ក្នុងបរិបទដែលវិស័យកសិកម្មនៅកម្ពុជាកំពុងបន្តរីកចម្រើន និងពង្រីកសក្តានុពលយ៉ាងសកម្ម ការគាំទ្រផ្នែកហិរញ្ញវត្ថុមានតួនាទីសំខាន់ក្នុងការជំរុញសមត្ថភាពផលិត និងការពង្រីកទីផ្សាររបស់សហគ្រិន និងប្រជាកសិករ។

អិលអូអិលស៊ី បន្តបង្កើតនូវដំណោះស្រាយហិរញ្ញវត្ថុប្រកបដោយភាពច្នៃប្រឌិត ដើម្បីឆ្លើយតបទៅនឹងតម្រូវការពិតប្រាកដនៃទីផ្សារ។ ថ្មីៗនេះ អិលអូអិលស៊ី បានដាក់សម្ពោធផលិតផលថ្មី “ឥណទានធាតុចូលកសិកម្ម” ដែលមានគោលបំណងជួយសម្រួលលំហូរសាច់ប្រាក់ និងឱកាសពង្រីកអាជីវកម្ម សម្រាប់ទាំងអ្នកផ្គត់ផ្គង់ធាតុចូលកសិកម្ម និងប្រជាកសិករ។

សម្រាប់អ្នកផ្គត់ផ្គង់ធាតុចូលកសិកម្ម ដូចជា ជី ថ្នាំកសិកម្ម គ្រាប់ពូជ ប្រេងឥន្ធនៈ និងផលិតផលពាក់ព័ន្ធផ្សេងៗ បញ្ហាការលក់បណ្តាក់ និងការទូទាត់យឺតយ៉ាវពីអតិថិជន គឺជាឧបសគ្គសំខាន់មួយ ដែលប៉ះពាល់ដល់លំហូរសាច់ប្រាក់ និងទុនបង្វិល។ “ឥណទានធាតុចូលកសិកម្ម” របស់អិលអូអិលស៊ី ជួយដោះស្រាយបញ្ហានេះ ដោយអនុញ្ញាតឱ្យអ្នកផ្គត់ផ្គង់ លក់ភ្លាម ទទួលបានការទូទាត់ភ្លាមៗ ធ្វើឱ្យលំហូរសាច់ប្រាក់មានភាពរលូន និងអាចពង្រីកការលក់បានយ៉ាងមានប្រសិទ្ធភាព។

ជាមួយគ្នានេះ សម្រាប់ប្រជាកសិករ ផលិតផលនេះផ្តល់នូវភាពបត់បែន និងងាយស្រួលក្នុងការទទួលបានធាតុចូលកសិកម្មត្រឹមត្រូវតាមរដូវកាល និងតម្រូវការផលិតកម្ម។ កសិករអាចទទួលបានឥណទានរហូតដល់ ៣០,០០០ ដុល្លារអាមេរិក ដោយមិនចាំបាច់មានទ្រព្យធានា និងអាចបង់សងប្រាក់ដើម និងការប្រាក់នៅចុងវដ្តកម្ចី ដែលសមស្របទៅតាមវដ្តដំណាំ និងចំណូលជាក់ស្តែង។ លើសពីនេះ អតិថិជនក៏អាចសងប្រាក់មុនកាលកំណត់ ដោយគ្មានការពិន័យនោះឡើយ។

ផលិតផលថ្មីនេះ បង្ហាញពីការប្តេជ្ញាចិត្តរបស់ អិលអូអិលស៊ី ក្នុងការផ្តល់ជូនដំណោះស្រាយហិរញ្ញវត្ថុដែលមានភាពឆ្លាតវៃ សុវត្ថិភាព និងសមស្របតាមតម្រូវការពិតប្រាកដរបស់អតិថិជន។ លើសពីការគាំទ្រអាជីវកម្ម និងប្រជាកសិករ វាក៏ជាផ្នែកមួយក្នុងការជំរុញការអភិវឌ្ឍវិស័យកសិកម្មកម្ពុជា ឱ្យកាន់តែរឹងមាំ និងប្រកបដោយចីរភាព។

អិលអូអិលស៊ី ទទួលបានទំនុកចិត្តខ្ពស់នៅកម្ពុជា ក្នុងការផ្តល់ជូនឥណទានទាំងខ្នាតតូច និងខ្នាតធំ ជាមួយអត្រាការប្រាក់សមរម្យ ដើម្បីគាំទ្រដល់ការពង្រីកអាជីវកម្ម និងការលើកកម្ពស់គុណភាពជីវភាពរស់នៅរបស់ប្រជាពលរដ្ឋ។

សម្រាប់អ្នកផ្គត់ផ្គង់ធាតុចូលកសិកម្មដែលមានចំណាប់អារម្មណ៍ ចង់ចូលរួមជាដៃគូជាមួយ អិលអូអិលស៊ី អាចទាក់ទងតាមទំព័រហ្វេសប៊ុកផ្លូវការ LOLC Cambodia ឬទំនាក់ទំនងមកកាន់ផ្នែកបម្រើអតិថិជនតាមរយៈ៖
• 023 991 991
• 014 991 991
• 096 3 991 991
• 031 3 991 991