បច្ចុប្បន្នហាងឆេងមាសធ្លាក់ថ្លៃបន្តិចដោយសាររងសម្ពាធពីប្រាក់ដុល្លារឡើងថ្លៃ។ ប៉ន្ដែបើយោងការព្យាកររបស់អ្នកជំនាញបានឲ្យដឹងថាតម្លៃហាងឆេងមាសអន្តរជាតិ អាចនឹងហក់ឡើងខ្ពស់បំផុតដល់៥,០០០ដុល្លារក្នុងមួយអោន( ស្មើនឹង៦០២៤ដុល្លារក្នុង១មត្លឹងឬ៦០២ដុល្លារក្នុងមួយជី)នៅពាក់កណ្ដាលឆ្នាំ២០២៦។

បើយោងតាមការចុះផ្សាយរបស់វេបសាយKitco លោក Aakash Doshi ដែលជាធានយុទ្ធសាស្រ្តមាសនៃក្រុមហ៊ុន State Street Asset បានឲ្យដឹងថាចូលនាឡើងរបស់មាសនាពេលខាងមុខ អាចឡើងចំនួន១០០០ដុល្លារ។

លោក Aakash Doshi ក៏បានព្យាករតម្លៃមាសអាចឡើងដល់៤៧៥០ដុល្លារក្នុង១អោន(៥៧២២ដុល្លារក្នុង១តម្លឹង)ទៅ៥៥០០ដុល្លារក្នុង១អោន(៦៦២៦ដុល្លារក្នុងមួយតម្លឹង)ក្នុងរយៈពេលពី៦ទៅ៩ខែខាងមុខទៀត។

ត្រង់នេះដែរ លោកក៏បានបញ្ជាក់ផងដែរថា ប្រសិនបើអ្នកវិនិយោគជឿថាធនាគារកណ្ដាលអាមេរិកទម្លាក់ការប្រាក់នោះ បណ្ណបំណុលរយៈពេល២ឆ្នាំរបស់អាមេរិកនឹងធ្លាក់ក្រោម៤% ហើយពេលបណ្ណបំណុលធ្លាក់ថ្លៃនោះ តម្លៃហាងឆេងមាសអាចឡើងដល់៥៧២២ដុល្លារក្នុងមួយតម្លឹង ហើយបើតម្លៃមាសអាចឡើងដល់៥៧២២ដុល្លារក្នុង១តម្លឹងហើយនោះ មាសនឹងអាចបន្តឡើងដល់៦០២៤ដុល្លារក្នុង១តម្លឹងឬ៦០២ដុល្លារក្នុងមួយជី។

 លោក Aakash Doshi ថាបច្ចុប្បន្នទោះបីជាមាសរងសម្ពាធពីការប្រាក់ដុល្លារខ្ពស់ពិតមែនតែទីផ្សារមាសនៅតែខ្លាំង។ ជាពិសេសតម្រូវការមាសពីធនាការកណ្ដាលនៃប្រទេសជាច្រើនគឺជាចំណុចខ្លាំងមួយដែលអាចរុញមាសឲ្យហក់ឡើងបាន ដោយក្នុងនោះធនាគារកណ្ដាលរបស់ប្រទេសចិននៅតែមានតម្រូវការមាសនិងនាំចូលមាសយ៉ាងច្រើនផងដែរ៕