លោកស្រី Celine Dion ម្ចាស់បទចម្រៀងដ៏ល្បីក្នុងរឿងកាប៉ាល់ទីតានិច​ My Heart Will Go On បានត្រឡប់ឡើងឆាកជាថ្មី នៅថ្ងៃបើកព្រឹត្តិការណ៍កីឡាអូឡាំពិក កាលពីយប់ថ្ងៃទី២៦ ខែកក្កដា ឆ្នាំ២០២៤ នាទីក្រុងប៉ារីស ប្រទេសបារាំង ក្រោយបាត់មុខអស់រយៈពេល៤ឆ្នាំ ​ជាមួយនឹងតម្លៃខ្លួន ២លានដុល្លារ សម្រាប់ចម្រៀងមួយបទគឺ “Hymne à l’amour”។

យោងតាមប្រភព Republic World តារាចម្រៀងលំដាប់កំពូល Celine Dion បាន​វិល​ត្រឡប់​មក​កាន់​ឆាក​ដ៏​រំជួល​ចិត្តវិញ ក្នុង​ពិធី​បើក​កីឡា​អូឡាំពិក​ក្រុង​ប៉ារីស ក្រោយនាង តស៊ូ​ជាមួយ​នឹង​ជំងឺផ្ទាល់ខ្លួន។​ តារា​ចម្រៀង​សញ្ជាតិ​កាណាដា​រូប​នេះ​បាន​ស្លៀក​សម្លៀក​បំពាក់​លម្អ​ដោយ​អង្កាំ ​សម្តែង​ក្បែរនៅ​ព្យាណូ​ពេល​ភ្លៀងធ្លាក់។

គូរជម្រាបផងដែរថាចំពោះការសម្តែងនៅព្រឹត្តិការណ៍អូឡាំពិកនេះ មិនមែនជាលើកដំបូងរបស់ Celine Dion នោះទេ នាងក៏ធ្លាប់ច្រៀងបើកការប្រកួតនៅ Atlanta ឆ្នាំ ១៩៩៦ផងដែរ ជាមួយនឹងបទចម្រៀងរបស់នាងគឺ The Power of the Dream៕

អត្ថបទដោយ៖ ពីង ជូអេង​