ជប៉ុនបានផ្ដល់ជំនួយហិរញ្ញប្បទានឥតសំណងប្រមាណ ៨លានដុល្លារអាមេរិក សម្រាប់ “គម្រោងសាងសង់វិទ្យាស្ថានគរុកោសល្យ នៅខេត្តកំពង់ចាម”។ ខណៈជំនួយនេះត្រូវបានចុះហត្ថលេខា កាលពីថ្ងៃទី១៩ ខែឧសភា ដែលមានការអញ្ជើញចូលរួមពីឯកអគ្គរាជទូត អ៊ូអិណុ អាត់ស៊ូស៊ី និងឯកឧត្តម ប្រាក់ សុខុន ឧបនាយករដ្ឋមន្រ្តីនិង ជារដ្ឋមន្រ្តីក្រសួងការបរទេសនិងសហប្រតិបត្តិការអន្តរជាតិ។

ជប៉ុនបាននឹងកំពុងគាំទ្រជាបន្តបន្ទាប់ដល់ការអប់រំដែលមានគុណភាពខ្ពស់នៅកម្ពុជា រួមទាំងការសាងសង់វិទ្យាស្ថានគរុកោសល្យផងដែរ។ តាមរយៈគម្រោងនេះ ជប៉ុននឹងចូលរួមចំណែកក្នុងការកែលម្អគុណភាពអប់រំបន្ថែមទៀតនៅកម្ពុជា។

គួររំលឹកផងដែរថា កាលពីថ្ងៃទី២៣ ខែមេសា ប្រទេសទាំងពីក៏បានចុះហត្ថលេខាលើលិខិតប្តូរសារជំនួយអភិវឌ្ឃន៍ផ្លូវការនៃឥណទានសម្បទានប្រាក់យេនសម្រាប់គម្រោងការពារទឹកជំនន់និងអភិវឌ្ឍន៍បណ្តាញបង្ហូរទឹកកខ្វក់នៅរាជធានីភ្នំពេញ (ដំណាក់កាលទី១)ផងដែរ៕