ក្រុមហ៊ុនប្រៀបដូចជាផ្ទះទីពីរ របស់បុគ្គលិកដែលបានដាក់កម្លាំងកាយចិត្តស្ទើរទាំងស្រុង និងចំណាយពេលច្រើនបំផុត ដើម្បីសម្រេចការងាររួម។ ក្នុងនោះក្រៅពីប្រាក់ខែ ខាងក្រោមនេះគឺជារឿងធំៗទាំង៥ ដែលបុគ្គលិកចង់បានខ្លាំងពីថ្នាក់ដឹកនាំ ឬចៅហ្វាយ៖

១/. ទំនាក់ទំនងបែបច្បាស់លាស់៖ និយោជិតចង់បានអ្នកដឹកនាំដែលផ្តល់នូវការប្រាស្រ័យទាក់ទងច្បាស់លាស់ និងជាប់លាប់អំពីតួនាទី ការរំពឹងទុក និងគោលដៅរបស់ក្រុមហ៊ុន។ ការប្រាស្រ័យទាក់ទងប្រកបដោយប្រសិទ្ធភាពជួយឱ្យបុគ្គលិកយល់ពីគោលបំណងរបស់ពួកគេនៅក្នុងអង្គភាព និងកាត់បន្ថយការយល់ច្រលំ។ នេះបើយោងតាមការសិក្សារបស់ Gallup។

២/. ការគោរព និងការទទួលស្គាល់៖ របស់ពីរនេះ ពិតជាសំខាន់ណាស់​សម្រាប់​ការ​លើក​ទឹក​ចិត្ត​បុគ្គលិក។ និយោជិតចង់ទទួលបានអារម្មណ៍ថា ខ្លួនឯងមានតម្លៃចំពោះការរួមចំណែកជួយស្ថាប័នទាំងមូលឲ្យរីកចម្រើន។ យោងតាមរបាយការណ៍ពី SHRM (សង្គមសម្រាប់ការគ្រប់គ្រងធនធានមនុស្ស) បានរកឃើញថា ការគោរពចំពោះបុគ្គលិកទាំងអស់ ជាផ្នែកដ៏ធំមួយក្នុងការលើទឹកចិត្តបុគ្គលិកឲ្យកាន់តែមានប្រសិទ្ធភាពការងារខ្ពស់។

 ៣/. ឱកាសលូតលាស់៖ បុគ្គលិកគ្រប់រូបតែងស្វែងរកឱកាសសម្រាប់ការអភិវឌ្ឍន៍វិជ្ជាជីវៈ និងវឌ្ឍនភាពការងារ។ បុគ្គលិកចង់ឱ្យអ្នកដឹកនាំវិនិយោគក្នុងការរីកចម្រើនរបស់ពួកគេតាមរយៈការបណ្តុះបណ្តាល ការណែនាំ និងឱកាសអភិវឌ្ឍអាជីពជាដើម។ ជាក់ស្តែងក្នុងរបាយការណ៍សិក្សាអំពីកម្លាំងការងារ LinkedIn បង្ហាញថា ៩៤% នៃបុគ្គលិកនឹងស្នាក់នៅក្នុងក្រុមហ៊ុនយូរជាងនេះ ប្រសិនបើក្រុមហ៊ុនវិនិយោគលើការអភិវឌ្ឍន៍អាជីពរបស់ពួកគេ។

៤/. បរិយាកាសការងារវិជ្ជមាន៖ វប្បធម៌ការងារដែលគាំទ្រ និងវិជ្ជមាន គឺចាំបាច់ណាស់សម្រាប់សុខភាពផ្លូវចិត្តរបស់បុគ្គលិក។ និយោជិតចង់មានអារម្មណ៍ថា ជាផ្នែកមួយនៃក្រុមហ៊ុនដែលមានការសហការ ការគោរព ការឲ្យតម្លៃ និងការគាំទ្រគ្នាទៅវិញទៅមក។ យោងតាមការស្ទង់មតិរបស់ Gallup គុណភាពនៃទំនាក់ទំនងរវាងនិយោជិត និងអ្នកគ្រប់គ្រងផ្ទាល់របស់ពួកគេ គឺជាកត្តាដ៏សំខាន់បំផុតមួយនៅក្នុងការចូលរួមលើកកម្ពស់ប្រសិទ្ធភាពការងារ។

៥/. តុល្យភាពការងារ-ជីវិត៖ សមតុល្យ​ជីវិត​ការងារ​ដែល​មាន​សុខភាព​ល្អ​ គឺ​មានសារសំខាន់​ណាស់​សម្រាប់​សុខុមាលភាព​បុគ្គលិក។ អ្នកដឹកនាំដែលគោរពពេលវេលា និងជីវិតផ្ទាល់ខ្លួនរបស់និយោជិត រួមចំណែកដល់ភាពរីករាយក្នុងការងារ និងផលិតភាពកាន់តែខ្ពស់។ យោងតាមការស្រាវជ្រាវពីក្រុមហ៊ុន Deloitte បានគូសបញ្ជាក់ថា បុគ្គលិកដែលមានអារម្មណ៍ថាពួកគេមានតុល្យភាពការងារ និងជីវិតល្អ មានផលិតភាពខ្ពស់ជាង អ្នកដែលគ្មាន ២១% ឯណោះ។

យ៉ាងណាមិញ បុគ្គលិកប្រៀបដូចជាសរសៃឈាមអាជីវកម្ម ចូរមើលថែពួកគេឲ្យបានល្អ នោះពួកគេនឹងថែរក្សាអាជីវកម្មរបស់អ្នកឲ្យកាន់តែល្អប្រសើរ៕

• សម្រាប់បុគ្គលិកដែលចង់បាន ចំណូលកើន ឡើងតួនាទីលឿន
• ម្ចាស់អាជីវកម្មដែលចង់កសាងក្រុមការងារដែកថែបបង្កើតលទ្ធផលខ្ពស់
• យើងសូមណែនាំសៀវភៅ «បុគ្គលិកឆ្នើម» តម្លៃពេញ ១២$ បើកក់ឥឡូវនេះតម្លៃត្រឹមតែ ១០$ ប៉ុណ្ណោះ។   បញ្ជាទិញតាម https://t.me/BusinessCambodiaBook