សុភាសិតខ្មែរពោលថា “សំណាបយោងដី ស្រីយោងប្រុស” ប្រដូចទៅនឹងគ្រួសារមួយ ដែលមានប្តីត្រូវប្រឹង ប្រពន្ធត្រូវខំ ទើបរុងរឿងយូរអង្វែង។ ជាក់ស្តែងលោកបណ្ឌិត គីម ហ៊ាង ស្ថាបនិកក្រុមហ៊ុន KW Cambodia និងជាអគ្គនាយកនៃក្រុមហ៊ុន Khmer Real Estate ថែមទាំងជាសហគ្រិនដ៏លេចធ្លោរមួយរូបនៅកម្ពុជា បានប្រាប់មូលហេតុធំ ១ ដែលធ្វើឲ្យជីវិតប្តីប្រពន្ធដើរដល់ផ្លូវបំបែប ទោះនៅស្រលាញ់គ្នាខ្លាំងក៏ដោយ៖
លោកបណ្ឌិត បានសរសេរសារចែករំលែកលើបណ្តាញសង្គមផ្ទាល់ខ្លួន កាលពីពេលថ្មីៗនេះ យ៉ាងដូច្នេះថា៖
១/. មនុស្សស្រីភាគច្រើនបរាជ័យ មិនមែនដោយសារគាត់អន់ ឬគាត់ខ្សោយ ឬគាត់មិនស្អាតទេ តែដោយសារគាត់រើសប្តីខុស។
២/. មនុស្សប្រុសភាគច្រើនបរាជ័យ មិនមែនដោយសារគាត់អន់ ឬគាត់ខ្សោយទេ តែដោយសារគាត់រើសការសប្បាយ មុនភាពជោគជ័យ។
៣/. ជីវិតប្តីប្រពន្ធភាគច្រើនបរាជ័យ មិនមែនដោយសារពួកគាត់មិនធ្លាប់ស្រលាញ់គ្នា ឬមិនស្រលាញ់គ្នាទេ តែដោយសារពួកគាត់ចង់ឈ្នះរៀងខ្លួន តែមិនព្រមនិយាយរកគ្នា មិនព្រមពិភាក្សាគ្នា ឬមិនព្រមលះបង់អោយគ្នា។
យ៉ាងណាមិញ សុភាសិតខ្មែរពោលថា “ចានក្នុងរាវគង់តែនឹងរណ្ដំគ្នា” ប្រដូចទៅនឹងជីវិតគ្រួសារ តែងមានរឿងរកាំរកូសគ្នាតិចក្តីច្រើនក្តីចៀសពុំរួចឡើយ ប៉ុន្តែអ្នកក៏ពុំគួរបណ្តោយតាមយថាកម្មដែរ។ ប្រសិនបើអ្នកឬដៃគូបានបង្កើតអារម្មណ៍មិនស្រួលឡើងមក ត្រូវប្រញាប់ជជែកគ្នារកដំណោះស្រាយភ្លាមៗ កុំបណ្ដោយឲ្យភាពអាត្មានិយម និងភាពអំនួត កាន់តែមានអំណាចគ្រប់គ្រងលើចិត្ត ដោយមិនអើពើនឹងនៃទំនាក់ទំនងមួយនេះឲ្យសោះ កុំចាំរហូតដល់ហួសពេល ទើបនឹកស្តាយក្រោយ។
គួរជម្រាបផងដែរថា ប្រសិនបើបញ្ហាជីវិតគូរមានភាពរកាំរកូសខ្លាំង ឬភាពតានតឹងឡើងដល់បន្ទាត់ក្រហម គួរស្វែងរកអ្នកជំនាញជួយប្រឹក្សាយោបល់ មុនធ្វើការសម្រេចចិត្តចុងក្រោយ។ ជាក់ស្តែងនៅ Sneha Centre មានផ្តល់ការប្រឹក្សាយោបល់ពីបញ្ហាផ្លូវចិត្ត និងទំនាក់ទំនងគូស្នេហា/ប្តីប្រពន្ធ ឲ្យវិលមករកភាពធូរស្រាលឡើងវិញ និងរស់នៅរួមគ្នាប្រកបដោយសុភមង្គល។ សម្រាប់ព័ត៌មានលម្អិត អាចធ្វើការឆាតទៅកាន់ហ្វេសបុកផេក Sneha Centre - មជ្ឈមណ្ឌលស្នេហា ឬទំនាក់ទំនងតាមរយៈលេខទូរស័ព្ទ ០៩៧ ៩៩០ ៣៣៣៣៕

អត្ថបទដោយ៖ កាន់ ដារ៉ា (ស្មេរពនេចរ) ម្ចាស់ស្នាដៃសៀវភៅ «ច្រវាក់ប្រាក់ខែ» (កសាងក្ដីស្រមៃនៅកន្លែងការងារ ចេះបង្កើតចំណូលច្រើនប្រភព) តម្លៃពិសេសត្រឹម ១២$ ប៉ុណ្ណោះ។
បញ្ជាទិញតាម https://t.me/BusinessCambodiaBook



