បើយោងតាមសេចក្ដីប្រកាសរបស់ធនាគារជាតិនៃកម្ពុជានៅថ្ងៃទី១១ខែកញ្ញានេះ បានឲ្យដឹងថាកាលពីថ្ងៃទី៣ខែសីហាឆ្នាំ២០២៦នេះ ធនាគារជាតិបានដកហូតអាជ្ញាបណ្ណរបស់គ្រឹះស្ថានផ្ដល់សេវាទូទាត់សងប្រាក់ ធានស៊ូ អ៊ិនធើណេសិនណល ថេកណឡជី ម.ក ដោយអនុវត្តតាមច្បាប់និងបទប្បញ្ញត្តិជាធរមាន។
យោងតាមសេចក្ដីប្រកាសដដែលនេះបានឲ្យដឹងទៀតធនាគារជាតិបានតែងតាំងក្រុមហ៊ុន ម៉ូរីសុនកាក់ អិមខេអេ អឌីត-អឹខោនធីង ឯ.ក ជាអ្នកជម្រះបញ្ជីតាមមាត្រា៦៨នៃច្បាប់ស្ដីពីគ្រឹះស្ថានធនាគារនិងហិរញ្ញវត្ថុ។
ចំពោះការទូទាត់សងប្រាក់ទៅកាន់អតិថិជនរបស់គ្រឹះស្ថានផ្ដល់សេវាទូទាត់សងធានស៊ូ អ៊ិនធើណេសិនណល ថេកណឡជី ម.ក នឹងត្រូវអនុវត្តដោយអ្នកជម្រះបញ្ជីតាមលំដាប់អាទិភាពដូចបានកំណត់ដោយច្បាប់ស្ដីពីគ្រឹះស្ថានធនាគារនិងហិរញ្ញវត្ថុ។ សូមអានសេចក្ដីប្រកាសខាងក្រោមនេះ៕
