ក្រសួងរៀបចំដែនដី នគរូបនីយកម្ម និងសំណង់ ដែលជាសេនាធិការរបស់រាជរដ្ឋាភិបាល បាននិងកំពុងសិក្សារៀបចំគម្រោងឧទ្យានចំនួន ២ ទំហំសរុបជាង ៦០ ហិកតា ដែលមានទីតាំងស្ថិតនៅក្នុងភូមិសាស្ដ្រខេត្ដកណ្ដាល។ ដោយគម្រោងឧទ្យានទាំងពីរនោះរួមមាន៖
១. គម្រោងឧទ្យានបឹងត្បូង មានទំហំ ៤២ ហិកតា មានទីតាំស្ថិតនៅស្រុកខ្សាច់កណ្តាល
២. គម្រោង ឧទ្យានបឹងដំរីស្រុត មានទំហំ២២ ហិកតា មានទីតាំងស្ថិតនៅក្រុងអរិយក្សត្រ។
យ៉ាងណាមិញ កាលពីថ្ងៃទី២ ខែកញ្ញា ឆ្នាំ២០២៦ ឯកឧត្តមរដ្ឋលេខាធិការ ឈឿន ប៊ុណ្ណារ័ត្ន ដឹកនាំក្រុមការងាររៀបចំប្លង់គោល និងផែនការប្រើប្រាស់ដី របស់ស្រុកខ្សាច់កណ្តាល និងក្រុងអរិយក្សត្រ ដើម្បីចុះពិនិត្យទីតាំង គម្រោងរៀបចំលម្ហសាធារណៈ ក្នុងភូមិសាស្រ្តខេត្តកណ្តាលនេះផងដែរ។
គម្រោងទាំងពីរនេះ ក្រុមការងាររដ្ឋបាលក្រុង/ស្រុក បានសិក្សា និងគូសព្រាងជាបឋម នូវគោលគំនិតក្នុងការរៀបចំលម្ហសាធារណៈនេះ ជាកន្លែងធម្មជាតិសម្រាប់ប្រជាពលរដ្ឋមកលេងកំសាន្ត។ ហើយក្រុមការងារក្រសួង នឹងបន្តសហការសិក្សាបន្ថែមលើប្លង់ស្ថាបត្យកម្ម និងប្លង់ហេដ្ឋារចនាសម្ព័ន្ធ ដើម្បីបន្សីជាមួយស្ថានភាពធម្មជាតិ និងបង្កើតភាពទាក់ទាញសម្រាប់ប្រជាពលរដ្ឋក្នុងតំបន់៕
