសដៅ​បន្ទាប់។​​ ទំនុកចិត្តរបស់លោកអ្នក គឺជាកម្លាំងដែលជំរុញឱ្យយើងបន្តអភិវឌ្ឍខ្លួន និងកសាងអនាគតដ៏រឹងមាំសម្រាប់កម្ពុជា។

គួររំលឹកផងដែរថា កាលពីឆ្នាំមុន ក្រុមហ៊ុន ភីស​ ភេត្រូលៀម​ (ខេមបូឌា)​ ត្រូវបានបង្កើតឡើងក្នុងកាលៈទេសៈមួយដ៏ប្រថុចញ៉ុច ។ ការកើតឡើងរបស់ ភីស មិនមែនគ្រាន់តែជាការផ្លាស់ប្តូរឈ្មោះនោះទេ ប៉ុន្តែជាការកសាងថ្មីនៃទស្សនវិស័យ គុណតម្លៃ និងការប្តេជ្ញាចិត្ត ក្នុងការកសាងម៉ាកយីហោដែលប្រជាជនកម្ពុជាអាចជឿទុកចិត្ត និងមានមោទនភាពថាជារបស់ខ្លួន។

ក្នុងរយៈពេលមួយឆ្នាំកន្លងមកនេះ ភីស​ ភេត្រូលៀម​ (ខេមបូឌា)​ បានបន្តពង្រីកបណ្តាញស្ថានីយនៅទូទាំងប្រទេស ពង្រឹងប្រព័ន្ធប្រតិបត្តិការ និងខ្សែសង្វាក់ផ្គត់ផ្គង់ លើកកម្ពស់ស្តង់ដាផលិតផល និងសេវាកម្ម ព្រមទាំងបន្តវិនិយោគលើហេដ្ឋារចនាសម្ព័ន្ធ ដើម្បីធានាបាននូវគុណភាព សុវត្ថិភាព និងទំនុកចិត្តជូនអតិថិជន។​ 

ប្រសិនបើលោកអ្នកមានចំណាប់អារម្មណ៍ចង់ចូលរួមជាម្ចាស់ស្ថានីយ ភីស​ ភេត្រូលៀម​ (ខេមបូឌា) ឬចង់ស្វែងយល់បន្ថែមអំពីឱកាសសិទ្ធិអាជីវកម្ម (Franchise) សូមទំនាក់ទំនង៖
លោក លី​ សាំងហេង
ទូរស័ព្ទ៖ (+855) 96 229 3653