បញ្ហាសង្រ្គាមរវាងប្រទេសអ៊ីស្រាអែលនិងអ៊ីរ៉ងកំពុងតែឡើងកម្ដៅមិនទាន់បាត់នៅក្នុងតំបន់មជ្ឈិមបូព៌ា តែតម្លៃហាងឆេងមាសបែរជាធ្លាក់ថ្លៃយ៉ាងគំហុក។ ជាក់ស្ដែងនៅថ្ងៃទី៤ខែមីនាឆ្នាំ២០២៦នេះ ហាងឆេងមាសអន្តរជាតិធ្លាក់ថ្លៃចំនួន២២០ដុល្លារដោយធ្លាក់មកត្រឹម៥០៧៦ដុល្លារក្នុងមួយអោន( ស្មើនឹង៦១១៥ដុល្លារក្នុងមួយតម្លឹងឬ៦១១ដុល្លារក្នុងមួយជី។

មូលហេតុដែលហាងឆេងមាសធ្លាក់ថ្លៃខណៈសង្រ្គាមនៅតំបន់មជ្ឈិមបូព៌ានៅតែក្ដៅគឺដោយសារតែប្រាក់ដុល្លាររបស់សហរដ្ឋអាមេរិកកើនឡើង ហើយទិន្នផលបណ្ណបំណុលរបស់អាមេរិកកើនឡើងហើយដាក់សម្ពាធឲ្យតម្លៃមាសកាន់តែធ្លាក់ចុះខ្លាំង។

លោក Bob Haberkorn អ្នកយុទ្ធសាស្រ្តទីផ្សារជាន់ខ្ពស់នៃក្រុមហ៊ុន RJO Future បានដឹងថាការធ្លាក់ថ្លៃរបស់មាសអំឡុងពេលនេះគឺជាការធ្លាក់រយៈពេលខ្លីប៉ុណ្ណោះ ខណៈបញ្ហាសង្រ្គាមនៅតំបន់មជ្ឈិមបូព៌ារវាងប្រទេសអ៊ីរ៉ងនិងអ៊ីស្រអែលដែលមានអាមេរិកចូលរួមនៅតែមិនទាន់ត្រជាក់៕