អ្នករកស៊ីពូកែ គឺជាមនុស្សដែលពូកែព្យាករណ៍ទំនោរអនាគត និងមានចក្ខុវិស័យវែងឆ្ងាយ។ ទទ្ទឹមនឹងនេះដែរ ការជ្រើសរើសមុខជំនួញដើម្បីរកស៊ីក៏ជារឿងសំខាន់ផងដែរ ព្រោះបើជ្រើសរើសមុខជំនួញខុស វាធ្វើឱ្យអត្រាបរាជ័យតាំងពីថ្ងៃដំបូងមកម៉្លេះ។

ទាក់ទិននឹងការជ្រើសរើសមុខរបរ អ្នកជំនួញអចលនទ្រព្យចាស់វស្សាគឺ លោក ច្រឹក សុខនីម ជាអគ្គនាយកក្រុមហ៊ុន Century 21 Mekong បានណែនាំនូវគន្លឹះមួយចំនួនទាក់ទងនឹង ការរើសជំនួញសក្ដានុពលនាពេលអនាគត។

១. របរក្នុងវិស័យហិរញ្ញវត្ថុ

ដូចសង្កេតមើលឃើញនឹងភ្នែក នាពេលបច្ចុប្បន្ន មិនថានៅបណ្ដាប្រទេសអភិវឌ្ឍន៍ វិស័យហិរញ្ញវត្ថុគឺមានការរីកចម្រើនខ្លាំង។ មួយវិញទៀត វិស័យហិរញ្ញវត្ថុនេះក៏បង្កើតអ្នកមានជាច្រើននាក់ផងដែរ។ អាស្រ័យហេតុនេះ បើសិនជាអ្នកចង់ចាប់ផ្ដើមជំនួញ អ្នកគួរសម្លឹងមើលវិស័យមួយនេះ។

២. របរបច្ចេកវិទ្យា

នៅបណ្ដាប្រទេសអភិវឌ្ឍន៍ដូចជាសហរដ្ឋអាមេរិក គឺវិស័យបច្ចេកវិទ្យានេះមានភាពរីកចម្រើនខ្លាំង។ វិស័យបច្ចេកវិទ្យា​រីកចម្រើនខ្លាំងស្ទើរតែលើសវិស័យអចលនទ្រព្យទៀតផង ព្រោះសហគ្រិនក្មេងៗភាគច្រើន បានសម្រុករកស៊ីក្នុងវិស័យនេះ ហើយក៏បង្កើតក្រុមហ៊ុនបច្ចេកវិទ្យាលក់បានលុយរាប់សិបលានដុល្លារផងដែរ។ ក្រឡេកមើលប្រទេសកម្ពុជាវិញ វិស័យបច្ចេកវិទ្យាក៏មានសន្ទុះរីកចម្រើនកាន់តែខ្លាំងឡើងៗផងដែរ ហើយក៏នឹងបន្តរីកចម្រើនកាន់តែខ្លាំងនាពេលអនាគតខាងមុខ។ អាស្រ័យហេតុនេះ បើសិនជា ចង់រកស៊ី គិតថាខ្លួនមានជំនាញ មានសមត្ថភាព និងចំណង់ចំណូលចិត្ត អ្នកគួរពិចារណាជំនួញក្នុងវិស័យនេះ។

៣. អចលនទ្រព្យ

អចលនទ្រព្យ អចលនទ្រព្យ អចលនទ្រព្យ អ្នកប្រហែលជាឮច្រើនមកហើយ ថាវាជាវិស័យល្អមួយ និងជាវិស័យដែលអ្នកមានភាគច្រើនចូលចិត្តរកស៊ីខ្លាំងបំផុត។ ទន្ទឹមនឹងភាពអំណោយផល ប្រទេសកម្ពុជាជាប្រទេសកំពុងអភិវឌ្ឍន៍ទៀតនោះ វិស័យនេះក៏ជាអាទិភាព អាចរកចំណូលបានច្រើន និងបន្តរីកចម្រើននៅយូអង្វែងទៅខាងមុខផងដែរ។

ជារួមមកវិញ របរបន្តត្រូវប៉ាន់នាពេលខាងមុខនេះ គឺជាអ្វីដែលអ្នកគួរតែពិចារណា ព្រោះវាអាចមានឱកាសរីកចម្រើនច្រើនទៅមុខបន្តទៀត។ ប្រសិនបើអ្នកចង់ធ្វើជំនួញ វិស័យទាំង៣នេះ អ្នកមិនគួរមើលរំលងនោះទេ៕

សូមចុចទីនេះ ដើម្បីរៀនគំនិតរកស៊ីល្អៗ និង គន្លឹះដឹកនាំជីវិតក្នុងគ្រុបពិសេសខ្ញុំ ( https://t.me/LongVathanak777 )