នៅក្នុងឆ្នាំ២០២៦នេះ រដ្ឋាភិបាលតាមរយៈក្រសួងការពារជាតិចាប់ផ្ដើមធ្វើការរៀបចំការបើកប្រាក់បៀរវត្សរបស់យោធិនតាមប្រព័ន្ធធនាគារដើម្បីបង្កើនតម្លាភាព គណនេយ្យភាព ប្រសិទ្ធភាពនិងសុវត្ថិភាពក្នុងការគ្រប់គ្រងប្រាក់បៀវត្សរបស់យោធិន។

ទាក់ទងនឹងការបើកប្រាក់បៀរវត្សជូនកងទ័ពតាមប្រព័ន្ធធនាគារនេះដែរ មានធនាគារធំៗចំនួន៨ក្នុងស្រុកដែលស្ថិតនៅក្នុងជម្រើសក្នុងការបើកគណនីធនាគារប្រាក់បៀរវត្សជូនកងទ័ព។ ខាងក្រោមនេះជាធនាគារទាំង៨ដែលជាជម្រើសក្នុងបើកគណនីធនាគារជូនកងទ័ពជាមួយនឹងអត្រាការប្រាក់សន្សំមានកាលកំណត់ក្នុង១ឆ្នាំ៖

១. អេស៊ីលីដា៖ ការប្រាក់សន្សំ៤.២៥%សម្រាប់ប្រាក់រៀល និង៣.៤៥%សម្រាប់ប្រាក់ដុល្លារ

២. កាណាឌីយ៉ាង៖ ការប្រាក់៣.៨៥%សម្រាប់ប្រាក់រៀល និង៣.៧០%សម្រាប់ប្រាក់ដុល្លារ

៣. ធនាគារវឌ្ឍនៈ៖ ការប្រាក់៣.៣៥%សម្រាប់ប្រាក់រៀល និង២.៨៥%សម្រាប់ប្រាក់ដុល្លារ

៤. ធនាគារFTB៖ ការប្រាក់៤.២៥% សម្រាប់ប្រាក់រៀល និង៣.៥០% សម្រាប់ប្រាក់ដុល្លារ  

៥. ធនាគារ Wing Bank៖ ការប្រាក់៤.៥០%ទាំងប្រាក់រៀលខ្មែរនិងប្រាក់ដុល្លារអាមេរិក

៦. ធនាគារ ABA៖ ការប្រាក់២.៧៥%សម្រាប់ប្រាក់រៀលនិង២.២៥% សម្រាប់ប្រាក់ដុល្លារ

៧. Chip Mong Bank៖ ការប្រាក់សន្សំ៤.១០%ទាំងប្រាក់រៀលខ្មែរនិងប្រាក់ដុល្លារ

៨. J Trust Royal Bank៖ ការប្រាក់៥.៥០%សម្រាប់ប្រាក់រៀលមនិង៣.២៥%សម្រាប់ប្រាក់ដុល្លារ

គួរបញ្ជាក់ផងដែរថាធនាគារធំៗទំាង៨ខាងលើដែលត្រូវបានជ្រើសរើសក្នុងបើកគណនីធនាគារដើម្បីបើកប្រាក់បៀរវត្សជូនកងទ័ពគឺភាគច្រើនជាធនាគារដែលមានម្ចាស់ភាគហ៊ុនធំជាខ្មែរ ដូច្នេះបងប្អូនអាចដាក់ប្រាក់បញ្ញើដោយមានទំនុកចិត្ត៕