ភ្នំពេញ ប្រទេសកម្ពុជា — [២២ ធ្នូ ២០២៥] — DQ® កម្ពុជា ដោយសហការជាមួយអង្គការ Pour un Sourire d’Enfant (PSE) មានកិត្តិយសប្រកាសអំពីការបញ្ចប់ដោយជោគជ័យនៃយុទ្ធនាការបរិច្ចាគ DQ® x PSE ដែលបានសម្រេចគោលដៅបរិច្ចាគចំនួន USD 10,000។ សមិទ្ធផលដ៏គួរឱ្យកោតសរសើរនេះ បង្ហាញពីមនុស្សធម៌ ការរួបរួម និងភាពសប្បុរសរបស់អ្នកគាំទ្រជាច្រើន ដែលបានរួមដៃគ្នាលើកស្ទួយជីវិតកុមារដែលកំពុងត្រូវការជំនួយ។

 
ដើម្បីអបអរសាទរសមិទ្ធផលនេះ ពិធីបញ្ចប់យុទ្ធនាការ ត្រូវបានរៀបចំឡើងនៅថ្ងៃទី ២២ ខែធ្នូ ឆ្នាំ ២០២៥ នៅសាលាបរិវេណ PSE ដោយមានតំណាងពី DQ® កម្ពុជា និង PSE រួមជាមួយសិស្សានុសិស្ស គ្រូបង្រៀន និងដៃគូពាក់ព័ន្ធចូលរួម។ ព្រឹត្តិការណ៍នេះ មិនត្រឹមតែជាការអបអរសាទរចំពោះថវិកាដែលបានប្រមូលប៉ុណ្ណោះទេ ប៉ុន្តែក៏ជាការរំលឹកដ៏មានអារម្មណ៍អំពីអំណាចនៃសហគមន៍ និងគោលបំណងរួមផងដែរ។

ក្នុងអំឡុងពិធី ក្រុមការងារ DQ® កម្ពុជា ត្រូវបានស្វាគមន៍យ៉ាងកក់ក្តៅដោយសិស្សានុសិស្ស និងបុគ្គលិក PSE ដែលបានចែករំលែករឿងរ៉ាវបំផុសគំនិតអំពីភាពអត់ធ្មត់ ក្តីសង្ឃឹម និងការផ្លាស់ប្តូរជីវិត។ បរិយាកាសពេញទៅដោយការដឹងគុណ សេចក្តីសប្បាយរីករាយ និងការភ្ជាប់ចិត្តយ៉ាងពិតប្រាកដ — ជាចំណុចបញ្ចប់ដ៏មានអារម្មណ៍នៃការខិតខំរួមគ្នាជាច្រើនសប្តាហ៍។

 
លោក Michael Chick អគ្គនាយកគ្រប់គ្រង (Express Food Group) EFG DQ® កម្ពុជា បានមានប្រសាសន៍ថា៖

 
“ការសម្រេចបានគោលដៅ USD 10,000 គឺជាភស្តុតាងនៃអ្វីដែលអាចកើតមានឡើង នៅពេលសហគមន៍មួយរួបរួមគ្នាដើម្បីគោលបំណងដ៏មានន័យ។ យុទ្ធនាការនេះ បានបង្ហាញឱ្យយើងឃើញថា ការចូលរួមគ្រប់ចំនួន—ធំឬតូច—សុទ្ធតែបង្កើតផលប៉ះពាល់ពិតប្រាកដ។ យើងមានកិត្តិយសក្នុងការគាំទ្របេសកកម្មរបស់ PSE និងដើររួមគ្នាជាមួយសិស្សានុសិស្សដ៏អស្ចារ្យទាំងនេះ ក្នុងការស្វែងរកអនាគតដ៏ភ្លឺស្វាងជាងមុន។”

ផ្នែក PSE ក៏បានបង្ហាញការដឹងគុណយ៉ាងជ្រាលជ្រៅចំពោះភាពជាដៃគូនេះផងដែរ។ លោក សឿង សុផា នាយក នាយកដ្ឌានអប់រំចំនេះទូទៅនៅ PSE កម្ពុជា បានមានប្រសាសន៍ថា៖

“ការគាំទ្រពី DQ® និងសហគមន៍កម្ពុជា នាំមកនូវក្តីសង្ឃឹមថ្មីសម្រាប់កុមាររបស់យើង។ រាល់ដុល្លារដែលបានប្រមូល ជួយអំណោយផលដល់ជីវិតមួយ—ផ្តល់ការអប់រំ ការថែទាំ និងឱកាស ដែលកុមារគ្រប់រូបគួរតែទទួលបាន។ ការអបអរសាទរថ្ងៃនេះ រំលឹកឱ្យយើងដឹងថា សេចក្តីសប្បុរស និងការរួបរួម អាចផ្លាស់ប្តូរវាសនាជីវិតបានពិតប្រាកដ។”

 
ថវិកាចំនួន USD 10,000 ទាំងមូល នឹងត្រូវប្រើប្រាស់ដោយផ្ទាល់សម្រាប់កម្មវិធីរបស់ PSE រួមមាន ការអប់រំ ការបណ្តុះបណ្តាលវិជ្ជាជីវៈ អាហារូបត្ថម្ភ សុខាភិបាល និងការជួយគាំទ្រគ្រួសារ — ជាគំនិតផ្តួចផ្តើមដែលផ្លាស់ប្តូរជីវិតកុមារដែលរស់នៅក្នុងស្ថានភាពលំបាក។

 
នៅពេលយុទ្ធនាការបញ្ចប់ជាផ្លូវការ DQ® កម្ពុជា សូមថ្លែងអំណរគុណយ៉ាងស្មោះត្រង់ដល់អតិថិជន ដៃគូ និងបុគ្គលិកទាំងអស់ ដែលបានធ្វើឱ្យសមិទ្ធផលនេះក្លាយជាការពិត។ ម៉ាកនេះ បញ្ជាក់ឡើងវិញនូវការប្តេជ្ញាចិត្តក្នុងការបន្តគម្រោងសង្គមដ៏មានន័យ និងគាំទ្រសហគមន៍ទូទាំងប្រទេសកម្ពុជា។

អំពី International Dairy Queen®, Inc.

International Dairy Queen®, Inc. មានទីស្នាក់ការកណ្តាលនៅទីក្រុង Minneapolis រដ្ឋ Minnesota សហរដ្ឋអាមេរិក ជាក្រុមហ៊ុនមេរបស់ American Dairy Queen® Corporation និង Dairy Queen® Canada, Inc. ក្រុមហ៊ុនបានពង្រីកអាជីវកម្មទៅកាន់ជាង 7,700 ទីតាំង ក្នុងប្រទេសជាង 20 រួមទាំងប្រទេសកម្ពុជា។ តាមរយៈ International Dairy Queen® (IDQ) ក្រុមហ៊ុនផ្តល់ការគាំទ្រការអភិវឌ្ឍ សិទ្ធិហ្វ្រេនឆាយ និងប្រព័ន្ធគ្រប់គ្រងគុណភាព និងសេវាកម្ម ដែលបំពេញតាមស្តង់ដារអន្តរជាតិ។ International Dairy Queen® (IDQ) ជាក្រុមហ៊ុនបុត្រសម្ព័ន្ធរបស់ Berkshire Hathaway, Inc. ដែលដឹកនាំដោយលោក Warren Buffett — មួយក្នុងចំណោមវិនយោគិនល្បីល្បាញបំផុតលើពិភពលោក និងជាអគ្គនាយកប្រតិបត្តិរបស់ Berkshire។ សម្រាប់ព័ត៌មានបន្ថែម សូមចូលទៅកាន់ DairyQueen®.com

ក្នុងរយៈពេល 14 ឆ្នាំកន្លងមក Dairy Queen® កម្ពុជា បានពង្រីកទៅដល់ 33 សាខា គ្របដណ្តប់ក្នុងរាជធានីភ្នំពេញ និងខេត្តនានា ដូចជា បាត់ដំបង សៀមរាប កំពង់ចាម បន្ទាយមានជ័យ និងកំពង់ធំ ហើយមានផែនការពង្រីកបន្ថែមនាពេលអនាគត។ លើសពីនេះ ដើម្បីលើកកម្ពស់គុណភាពផលិតផល និងស្តង់ដារ Dairy Queen® កម្ពុជា បានផ្ញើបុគ្គលិកឆ្នើមទៅបណ្តុះបណ្តាលទាំងក្នុងស្រុក និងក្រៅប្រទេស រួមទាំងប្រទេសចិន និងហ្វីលីពីន។
បន្ថែមពីនេះ Dairy Queen® កម្ពុជា បានចូលរួមយ៉ាងសកម្មក្នុងកម្មវិធីសង្គមជាច្រើន ដូចជា ពិធីបុណ្យជាតិ នៅសាកលវិទ្យាល័យធំៗ ពិធីបុណ្យឯករាជ្យជាតិ ការអបអរសាទរខួប 75 ឆ្នាំ នៃទំនាក់ទំនងការទូត សហរដ្ឋអាមេរិក–កម្ពុជា និងសកម្មភាពសប្បុរសធម៌នានា ដើម្បីចូលរួមចំណែកដល់សង្គម។

 
  
________________________________________
 PSE (Pour Un Sourire d’Enfant) គឺជាអង្គការមិនរកប្រាក់ចំណេញ ដែលមានបេសកកម្មជួយកុមារក្រីក្រនៅប្រទេសកម្ពុជា តាមរយៈការអប់រំ ការបណ្តុះបណ្តាលវិជ្ជាជីវៈ និងកម្មវិធីគាំទ្រគ្រួសារ ដើម្បីអំណាចឱ្យពួកគេកសាងអនាគតដ៏ភ្លឺស្វាង។
សម្រាប់ព័ត៌មានបន្ថែម សូមចូលទៅកាន់៖ 
Facebook: https://www.facebook.com/dairyqueencambodia  
Instagram: https://www.instagram.com/dairyqueen.cambodia/  
TikTok: https://www.tiktok.com/@dairyqueencambodia 

សម្រាប់ទំនាក់ទំនងព័ត៌មាន៖ 
Facebook: https://www.facebook.com/dairyqueencambodia  
Email Address: dairyqueenkh@gmail.com