ការប្រាស្រ័យទាក់ទងរបស់កុមារ មិនមែនមានតែតាមរយៈសកម្មភាពប៉ុណ្ណោះទេ ប៉ុន្តែពាក្យសម្តីដែលពួកគេពោលចេញមក គឺជាបង្អួចបង្ហាញពីពិភពខាងក្នុងរបស់ពួកគេ។ ប្រសិនបើកូនរបស់អ្នកនិយាយឃ្លាទាំង ៥ ខាងក្រោមនេះញឹកញាប់ ត្រូវប្រញាប់តាមដានកូនភ្លាម យោងតាមការសិក្សាររបស់ Child Mind Institute៖

១/. "កូនធ្វើអ្វីក៏មិនត្រូវ/មិនល្អដែរ"៖ ឃ្លានេះបង្ហាញពី ការបាត់បង់ទំនុកចិត្តលើខ្លួនឯង។ កុមារដែលនិយាយបែបនេះអាចនឹងកំពុងមានអារម្មណ៍ថាខ្លួនបរាជ័យ ឬរងសម្ពាធពីការរំពឹងទុកខ្ពស់ពេកពីឪពុកម្តាយ ឬគ្រូបង្រៀន។

២/. "គ្មានអ្នកណាម្នាក់ស្រឡាញ់កូនទេ"៖ នេះជាសញ្ញានៃ អារម្មណ៍ឯកោ ឬការខ្វះភាពកក់ក្តៅ។ ទោះបីជាអ្នកផ្តល់របស់របរគ្រប់យ៉ាងឱ្យកូនក៏ដោយ ប៉ុន្តែបើកូននិយាយបែបនេះ មានន័យថាពួកគេកំពុងត្រូវការពេលវេលាដែលមានគុណភាព និងការបង្ហាញក្តីស្រឡាញ់ដោយផ្ទាល់ជាងមុន។

៣/. "កូនមិនចង់ទៅសាលារៀនទេ"៖ ប្រសិនបើកូនស្រែកយំ ឬបដិសេធមិនទៅសាលាជាប្រចាំ វាអាចជាសញ្ញានៃ ការរងគ្រោះដោយការគំរាមកំហែង ឬមានបញ្ហាក្នុងការសម្របខ្លួនជាមួយមិត្តភក្តិ។ កុមារអាចនឹងមានការភ័យខ្លាចចំពោះមជ្ឈដ្ឋានខាងក្រៅ។

៤/. "វាគឺជាកំហុសរបស់កូន"៖ ការបន្ទោសខ្លួនឯងចំពោះរឿងដែលមិនមែនជាកំហុសរបស់ខ្លួន ដូចជាពេលឪពុកម្តាយឈ្លោះគ្នា ឬមានបញ្ហាក្នុងគ្រួសារ គឺជាសញ្ញានៃ សម្ពាធផ្លូវចិត្តធ្ងន់ធ្ងរ។ កុមារដែលរងសម្ពាធបែបនេះក្នុងរយៈពេលយូរ អាចប្រឈមនឹងជំងឺបាក់ទឹកចិត្ត។

៥/. "ចាំមើល... បើកូនស្លាប់ទៅ ទើបគ្រប់គ្នាសប្បាយចិត្ត"៖ នេះគឺជាឃ្លាដែល គ្រោះថ្នាក់បំផុត។ វាជាសញ្ញានៃការអស់សង្ឃឹមក្នុងជីវិត ឬមានគំនិតចង់ធ្វើបាបខ្លួនឯង។ ទោះបីជាកូននិយាយក្នុងន័យខឹងក៏ដោយ ក៏អាណាព្យាបាលត្រូវតែប្រញាប់ជជែក និងស្វែងរកជំនួយពីអ្នកជំនាញចិត្តវិទ្យាជាបន្ទាន់។

យ៉ាងណាមិញ ការយកចិត្តទុកដាក់លើរាល់ពាក្យសម្តីដែលកូនពោលចេញមក មិនត្រឹមតែជាការការពារកូនពីបញ្ហាផ្លូវចិត្តក្នុងរយៈពេលវែងប៉ុណ្ណោះទេ ប៉ុន្តែវាក៏ជាស្ពានចម្លងដ៏សំខាន់ក្នុងការកសាងទំនាក់ទំនងដ៏រឹងមាំ និងកក់ក្តៅរវាងអាណាព្យាបាល និងកុមារផងដែរ។ នៅពេលលោកអ្នកកត់សម្គាល់ឃើញសញ្ញាព្រមានទាំងនេះតាមរយៈសម្តីរបស់ពួកគេ សូមកុំបង្អង់យូរក្នុងការផ្តល់ក្តីស្រឡាញ់ ការស្តាប់ដោយការយល់ចិត្ត និងការស្វែងរកដំណោះស្រាយសមស្រប ព្រោះការជ្រោមជ្រែងទាន់ពេលវេលារបស់ឪពុកម្តាយ គឺជាថ្នាំព្យាបាលដ៏មានប្រសិទ្ធភាពបំផុតដែលជួយឱ្យកូនៗលូតលាស់មកវិញដោយភាពជឿជាក់ និងមានសុខភាពផ្លូវចិត្តល្អ។

គួរជម្រាបផងដែរថា ក្រៅពីការមើលថែទាំកូនៗនៅផ្ទះ ការជ្រើសរើសគ្រឹះស្ថានសិក្សាដែលត្រឹមត្រូវ គឺជាស្ពានដ៏សំខាន់បំផុតទីពីរក្នុងការកំណត់វាសនារបស់កុមារ។ ជាក់ស្តែងនៅសាលា វេស្ទើនអន្តរជាតិ (WESTERN INTERNATIONAL SCHOOL) ផ្ដល់ជូនកម្មវិធីសិក្សាចំណេះទូទៅចាប់ពីថ្នាក់មត្តេយ្យ ដល់ថ្នាក់ទី១២ សិក្សាជាភាសាអង់គ្លេស និងសិស្សអាចប្តូរម៉ោងសិក្សាតាមសាលារដ្ឋបាន សម្រាប់ថ្នាក់សិក្សា១ពេល។ សម្រាប់សិស្សសិក្សាពេញ១ថ្ងៃ កម្មវិធីសិក្សាជាភាសាអគ្លេសស្របតាមកម្មវិធីសិក្សាប្រទេសអាមេរិក និងសិក្សាជាភាសាខ្មែរស្របតាមកម្មវិធីសិក្សាក្រសួងអប់រំ យុវជន និងកីឡា។​ សញ្ញាបត្រចេញដោយ ក្រសួងអប់រំយុវជននិងកីឡា ហើយសាលាវេស្ទើនអន្តរជាតិដែរអាចបន្តការសិក្សាបានទាំងក្នុង និងក្រៅប្រទេស។ សម្រាប់ព័ត៌មានលម្អិតអាចទំនាក់ទំនងតាមរយៈលេខទូរស័ព្ទ 016 699 192 / 078 672 072 / 097 886 0979៕

អត្ថបទដោយ៖ កាន់ ដារ៉ា (ម្ចាស់ស្នាដៃសៀវភៅ បុគ្គលិកឆ្នើម)

• សម្រាប់បុគ្គលិកដែលចង់បាន ចំណូលកើន ឡើងតួនាទីលឿន
• ម្ចាស់អាជីវកម្មដែលចង់កសាងក្រុមការងារដែកថែបបង្កើតលទ្ធផលខ្ពស់
• យើងសូមណែនាំសៀវភៅ «បុគ្គលិកឆ្នើម» តម្លៃពេញ ១២$ បើកក់ឥឡូវនេះតម្លៃត្រឹមតែ ១០$ ប៉ុណ្ណោះ។   បញ្ជាទិញតាម https://t.me/BusinessCambodiaBook