ខែកុម្ភៈ ឆ្នាំ២០២៦ ភ្នំពេញ – ការបើកសាខាថ្មីៗនេះរបស់ម៉ាកយីហោល្បីៗដូចជា BreadTalk, Kungfu Kitchen និង Little Caesars Pizza នៅជ្រោយចង្វារបេយ៍ បង្ហាញពីអ្វីដែលលើសពីជម្រើសភោជនីយដ្ឋានទៅទៀត។ នេះជាការឆ្លុះបញ្ចាំងពីការកើនឡើងជាលំដាប់នៃតំបន់មួយដែលកំពុងបង្កើតខ្លួនយ៉ាងឆាប់រហ័សជាមជ្ឈមណ្ឌលទីក្រុងដ៏សំខាន់មួយរបស់រាជធានីភ្នំពេញ។

ជ្រោយចង្វារបេយ៍ ដែល​បាន​ដាក់​ឲ្យ​ដំណើរការ​ក្នុង​ឆ្នាំ ២០១១ បាន​ចាប់ផ្តើម​ផ្លាស់ប្តូរ​ទៅជា​តំបន់​រីកចម្រើន​ដ៏សំខាន់​បំផុត​មួយ​របស់​រាជធានី​ភ្នំពេញ។ អ្វីដែល​ធ្លាប់​ត្រូវ​បាន​មើលរំលង​ឥឡូវនេះ​កំពុង​ក្លាយជា​ផ្នែក​សំខាន់​នៃ​អនាគត​របស់​រាជធានី ហើយ​ក្រុមហ៊ុន អូស៊ីអាយស៊ី (OCIC) កំពុង​ដើរតួនាទី​យ៉ាងសំខាន់​ក្នុង​ការផ្លាស់ប្តូរ​នោះ។​

ពីតំបន់មាត់ទន្លេដ៏ស្ងប់ស្ងាត់ ទៅកាន់តំបន់ដែលកំពុងរីកចម្រើន

ដោយមានទីតាំងស្ថិតនៅតាមបណ្តោយទន្លេសាប និងទន្លេមេគង្គ ជ្រោយចង្វារបេយ៍រួមបញ្ចូលលំនៅដ្ឋាន ពាណិជ្ជកម្ម ការអប់រំ និងការកម្សាន្តជាមជ្ឈមណ្ឌលចម្រុះ។ ទោះជាយ៉ាងណាក៏ដោយ សន្ទុះពិតប្រាកដបានចាប់ផ្តើមជាមួយនឹងហេដ្ឋារចនាសម្ព័ន្ធដែរកាន់តែប្រសើរឡើង។ ការសាងសង់ស្ពានជ្រោយចង្វារ និងក្រោយមកស្ពានឬស្សីកែវបានពង្រឹងការធ្វើដំណើររវាងខណ្ឌជ្រោយចង្វារ ទៅកាន់កណ្តាលទីក្រុងភ្នំពេញ ដោយកាត់បន្ថយពេលវេលាធ្វើដំណើរ និងផ្តល់ឱកាសឲ្យតំបន់នេះសម្រាប់ការអភិវឌ្ឍលំនៅដ្ឋាន និងពាណិជ្ជកម្ម។​

ក្នុងរយៈពេលប៉ុន្មានឆ្នាំមកនេះ សាលារៀន សហគមន៍លំនៅដ្ឋាន ហាងលក់ទំនិញ និងទីកន្លែងបដិសណ្ឋារកិច្ចបានចាប់ផ្តើមមានរូបរាង។ ហាងលក់ទំនិញ និងភោជនីយដ្ឋានដូចជា Starbucks, Gloria Jean’s Coffees, Brown Coffee, Lucky Supermarket និង AEON MaxValu បានបម្រើជាសេវាកម្មដល់ម្ចាស់លំនៅដ្ឋាន សិស្ស និងអ្នកទស្សនានៅឯតំបន់នោះ។ ការលាយបញ្ចូលគ្នានៃម៉ាកយីហោអន្តរជាតិ និងក្នុងស្រុកឆ្លុះបញ្ចាំងពីកំណើនពាណិជ្ជកម្មដែលវាស់វែងស្របតាមការអភិវឌ្ឍកាន់តែទូលំទូលាយរបស់ស្រុក។

តំបន់មួយដែលត្រូវបានទទួលស្គាល់នៅលើឆាកអន្តរជាតិ

ក្រៅពីវត្តមានគម្រោងលំនៅដ្ឋាន និងពាណិជ្ជកម្មដែលកំពុងកើនឡើងរបស់ខ្លួន ជ្រោយចង្វារបេយ៍ក៏បានក្លាយជាគោលដៅសម្រាប់ការរៀបចំកម្មវិធីឈានមុខគេមួយរបស់ប្រទេសកម្ពុជាផងដែរ។ មជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វារ ដែលត្រូវបានទទួលស្គាល់យ៉ាងទូលំទូលាយថាជាសាលអាពាហ៍ពិពាហ៍ អូស៊ីអាយស៊ី បានបម្រើតំបន់នេះជាទីកន្លែងសំខាន់សម្រាប់សន្និសីទទ្រង់ទ្រាយធំ ការតាំងពិព័រណ៍ និងការប្រារព្ធពិធីជាតិ។​

ក្នុងរយៈពេលប៉ុន្មានឆ្នាំចុងក្រោយនេះ តំបន់នេះបានរៀបចំការជួបជុំអន្តរជាតិធំៗ ដោយស្វាគមន៍ថ្នាក់ដឹកនាំពិភពលោកដូចជាអតីតប្រធានាធិបតីសហរដ្ឋអាមេរិក Joe Biden និងនាយករដ្ឋមន្ត្រីកាណាដា Justin Trudeau ក្នុងអំឡុងពេលកិច្ចប្រជុំកំពូលកម្រិតខ្ពស់ទាក់ទងនឹងអាស៊ាន ដែលគូសបញ្ជាក់ពីភាពលេចធ្លោកាន់តែខ្លាំងឡើងរបស់ខ្លួននៅលើឆាកជាតិ និងអន្តរជាតិ។

ក្រុមហ៊ុន អូស៊ីអាយស៊ី និងចក្ខុវិស័យនៅពីក្រោយការអភិវឌ្ឍ

នៅពីក្រោយការផ្លាស់ប្តូរនេះគឺ ក្រុមហ៊ុន អូស៊ីអាយស៊ី ដែលជាអ្នកអភិវឌ្ឍនៅពីក្រោយគម្រោងទីក្រុងល្បីៗមួយចំនួនរបស់រាជធានីភ្នំពេញ។ អស់រយៈពេលជាង ២៥ ឆ្នាំមកហើយ ភាពជាអ្នកដឹកនាំរបស់លោកឧកញ៉ា បណ្ឌិត ពុង ឃាវសែ បានដើរតួនាទីយ៉ាងសំខាន់ក្នុងការរីកចម្រើនរបស់ក្រុមហ៊ុន និងក្នុងការគាំទ្រដល់ការអភិវឌ្ឍទីក្រុងរបស់ប្រទេសកម្ពុជា។ដោយមានទីក្រុងកោះពេជ្រជាភស្តុតាងនៃចក្ខុវិស័យ និងការអនុវត្តរយៈពេលវែងរបស់ខ្លួន ក្រុមហ៊ុន អូស៊ីអាយស៊ី បាននាំយកវិធីសាស្រ្តដូចគ្នានេះទៅកាន់ជ្រោយចង្វារបេយ៍ ដោយដាក់វាជាជំពូកបន្ទាប់នៅក្នុងការចូលរួមចំណែកអភិវឌ្ឍទីក្រុងរបស់ប្រទេសកម្ពុជា។

ក្នុងរយៈពេលប៉ុន្មានឆ្នាំមកនេះ ចក្ខុវិស័យសម្រាប់ជ្រោយចង្វារបេយ៍បានផ្តោតលើការតភ្ជាប់ ការអភិវឌ្ឍចម្រុះ និងកំណើនប្រកបដោយនិរន្តរភាព។ កំឡុងពេលដែលតំបន់នេះបន្តអភិវឌ្ឍ នេះជាការបន្តឆ្លុះបញ្ចាំងពីអ្វីដែលចក្ខុវិស័យរយៈពេលវែងជាមួយភាពជាអ្នកដឹកនាំក្នុងវិស័យឯកជនដ៏រឹងមាំ និងផែនការយុទ្ធសាស្ត្រអាចសម្រេចបាន។​

ជាមួយនឹងគម្រោងថ្មីៗ ការផ្តល់នូវម៉ាកយីហោល្បីៗ និងហេដ្ឋារចនាសម្ព័ន្ធជាបន្តបន្ទាប់នៅខាងមុខ ជ្រោយចង្វារបេយ៍នៅតែបន្តដើរតួនាទីជាផ្នែកមួយនៃការរីកចម្រើនរបស់រាជធានីភ្នំពេញក្នុងរយៈពេលប៉ុន្មានឆ្នាំខាងមុខ។