នៅមួយរយៈពេលចុងក្រោយនេះ កម្ពុជាទទួលបានការវិនិយោគសាងសង់អគារខ្ពស់ៗជាច្រើន ជាពិសេសនៅក្នុងភូមិសាស្ដ្ររាជធានីភ្នំពេញ។ ក្នុងការវិនិយោគសាងសង់អគារទាំងនោះ ឃើញថាក្រុមហ៊ុនជប៉ុន ក៏បានបណ្ដាក់ទុនវិនិយោគសាងសង់អគារជាច្រើនផងដែរ។ ហើយពេលនេះដែរ យើងនឹងនាំប្រិយមិត្ដមកស្គាល់អគារខុនដូចំនួន ២ ដែលមានកម្ពស់ជាងគេនៅកម្ពុជា ខណៈបច្ចុប្បន្នបាននិងកំពុងសម្រុកសាងសង់នៅកណ្ដាលរាជធានីភ្នំពេញ។  

១. អគារ J-Tower 3

គម្រោងអគារ J-Tower 3 គឺជាអគារខុនដូប្រណិតដែលត្រូវបានវិនិយោគសាងសង់ដោយក្រុមហ៊ុនជប៉ុន តានីជូ គ្រុប ជាមួយនឹងក្រុមហ៊ុន WH។ អគារនេះមានកម្ពស់របស់ដល់ទៅ ៧៧ ជាន់ ឬស្មើនឹង ៣៣៣ម៉ែត្រ មានទីតាំងស្ថិតនៅតំបន់បឹងកេងកងទី១ ខណ្ខបឹងកេងកង រាជធានីភ្នំពេញ។

តាមការបញ្ជាក់ពីលោក តានី ស៊ុនជី អគ្គនាយកក្រុមហ៊ុន តានីជូ គ្រុប បានឲ្យដឹងថា អគារខុនដូ«J-TOWER 3» នឹងក្លាយជាអគារដែលខ្ពស់ជាងគេនៅកម្ពុជា និងជាប់ចំណាត់លេខ៨នៅតំបន់អាស៊ី។ លោកបន្តថា នៅជាន់ទី៧៧នៃអគារនេះ នឹងរៀបចំជាស្កាយបារ និង អាងហែលទឹក ដែលជាអាងហែលទឹកខ្ពស់ជាងគេនៅលើពិភពលោក សម្រាប់ភ្ញៀវកម្សាន្ដ។ សម្រាប់ព័ត៌មានបន្ថែមសូមទាក់ទងទៅលេខទូរស័ព្ទ៖ 017 477 542។

២. អគារ G.A.T.O Tower

អគារ G.A.T.O Tower ត្រូវបានវិនិយោគដោយក្រុមហ៊ុន MIRAKU CAPITAL & DEVELOPMENT CO., LTD ត្រូវបានគ្រប់គ្រងដោយក្រុមហ៊ុនគ្រប់គ្រងអចលនទ្រព្យកម្ពុជាឈានមុខគេ WH LIVING & PROPERTIES CO., LTD ។ គម្រោងអគារនេះមានទីតាំងស្ថិតនៅសង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ មានវិនិយោគសរុប ១០០ លានដុល្លារ និងមានកម្ពស់ ៦៧ ជាន់។

ក្រៅពីមានបន្ទប់ខុនដូសម្រាប់ស្នាក់នៅ គម្រោងអគារនេះក៏មាន Penthouse សណ្ឋាគារលំដាប់ផ្កាយ កន្លែងទទួលភ្ញៀវដ៏ស្អាតប្រណិតរួមដោយធម្មជាតិ  សួនលើអាកាស កន្លែងក្មេងលេង កន្លែងហាត់ប្រាណ ស្ទីម និងសូណា​ Private Lounge ហាងកាហ្វេ និងកន្លែងអង្គុយធ្វើការជាដើម។ ជាពិសេសនៅជាន់លើបង្ហោះក៏មានស្កាយបារ៍​ និងអាងហែលទឹកផងដែរ។ តាមការបញ្ជាក់ពីក្រុមហ៊ុនគម្រោងនេះ នឹងបញ្ចប់ការសាងសង់នៅក្នុងឆ្នាំ២០៣០។ ព័ត៌មានលម្អិតសម្រាប់ការទិញខុនដូសូមទាក់ទងទៅលេខ៖ 023 999 972 ៕