បច្ចុប្បន្ននេះក្រុមហ៊ុន BYD និងក្រុមហ៊ុន GAC ដែលជាយីហោរថយន្ដដ៏ល្បីរបស់ប្រទេសចិន គឺមានរោងចក្រដំឡើងរថយន្ដរបស់ខ្លួននៅក្នុងប្រទេសកម្ពុជាហើយ។ ដោយថ្មីៗនេះ ក្រុមហ៊ុនទាំងពីរក៏ទើបនឹងបានបញ្ចេញនូវរថយន្ដថ្មីរបស់ខ្លួនដែលដំឡើងផ្ទាល់នៅកម្ពុជាចូលទៅក្នុងទីផ្សារផងដែរ។

១. រថយន្ដ BYD

កាលពីថ្ងៃទី៧ ខែកក្កដា ឆ្នាំ២០២៦ កន្លងទៅនេះ ក្រុមហ៊ុន BYD Cambodia បានប្រកាសដាក់លក់ជាផ្លូវការនូវរថយន្ដថ្មី ២ ម៉ូដែលគឺ៖ BYD Sealion 5 EV ដែលជារថយន្ត SUV អគ្គិសនីសម្រាប់គ្រួសារ និង BYD Shark 6 Advanced ដែលជារថយន្តភីកអាប់ Plug-in Hybrid ខណៈរថយន្ដទាំងពីរនេះសុទ្ធតែត្រូវបានដំឡើងជាលើកដំបូងនៅកម្ពុជា។

តាមការបញ្ជាក់ពីក្រុមហ៊ុន សម្រាប់រថយន្ដ BYD Sealion 5 EV ត្រូវបានដាក់លក់ក្នុងតម្លៃ ២៣,៨០០ ដុល្លារ។ ចំណែករថយន្ដ BYD Shark 6 Advanced ដាក់លក់ក្នុងតម្លៃ ៤៣,៨០០ ដុល្លារ។

ដូច្នេះសម្រាប់លោកអ្នកដែលទិញរថយន្ដថ្មីទាំង ២ ម៉ូដែលនេះ អាចធ្វើការទាក់ទងសាកសួរព័ត៌មានទៅកាន់ក្រុមហ៊ុនតាមរយៈលេខទូរស័ព្ទ៖ 017 555 924 ឬហ្វេសប៊ុកផេក BYD Cambodia។

២. ក្រុមហ៊ុន GAC

កាលពីពេលថ្មីៗកន្លងទៅនេះ ក្រុមហ៊ុន GAC ទើបនឹងបើកដំណើរការដំឡើងរថយន្ដរបស់ខ្លួននៅរោងចក្រស្ថិតនៅក្នុងខេត្ដកំពង់ឆ្នាំង។ ដោយរោងចក្រថ្មីនេះ មានដំឡើងរថយន្ដថ្មីចំនួន ៣ ម៉ូដែលរួមមាន GAC GN8, GAC GS3 EMZOOM និង GAC EMKOO។ យ៉ាងណាមិញ យោងតាមការចេញផ្សាយដោយក្រុមហ៊ុន នៅថ្ងៃទី១ ខែកក្កដា ឆ្នាំ២០២៦ រថយន្ដទាំងបីម៉ូដែលនោះដាក់លក់ក្នុងតម្លៃដូចខាងក្រោម៖

·         រថយន្ដ GAC GN8 ស៊េរីឆ្នាំ ២០២៦ ដាក់លក់ក្នុងតម្លៃ ៥៥ ០០០ ដុល្លារ

·         រថយន្ដ GAC GS3 EMOOM ស៊េរីឆ្នាំ ២០២៦ ដាក់លក់ក្នុងតម្លៃ ១៩ ៩៩៩ ដុល្លារ

·         រថយន្ដ GAC EMKOO ស៊េរីឆ្នាំ ២០២៦ ដាក់លក់ក្នុងតម្លៃ ២៤ ៥០០ ដុល្លារ។

ដូច្នេះសម្រាប់លោកអ្នកដែលចង់ប្រើប្រាស់រថយន្ដដែលដំឡើងនៅកម្ពុជាខាងលើ អាចសាកសួរព័ត៌មានលម្អិតតាមរយៈលេខទូរស័ព្ទ៖ 095 999 029 / 095 999 026 ឬហ្វេសប៊ុកផេក GAC Cambodia ឬក៏អាចអាចអញ្ជើញទៅកាន់អគារតាំងបង្ហាញរថយន្ត 𝗚𝗔𝗖 𝗖𝗮𝗺𝗯𝗼𝗱𝗶𝗮ដែលស្ថិតនៅ អគារ #11 មហាវិថីសហព័ន្ធរុស្សី សង្កាត់កាកាប ខណ្ឌពោធិ៍សែនជ័យ ក្រុងភ្នំពេញ៕