ហាងឆេងមាសអន្តរជាតិមានការប្រែប្រួលខ្លាំងក្រោយពីលោក Donald Trump បានប្រកាសថាអាមេរិកនិងអ៊ឺរ៉ង់ព្រមព្រៀងលើបទឈប់បាញ់រយៈពេល២សប្ដាហ៍ពោលគឺពេលនេះតម្លៃហាងឆេងមាសឡើងថ្លៃជិត២០០លេខដោយឡើងដល់៤៨៤១ដុល្លារក្នុងមួយអោន(ស្មើនឹង៥៨៣២ដុល្លារក្នុង១តម្លឹងឬ៥៨៣ដុល្លារក្នុងមួយជី)។

បើទោះបីជាអាមេរិកនិងអ៊ឺរ៉ង់ប្រកាសឲ្យមានបិទឈប់បាញ់២សប្ដាហ៍ធ្វើឲ្យស្ថានភាពបញ្ហាសង្រ្គាមនៅតំបន់មជ្ឈិមបូព៌ាមានភាពធូរស្រាលពិតមែនប៉ុន្ដែបញ្ហាសង្រ្គាមគឺឈប់ជាបណ្ដោះអាសន្នប៉ុណ្ណោះដូច្នេះហើយស្ថានភាពនៅតែផុយស្រួលដែលធ្វើឲ្យហាងឆេងមាសឡើងថ្លៃ។

លើសពីនេះទៅទៀត មាសមិនមែនឡើងថ្លៃតែពេលមានសង្រ្គាមនោះទេ។ យើងដឹងស្រាប់ហើយថាឈានដល់ឆ្នាំ២០២៦នេះ ស្ថានភាពសេដ្ឋកិច្ចពិភពលោកស្ថិតនៅក្នុងភាពមិនច្បាស់លាស់ដូចជាបញ្ហានៃភាពតានតឹងនៃភូមិសាស្រ្តនយោបាយសកលជាពិសេសបញ្ហាសង្រ្គាមនៅតំបន់មជ្ឈិមបូព៌ាតែម្ដងដូច្នេះហើយទើបធ្វើឲ្យមាសនៅតែមានទំនោរកើនឡើង។

សូមបញ្ជាក់ផងដែរថាទោះជាពេលនេះទំនោរមាសបានធ្លាក់ចុះពិតមែនតែមានអ្នកជំនាញជាច្រើនបានព្យាករថាមាសនៅតែមានឱកាសអាចឡើងថ្លៃក្នុងរយៈពេលវែង។ ជាក់ស្ដែង អាល្លឺម៉ង់គឺធនាគារ Commerzbank បានព្យាករថាតម្លៃហាងឆេងមាសអាចនឹងឡើងដល់៥០០០ដុល្លារក្នុងមួយអោន( ស្មើនឹង៦០២៤ដុល្លារក្នុង១តម្លឹងឬ៦០២ដុល្លារក្នុងមួយជី)នៅត្រឹមចុងឆ្នាំ២០២៦នេះ៕