មិនបាច់ពិបាកដូរលុយ! ចាប់ពីពេលនេះប្រជាជនខ្មែរអាចចាយប្រាក់រៀលខ្មែរនៅប្រទេសម៉ាឡេស៊ីបានតាម QR Code
Sambat SokhlangFEBRUARY 27 2024265 views

ចាប់ពីពេលនេះតទៅ ចង់ទៅដើរលេងនៅប្រទេសម៉ាឡេស៊ីលែងពិបាកដូរលុយទៀតហើយ ក្រោយកម្ពុជាសហការជាមួយប្រទេសម៉ាឡេស៊ីឱ្យប្រជាជនខ្មែរដែលរស់នៅ ធ្វើការនិងទៅដើរលេងអាចទូទាត់ប្រាក់តាម QR Code បាន ។

 

Qr Codes

 

កាលបើកឱ្យដំណើរការនូវប្រតិបត្តិការទូទាត់តាមរយៈ QR Code នេះត្រូវធ្វើបានធ្វើឡើង ក្នុងពិធីចុះហត្ថលេខាលើអនុស្សរណៈយោគយល់ ស្តីពី កិច្ចសហប្រតិបត្តិការផ្នែកនវានុវត្តន៍ហិរញ្ញវត្ថុ និងប្រព័ន្ធទូទាត់សងប្រាក់ នៅប្រទេសម៉ាឡេស៊ី នៅថ្ងៃទី២៧ ខែកុម្ភៈ ឆ្នាំ២០២៤ ក្រោមអធិបតីភាពដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និងឯកឧត្តម Anwar Ibrahim នាយករដ្ឋមន្រ្តី នៃប្រទេសម៉ាឡេស៊ី   នេះធនាគារជាតិនៃកម្ពុជា និងធនាគារ។

 

428703310 735158478757966 8087699616487302548 N

 

អនុស្សរណៈយោគយល់នេះត្រូវបានរៀបចំឡើង ដើម្បីជំរុញកិច្ចសហប្រតិបត្តិការឱ្យកាន់តែជិតស្និទ្ធ ព្រមទាំងលើកកម្ពស់នវានុវត្តន៍ហិរញ្ញវត្ថុ និងការទូទាត់ឆ្លងដែនប្រកបដោយប្រសិទ្ធភាពនិងសុវត្ថិភាពបន្ថែមទៀត សំដៅផ្តល់ជាប្រយោជន៍ដល់ប្រជាពលរដ្ឋ និងធុរជនរបស់ប្រទេសទាំងពីរ។ ដោយកិច្ចសហប្រតិបត្តិការនេះក៏នឹងជួយលើកកម្ពស់ការប្រើប្រាស់រូបិយវត្ថុក្នុងស្រុកសម្រាប់ការទូទាត់ ព្រមទាំងជួយគាំទ្រដល់ការកិច្ចសហការត្រួតពិនិត្យការទូទាត់ឆ្លងដែន ឱ្យកាន់តែមានប្រសិទ្ធភាព និងសុវត្ថិភាពផងដែរ។

 

Kuala Lumpur

 

គួរបញ្ជាក់ផងដែរថា បច្ចុប្ប​ន្ន ​កម្ពុជា​បាន​ដាក់​ឱ្យ​ដំណើរ​ការ​កា​រទូទាត់ឆ្លងដែន តាម​ប្រព័ន្ធ​QR-Code ​ជា​មួយប្រទេសធំៗ ចំនួន ៦ រួមមាន ៖ ថៃ ​វៀត​ណាម​ ​ចិន​ ឥណ្ឌា ​​ឡាវ  និងប្រទេស ម៉ាឡេស៊ី ផងដែរ ៕

អត្ថបទពេញនិយមប្រចាំខែ
អត្ថបទថ្មីៗ
Footer Background
Business Cambodia
បំផុសគំនិតរកស៊ី នាំមនុស្សឱ្យហ៊ានចេញរកស៊ីតាមក្ដីស្រមៃ
© 2024 Baksey Media. All Rights Reserved.
Developed by: Technology Cambodia