«ចូលឆ្នាំចិន ឬហៅម្យ៉ាងទៀតថា ពិធីបុណ្យនាទិឃរដូវ» គឺជាពិធីបុណ្យប្រពៃណីជាតិរបស់ប្រទេសចិនប្រារព្ធធ្វើឡើងជារៀងរាល់ឆ្នាំ ខណៈក្នុងឆ្នាំនេះនឹងត្រូវប្រារព្ធនាថ្ងៃទី៩-១០-១១ ខែកុម្ភៈ ឆ្នាំ២០២៤។ ក្នុងនោះការ​ជូន​អាំងប៉ាវ ក៏ជា​ទំនៀមទម្លាប់​មួយ​នៃ​ពិធី​បុណ្យ​ចូល​ឆ្នាំ​ចិន ដើម្បី​នាំ​លាភ​សំណាងដល់​មនុស្ស​ជា​ទី​ស្រលាញ់​របស់​ពួក​គេផងដែរ។

ខាងក្រោមនេះ គឺជាក្បួនដាក់លុយក្នុងអាំងប៉ាវឲ្យត្រូវតាមឋានៈ ដើម្បីនាំលាភសំណាងចូលច្រើនៗ ដែលប្រជាជនចិន ឬខ្សែស្រឡាយកាត់ចិន តែងប្រារព្ធក្នុងថ្ងៃពិសេសនេះ៖

១/.  អាំងប៉ាវ​សម្រាប់​មនុស្ស​ចាស់ (ជា​ពិសេស​ឪពុកម្ដាយ និង​ជីដូនជីតា​របស់​អ្នក)៖ ត្រូវ​ដាក់​លុយ​ចន្លោះ​ពី ៨០$​ ទៅ ១៨៨$ ជានិច្ច

២/. អាំងប៉ាវ​សម្រាប់​ក្មេង​ជំនាន់​ក្រោយ ដែល​មិន​មាន​ប្រាក់​ចំណូល (ជា​ពិសេស​អ្នក​ដែល​កំពុង​នៅ​រៀន) ដូចជា កូន​របស់​មិត្តភ័ក្ដិ​ជិត​ស្និទ្ធ , កូន​របស់​សាច់ញាតិ និង កូន​របស់​មិត្ត​រួម​ការងារ៖ ត្រូវ​ដាក់​លុយ​ចន្លោះ​ពី ២០$ ទៅ ៨០$ ជានិច្ច

៣/. អាំងប៉ាវ​សម្រាប់​កូន​ខ្លួនឯង៖ ត្រូវ​ដាក់​លុយ​ចាប់​ពី ២០$ ទៅ ៨០$ ឡើង​ទៅ​រហូត​ដល់​ចំនួន​ណា​មួយ ដែល​អ្នក​សប្បាយ​ចិត្ត​ក្នុង​ការ​ផ្ដល់​ឲ្យ

៤/. អាំងប៉ាវ​សម្រាប់​បុគ្គលិក៖ ត្រូវ​ដាក់​លុយ​ចន្លោះ​ពី ២០ដុល្លារ ទៅ ២០០ដុល្លារ ជានិច្ច (ត្រូវ​ឲ្យ​នៅ​ថ្ងៃ​ធ្វើ​ការ​ចុង​ក្រោយ មុន​ថ្ងៃ​ឈប់​សម្រាក​ចូល​ឆ្នាំ​ចិន)

៥/. អាំងប៉ាវ​សម្រាប់​ក្មេងៗ​ដទៃ​ទៀត៖ ត្រូវ​រៀបចំ​អាំងប៉ាវ​តូចៗ​មួយ​ចំនួន ដែល​មាន​លុយ ៦ដុល្លារ ឬ ៨ដុល្លារ សម្រាប់​កូនៗ​របស់​អ្នក​ស្គាល់​គ្នា​ធម្មតា ក្នុង​ករណី​អ្នក​ជួប​ពួកគេ​ក្នុង​អំឡុង​ពេល​ចូល​ឆ្នាំ​ចិន។

ជាមួយគ្នានេះដែរ ចូរជៀសវាង​ការ​ដាក់​ចំនួន​លុយ ដែល​មាន​លេខ៤ ដូចជា ៤០០៛, ៤០០០៛, ៤០០០០៛... ជាដើម។ នៅ​ក្នុង​ភាសា​ចិន ពាក្យ «លេខ៤» មាន​សូរ​សំឡេង​ដូច ពាក្យ «ស្លាប់» ដូច្នេះ​វា​ត្រូវ​បាន​គេ​ចាត់​ទុក​ថា​ជា សំណាង​អាក្រក់។ ចំនួន​លេខ​គូ (លើក​លែង​តែ លេខ​៤) សុទ្ធ​តែ​ល្អ​ប្រសើរ ជាង​ចំនួន​លេខ​សេស។ វា​កាន់​តែ​ប្រសើរ បើ​ចំនួន​លុយ​ចាប់​ផ្ដើម ឬ​បញ្ចប់​ដោយ លេខ៨ ដូចជា ៨០០៛, ៨០០០៛, ៨០០០០៛ ជាដើម ព្រោះ​វា​ត្រូវ​បាន​គេ​ចាត់​ទុក​ថា ជួយ​បង្កើន​សំណាង​ល្អ។

ក្នុងនោះអ្វីដែលអ្នកត្រូវ​និយាយ​នៅ​ពេល​ដែល​អ្នក​ឱ្យ/ទទួល អាំងប៉ាវគឺ៖

១-Gong Xi Fa Cai! សូមជូនពរលោកអ្នកជួបតែសេចក្តីសុខ សេចក្តីចម្រើន រកស៊ីមានបាន (ប្រើពេលទទួលអំណោយ)

២-Xin Nian Kuai Le! សួស្តីឆ្នាំថ្មី (ប្រើជាការស្វាគមន៍ឆ្នាំថ្មីប្រពៃណីចិន)

៣-ហួត អា! ជូនពរខ្លួនឯងឱ្យរុងរឿង (ជាទូទៅស្រែកនៅពេលបោះ yu sheng / lo hei)៕

ប្រភព៖ chinahighlights

អត្ថបទដោយ៖ កាន់ ដារ៉ា (ស្មេរពនេចរ) 

សៀវភៅ «ច្រវាក់ប្រាក់ខែ» (កសាងចំណូលច្រើនប្រភពលើសពីប្រាក់ខែ)  តម្លៃពិសេសត្រឹម ១២$ ប៉ុណ្ណោះ។

កក់តាម  https://t.me/hangchhengH24