គម្រោងអាជីវកម្មរ៉ែមាស និងសាងសង់រោងចក្រកែច្នៃដ៏ធំមួយត្រូវបានអនុម័តឲ្យវិនិយោគនៅក្នុងភូមិសាស្រ្ដគឺខេត្ដក្រចេះ និងខេត្ដកំពង់។ នេះបើយោងតាមសេចក្ដីប្រកាសព័ត៌មានរបស់ក្រុមប្រឹក្សាអភិវឌ្ឍន៍កម្ពុជា ហៅកាត់ថា CDC កាលពីថ្ងៃទី១៣ ខែសីហា ឆ្នាំ២០២៦។

ប្រភពដែលបានបញ្ជាក់ថា គម្រោងអាជីវកម្មរ៉ែមាសខាងលើ ត្រូវបាន CDC អនុម័តកាលពីខែកក្កដា ឆ្នាំ២០២៦ កន្លងទៅ។ គម្រោងដ៏ធំនេះ គឺមានទីតាំងស្ថិតនៅក្នុងស្រុក សំបូរ ខេត្ដក្រចេះ និងស្រុកសណ្ដាន់ ខេត្ដកំពង់ធំ ដែលមានទុនវិនិយោគសរុបប្រមាណ ៣១ លានដុល្លារ ហើយបានបង្កើតឱកាសការងារបានចំនួន ៤០០ កន្លែងជូនពលរដ្ឋក្នុងតំបន់ផងដែរ។

សូមជម្រាបថា ឧស្សាហកម្មកែច្នៃ និងចម្រាញ់រ៉ែមាសនៅកម្ពុជាកំពុងមានការរីកចម្រើនយ៉ាងខ្លាំង ដោយមានរោងចក្រខ្នាតធំ និងមធ្យមជាច្រើនបាននិងកំពុងដំណើរការជាបន្តបន្ទាប់។ គិតត្រឹមពេលបច្ចុប្បន្ន មានក្រុមហ៊ុនចំនួន ៧ ដែលទទួលបានអាជ្ញាប័ណ្ណប្រតិបត្តិការចម្រាញ់មាសជាលក្ខណៈឧស្សាហកម្ម រួមមាន៖ ១.Renaissance Minerals នៅខេត្ដមណ្ឌលគិរី គឺជាក្រុមហ៊ុនធំជាងគេបង្អស់។ ២. Xinshan Industrial នៅខេត្ដព្រះវិហារ ៣. Delcom Cambodia នៅខេត្ដព្រះវិហារ ៤. Rong Cheng​ នៅខេត្ដមណ្ឌល​គិរី ។ ៥.Xing Yuan នៅខេត្ដក្រចេះ ៦. Late Cheng Mining នៅកំពង់ធំ ៧. Cambodian K88 Industry នៅខេត្ដកំពង់ធំ៕