រាជធានីភ្នំពេញ ព្រះរាជាណាចក្រកម្ពុជា — ថ្ងៃទី១៤ ខែកក្កដា ឆ្នាំ២០២៦ — ក្រុមហ៊ុន សុីធី លីង ត្រេនស្ព័រថេសិន​ (ខេមបូឌា) ឯ.ក ដែលជាក្រុមហ៊ុនទទួលសិទ្ធិផ្តាច់មុខនៃម៉ាកយីហោ Hertz និងក្រុមហ៊ុន អង្គរ ជេនេរ៉ល អុិនសួរេន បានរៀបចំពិធីចុះហត្ថលេខាជាផ្លូវការលើអនុស្សរណៈនៃការយោគយល់គ្នា ក្នុងការបង្កើតភាពជាដៃគូយុទ្ធសាស្ត្រ ដើម្បីពង្រឹងការរួមបញ្ចូលគ្នារវាងសេវាកម្មធានារ៉ាប់រង និងដំណោះស្រាយក្នុងការធ្វើដំណើរ ក្រោមប្រធានបទ «ពាណិជ្ជកម្ម និងការការពារគ្មានដែនកំណត់» (Unlimited Commerce and Protection) សម្រាប់វិស័យជួលរថយន្ត (Fleet) និងដឹកជញ្ជូននៅក្នុងព្រះរាជាណាចក្រកម្ពុជា។

កិច្ចព្រមព្រៀងនេះ គឺជារបត់ដ៏សំខាន់មួយក្នុងការរឹតចំណងកិច្ចសហប្រតិបត្តិការរវាងវិស័យដឹកជញ្ជូន និង
វិស័យធានារ៉ាប់រងនៅកម្ពុជា ក្រោមគោលបំណងរួមក្នុងការគាំទ្រដល់ប្រតិបត្តិការពោរពេញដោយសុវត្ថិភាព ការលើកកម្ពស់និរន្តរភាពអាជីវកម្ម និងការអភិវឌ្ឍប្រកបដោយចីរភាព។ ក្រោមលក្ខខណ្ឌនៃភាពជាដៃគូនេះ ភាគីទាំងពីរនឹងសហការគ្នាលើការការពារយានយន្តដែលកំពុងដាក់បម្រើការជូនសេវាកម្មជួល និងកំពុងប្រតិបត្តិការនៅលើទីផ្សារ ពិសេសជួយពង្រឹងភាពរឹងមាំនៃប្រតិបត្តិការសម្រាប់អាជីវកម្មជួលរថយន្តព្រមទាំងរួមចំណែកក្នុងការបង្កើនទំនុកចិត្តលើប្រព័ន្ធអេកូឡូស៊ីនៃការធ្វើដំណើរ  និងដឹកជញ្ជូន(Mobility Ecosystem) នៅក្នុងព្រះរាជាណាចក្រកម្ពុជា។

ក្រុមហ៊ុន សុីធី លីង ត្រេនស្ព័រថេសិន​ (ខេមបូឌា) ឯ.ក ដែលជាក្រុមហ៊ុនទទួលសិទ្ធិផ្តាច់មុខនៃម៉ាកយីហោ Hertz ពីសហដ្ឋអាមេរិកមកប្រទេសកម្ពុជាបាននាំមកនូវបទពិសោធន៍ជាងមួយទសវត្សរ៍ក្នុងសេវាកម្មជួលរថយន្ត ដោយផ្តល់ជូននូវដំណោះស្រាយដឹកជញ្ជូនដ៏ទូលំទូលាយទាំងក្នុងរយៈពេលខ្លី និងរយៈពេលវែង ដែលត្រូវបានកែច្នៃស្របតាមតម្រូវការទីផ្សារជាក់ស្តែង។ តាមរយៈកិច្ចសហប្រតិបត្តិការនេះ ស្ថាប័នទាំងពីរមានគោលបំណងរួមបញ្ចូលគ្នានូវចំណុចខ្លាំងរបស់ខ្លួន ពោលគឺជំនាញខាងប្រតិបត្តិការរបស់ក្រុមហ៊ុន សុីធី លីង ត្រេនស្ព័រថេសិន​ (ខេមបូឌា) ឯ.ក និងសមត្ថភាពការពារផ្នែកធានារ៉ាប់រងយានយន្តរបស់ក្រុមហ៊ុន អង្គរ ជេនេរ៉ល អុិនសួរេន ដើម្បីផ្តល់នូវតម្លៃបន្ថែមដ៏ប្រសើរជូនដល់ប្រតិបត្តិករ អ្នកបើកបរ អតិថិជនទាំងបុគ្គល និងដៃគូអាជីវកម្ម។

ភាពជាដៃគូនេះ គឺស្របតាមចក្ខុវិស័យយុទ្ធសាស្ត្ររួមគ្នា ដើម្បីជំរុញវិស័យដឹកជញ្ជូន នៅកម្ពុជា តាមរយៈសេវាកម្មប្រកបដោយវិជ្ជាជីវៈ ដំណោះស្រាយធានារ៉ាប់រងដើម្បីកាត់បន្ថយហានិភ័យ និងការពង្រីកលទ្ធភាពនៃទីផ្សារក្នុងតំបន់។ នៅក្នុងប្រសាសន៍ថ្លែងក្នុងពិធីចុះហត្ថលេខានោះ តំណាងនៃអង្គភាពទាំងពីរបានគូសបញ្ជាក់ថា អនុស្សរណៈនៃការយោគយល់គ្នា (MOU) នេះ ឆ្លុះបញ្ចាំងច្បាស់ពីការប្តេជ្ញាចិត្តរយៈពេលវែងក្នុងការអភិវឌ្ឍប្រព័ន្ធអេកូឡូស៊ីនៃការដឹកជញ្ជូន ឱ្យកាន់តែមានភាពរឹងមាំ និងមានរចនាសម្ព័ន្ធច្បាស់លាស់។ គំនិតផ្តួចផ្តើមនេះ ត្រូវបានរំពឹងថានឹងដើរតួជាគ្រឹះសម្រាប់កិច្ចសហប្រតិបត្តិការបន្ថែមទៀតនាពេលអនាគត ប្រកបដោយសក្តានុពលក្នុងការពង្រីកខ្លួនទៅកាន់ប្រតិបត្តិករពាក់ព័ន្ធនៅក្នុងវិស័យផ្សេងៗទៀត ក៏ដូចជាក្រុមហ៊ុនផ្តល់សេវាកម្មជួលរថយន្ត និងសហគ្រាសដឹកជញ្ជូនទូទាំងប្រទេស។

ដោយផ្អែកលើប្រធានបទ «ពាណិជ្ជកម្ម និងការការពារគ្មានដែនកំណត់» ភាពជាដៃគូនេះបានសង្កត់ធ្ងន់លើសារៈសំខាន់នៃការរួមបញ្ចូលគ្នារវាងការពង្រីកអាជីវកម្ម និងការការពារហានិភ័យដោយសេវាធានារ៉ាប់រង ដើម្បីធានាថាការរីកចម្រើននៃទីផ្សារយានយន្តទីត្រូវបានគាំទ្រដោយសន្តិសុខហិរញ្ញវត្ថុ និងស្ថិរភាពប្រតិបត្តិការ។ កិច្ចសហប្រតិបត្តិការនេះ ស្តែងឱ្យឃើញពីជំហានឆ្ពោះទៅមុខដ៏សំខាន់មួយក្នុងការជម្រុញស្តង់ដារឧស្សាហកម្មយានយន្ត និងគាំទ្រដល់ការអភិវឌ្ឍជាបន្តបន្ទាប់នៃវិស័យដឹកជញ្ជូននៅក្នុងព្រះរាជាណាចក្រកម្ពុជា។

ផលិតផលធានារ៉ាប់រងយានយន្តរបស់ ក្រុមហ៊ុន អង្គរ ជេនេរ៉ល អុិនសួរេន ត្រូវបានបង្កើតឡើងដោយផ្អែកលើចំណុចលេចធ្លោសំខាន់ៗចំនួន ៨ ដែលផ្តោតលើការធានាពិត សេវាកម្មពិត និងសន្តិភាពផ្លូវចិត្តរបស់អតិថិជនជាចម្បង៖
· ធានារ៉ាប់រងយានយន្តដែលគ្មានកម្រិតមិនធ្វើសំណង
· ប្តេជ្ញាអនុវត្ត “គោលការណ៍គ្មានកម្រៃក្រៅផ្លូវការ” គ្រប់ដំណាក់កាលនៃសេវាកម្ម
· ផ្តល់សេវាដោះស្រាយសំណង២៤ម៉ោងក្នុង១ថ្ងៃ ៧ថ្ងៃក្នុងសប្តាហ៍ និង៣៦៥ថ្ងៃក្នុង១ឆ្នាំ
· សេវាកម្មបាញ់ថ្នាំរហ័ស គាំទ្ររហូតដល់ ២ផ្នែក និងធានាដោះស្រាយជូនលឿនបំផុតក្នុងពេល ២ថ្ងៃ
· ផ្តល់ជូនការត្រួតពិនិត្យយានយន្ត១០ចំណុចដោយឥតគិតថ្លៃនៅមជ្ឈមណ្ឌលយានយន្ត អង្គរ អូតូ ឃែរ
· អតិថិជនអាចយកយានយន្តទៅជួសជុលដោយមិនតម្រូវឲ្យបង់ប្រាក់ជាមុន និងទទួលសេវាកម្មរហ័សពីមជ្ឈមណ្ឌលយានយន្ត អង្គរ អូតូ ឃែរ
· ផ្តល់ជូនសេវាសណ្តោងយានយន្តនៅក្នុងទីក្រុងភ្នំពេញដោយឥតគិតថ្លៃ
· ផ្តល់ជូនសេវាជួយទិញប្រេងសាំង ឬកូវអាគុយរថយន្ត ឬផ្លាស់ប្តូរកង់សាគួរនៅក្នុងទីក្រុងភ្នំពេញដោយឥតគិតថ្លៃ
អំពីក្រុមហ៊ុន អង្គរ ជេនេរ៉ល អុិនសួរេន៖ គឺជាក្រុមហ៊ុនធានារ៉ាប់រងទូទៅជំនាន់ថ្មីដែលមានភាគទុនិកជាកូន
ខ្មែរ កសាងឡើងដោយទំនុកចិត្ត និងការប្តេជ្ញាចិត្តក្នុងការអភិវឌ្ឍសេដ្ឋកិច្ច ក៏ដូចជាលើកកម្ពស់ជីវភាពរស់នៅរបស់ប្រជាជនកម្ពុជាយ៉ាងពិតប្រាកដ។

សម្រាប់ព័ត៌មានបន្ថែម៖
· ឈ្មោះក្រុមហ៊ុន: ក្រុមហ៊ុន អង្គរ ជេនេរ៉ល អុិនសួរេន ម.ក (Angkor General Insurance PLC.)
· ទីស្នាក់ការកណ្តាល: ផ្លូវលេខ ១៦៩ សង្កាត់វាលវង់ ខណ្ឌ៧មករា រាជធានីភ្នំពេញ។
·  លេខទូរស័ព្ទដោះស្រាយសំណង ២៤/៧: 1800 20 24 24 (ឥតគិតថ្លៃ)
·  ព័ត៌មានទូទៅ: +855 78 24 24 24 / +855 87 24 24 24
·  អុីម៉ែល: info@agi.com.kh
តាមដានពួកយើងតាមរយៈបណ្តាញសង្គម៖
·  Facebook: https://www.facebook.com/share/1BNd1o5tay/?mibextid=wwXIfr
·  Telegram: t.me/angkorgeneral
·   Linkedin: https://www.linkedin.com/company/angkor-general-insurance-hiring/