កាលពីថ្មីៗកន្លងទៅនេះក្រុមហ៊ុនយក្សបច្ចេកវិទ្យា Apple ទើបតែបានបញ្ចេញ iPhone 17 Pro Max ពណ៌ទឹកក្រូចដោយមានការពេញនិយមខ្លាំងមែនទែនទូទាំងពិភពលោក។ ហើយនៅក្នុងឆ្នាំថ្មីនេះក៏បែកធ្លាកដំណឹងថាក្រុមហ៊ុន Apple អាចនឹងចេញ iPhone 18 ពណ៌ក្រហមឆ្អៅតែម្តងដូច្នេះបងប្អូនដែលជាហ្វេនរបស់ iPhone អាចត្រៀមលុយទិញបណ្តើរៗឱ្យហើយទៅ។ នេះបើយោងតាមការចុះផ្សាយដោយ MacRumors ។

បើតាមការរាយការណ៍ពីលោកលោក Mark Gurman ដែលជាអ្នកវិភាគដ៏ល្បីល្បាញមួយរូបមកពី Bloomberg បានលើកឡើងថា ក្រុមហ៊ុន Apple កំពុងតេស្តសាកល្បងពណ៌ក្រហមសម្រាប់ iPhone 18 Pro និង iPhone 18 Pro Max ដែលវាជាពណ៌មិនធ្លាប់មានពីមុនមកនៅនៅលើម៉ូដែល Pro ក្នុងប្រវត្តិសាស្ត្ររបស់ iPhone។

យ៉ាងណាមិញ ពណ៌ថ្មីនេះត្រូវបានគេរំពឹងថានឹងក្លាយជាពណ៌ដ៏ធ្លោបំផុតនិងល្បីល្បាញខ្លាំងបំផុតនៅក្នុងត្រកូល iPhone ផងដែរ។ ដូច្នេះហើយសម្រាប់បងប្អូនដែលជាហ្វេនៗរបស់ Apple ចាំអ៊ុតមើលទាំងអស់គ្នាព្រោះ iPhone 18 Pro នេះនឹងបង្ហាញខ្លួនជាផ្លូវការនៅក្នុងខែកញ្ញា ឆ្នាំ២០២៦ ខាងមុខនេះហើយ។

ជាមួយគ្នានោះដែរ អ្នកបច្ចេកវិទ្យារំពឹងថា iPhone 18 នឹងក្លាយជាទូរសព្ទដំបូងគេដែលប្រើប្រាស់បន្ទះឈីប A20 ដែលផលិតតាមបច្ចេកវិទ្យា 2nm របស់ក្រុមហ៊ុន TSMC។ បន្ទះឈីបនេះមិនត្រឹមតែផ្តល់ល្បឿនលឿនជាងមុនខ្លាំងប៉ុណ្ណោះទេ ប៉ុន្តែវាថែមទាំងជួយសន្សំសំចៃថ្មបានកាន់តែប្រសើរ និងគាំទ្រមុខងារ AI ទំនើបៗដែល Apple កំពុងអភិវឌ្ឍ។ គួរជម្រាបថា នេះគ្រាន់តែជាព័ត៌មានបឋមដែលទទួលបានពីប្រភពបែកធ្លាយ និងអ្នកវិភាគប៉ុណ្ណោះ។ ក្រុមហ៊ុន Apple មិនទាន់មានការបញ្ជាក់ជាផ្លូវការណាមួយនៅឡើយទេ។

ដូច្នេះសម្រាប់បងប្អូនដែលចង់ដឹងតម្លៃទូរស័ព្ទគ្រប់ស៊េរីឬតម្លៃរបស់ម៉ូឌែល Apple នៅខ្មែរ ដែលជិតចេញថ្មី អាចសាកសួរឬធ្វើការកក់ទុកមុន ទៅកាន់ហាងទូរស័ព្ទដៃ PETER Phoneshop - EuropeanUnique  ហាងទូរសព្ទ័ដៃភីតទរ័ តាមរយៈលេខទូរស័ព្ទ 015 785 978៕