ភ្នំពេញ — មិនចង់ស្តាយក្រោយ សូមកុំមើលរំលងសញ្ញាព្រមានទាំងនេះ ព្រោះវាអាចជាសញ្ញាដំបូងនៃបញ្ហាបេះដូង និងជំងឺសរសៃឈាមដែលមានហានិភ័យខ្ពស់ដល់អាយុជីវិត។ ជំងឺដូចជា លើសឈាម គាំងបេះដូង ខ្សោយបេះដូង និងចង្វាក់បេះដូងលោតញាប់ខ្លាំង គឺជាបញ្ហាសុខភាពដែលកំពុងកើនឡើងយ៉ាងគួរឱ្យព្រួយបារម្ភ និងអាចកើតឡើងដោយគ្មានការព្រមានច្បាស់លាស់ជាមុន ប្រសិនបើមិនបានទទួលការពិនិត្យ និងថែទាំទាន់ពេលវេលា។

អ្នកជំនាញផ្នែកបេះដូងនៃមន្ទីរពេទ្យអន្តរជាតិ អរៀនដា បានព្រមានថា មនុស្សជាច្រើននៅតែមិនយកចិត្តទុកដាក់ចំពោះសញ្ញាដំបូងៗ ដូចជា៖

·         ឈឺទ្រូង ឬអារម្មណ៍តឹងៗនៅទ្រូង

·         ដង្ហើមខ្លី ងាយហត់ ខ្សោយខ្លាំង

·         ឈឺក្បាលញឹកញាប់ វិលមុខ ឬបាត់បង់សមតុល្យខ្លួន។

អ្វីដែលគួរឲ្យភ័យខ្លាចជាងនេះទៀតនោះ គឺជំងឺបេះដូងជាច្រើនកើតឡើង “ដោយមិនមានសញ្ញាច្បាស់លាស់” រហូតដល់វាក្លាយជាហេតុការណ៍បន្ទាន់ ដែលអ្នកជំងឺជាច្រើនត្រូវបានបញ្ជូនទៅមន្ទីរពេទ្យនៅពេលដែលស្ថានភាពបានធ្ងន់ធ្ងរទៅហើយ ដែលធ្វើឲ្យអត្រាគ្រោះថ្នាក់ និងការកំណើនមរណៈភាពកើនឡើងខ្ពស់។

ដើម្បីជាការឆ្លើយតបទៅនឹងបញ្ហាសុខភាពទាំងនេះ មន្ទីរពេទ្យអន្តរជាតិ អរៀនដា បានបង្កើតជាកញ្ចប់ ពិនិត្យសុខភាពបេះដូង ដែលរចនាឡើងសម្រាប់ជួយប្រជាពលរដ្ឋខ្មែរ ឱ្យស្គាល់ច្បាស់នូវហានិភ័យ និងទប់ស្កាត់ពីជំងឺបេះដូងមុនពេលដែលវាអាចបង្កជាហានិភ័យបាន។ ការពិនិត្យក្នុងកញ្ចប់នេះរួមមាន ការវាយតម្លៃតាមរយៈម៉ាស៊ីនដែលមានបច្ចេកវិទ្យាទំនើបដូចជា៖

·         ការវាស់សម្ពាធឈាម ២៤ម៉ោង

·         ម៉ាស៊ីន ECG —  ដើម្បីវាស់កម្រិតដំណើរការនៃចង្វាក់បេះដូង

·         ម៉ាស៊ីន Stress Test — វាស់វែងសមត្ថភាពបេះដូងនៅពេលរាងកាយធ្វើចលនា

·         ម៉ាស៊ីន Heart Ultrasound (Echo) — ដើម្បីពិនិត្យរចនាសម្ព័ន្ធនិងមុខងារបេះដូង

·         ម៉ាស៊ីន CT Calcium Score Test — សម្រាប់វាស់កម្រិតសារធាតុកាល់ស្យូមក្នុងសរសៃឈាមបេះដូង ដែលជាសញ្ញាដំបូងនៃការកកស្ទះសរសៃរឈាម។

ឧបករណ៍ទាំងនេះជាបច្ចេកវិទ្យាចុងក្រោយដែលអាចផ្តល់លទ្ធផលនៃភាពជាក់លាក់ ព្រមទាំងជួយវេជ្ជបណ្ឌិតក្នុងការវាយតម្លៃស្ថានភាពបេះដូងឲ្យបានត្រឹមត្រូវ។ មន្ទីរពេទ្យអន្តរជាតិ អរៀនដា បានបញ្ជាក់ផងដែរថា ការរកឃើញបញ្ហាបេះដូងមុនពេលវាចាប់ផ្តើមធ្ងន់ធ្ងរ គឺជាវិធីសាស្ត្រដែលមានប្រសិទ្ធភាពបំផុតក្នុងការសង្គ្រោះជីវិត។

សូមកុំរង់ចាំរហូតដល់មានរោគសញ្ញា ព្រោះការចំណាយពេលបន្តិចក្នុងការពិនិត្យសុខភាពអាចជួយសង្គ្រោះជីវិតលោកអ្នក ក៏អាចជួយទប់ស្កាត់ហានិភ័យបេះដូងក្នុងអនាគតផងដែរ។

សូមទាក់ទងមកមន្ទីរពេទ្យអន្តរជាតិ អរៀនដា តាមរយៈទូរសព្ទ ឬផេកផ្លូវការក្នុងបណ្តាញសង្គម៖

សាខាដួងងៀប៖

Facebook Page: Orienda International Hospital

081 811 789 / 078 233 789 / 096 6233 789

Telegram: 078 233 789

ទីតាំងនៅអគារលេខ 66 ផ្លូវ ដួងងៀប២ ភូមិដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ៕