មានបងប្អូនមួយចំនួនតែងតែមានចម្ងល់ថា នៅពេលមានកម្មករនិយោជិតជាសមាជិក ប.ស.ស. ជួបគ្រោះថ្នាក់ការងារ តើថៅកែ ម្ចាស់សហគ្រាស គ្រឹះស្ថាន ឬអ្នកតំណាងជនរងគ្រោះ គួរធ្វើបែបណា ដើម្បីចៀសវាងការបាត់បង់អត្ថប្រយោជន៍របបសន្តិសុខសង្គមផ្នែកហានិភ័យការងារ នៅពេលមានកម្មករនិយោជិតជាសមាជិក ប.ស.ស. ជួបគ្រោះថ្នាក់ការងារ?
ជាមួយគ្នានោះ បើតាមការបង្ហោះលើផេកផ្លូវការរបស់ បេឡាជាតិសន្តិសុខសង្គម បានឲ្យដឹងថា នៅពេលដែលសមាជិក ប.ស.ស ជួបគ្រោះថ្នាក់ការងារ ថៅកែ ម្ចាស់សហគ្រាស គ្រឹះស្ថាន ឬអ្នកតំណាងជនរងគ្រោះ ត្រូវបំពេញកាតព្វកិច្ចរបស់ខ្លួនដូចខាងក្រោមនេះ៖
១. ជូនដំណឹងមក ប.ស.ស. តាមរយៈលេខ ១២៨៦ ដើម្បីជួយសម្របសម្រួលជនរងគ្រោះទៅកាន់មន្ទីរពេទ្យ
២. ត្រូវបញ្ជូនរបាយការណ៍ហានិភ័យការងារ និងឯកសារពាក់ព័ន្ធមក ប.ស.ស. ក្នុងរយៈពេលយ៉ាងយូរ ៤៨ម៉ោងនៃថ្ងៃធ្វើការ បន្ទាប់ពីកម្មករនិយោជិតទទួលរងហានិភ័យការងារ តាមរយៈ ៖ អ៊ីមែល៖ benefit@nssf.gov.kh ឬយកមកដាក់ផ្ទាល់នៅទីស្នាក់ការកណ្តាល ប.ស.ស. ឬនៅតាមសាខា ប.ស.សដែលនៅជិតបំផុត។
គួរជម្រាបថា សម្រាប់ព័ត៌មានបន្ថែម សូមទំនាក់ទំនងមកកាន់លេខ ១២៨៦ ឬតាមរយៈប្រព័ន្ធផ្សព្វផ្សាយបណ្តាញសង្គមរបស់បេឡាជាតិសន្តិសុខសង្គមបានផងដែរ៕



