ដំណើរទស្សនកិច្ចសិក្សាជាអន្តរជាតិនៅ CamEd Business School គឺជាកម្មវិធីសំខាន់មួយ​ ដែលមានគោលបំណងភ្ជាប់ចំណេះដឹង និងទ្រឹស្តីក្នុងថ្នាក់រៀនជាមួយបទពិសោធន៏ជាក់ស្តែង នៅកម្រិតអន្តរជាតិ។ ថ្មីៗនេះ និស្សិត CamEd Business School ចំនួន២៥ ​នាក់បានចូលរួមដំណើរ ទស្សនកិច្ចសិក្សាទៅកាន់ប្រទេសជប៉ុនដែលខាងវិទ្យាស្ថានបានរៀបចំ។ ក្រុមនិស្សិតបាន ចូលរួមទស្សនាក្រុមហ៊ុនអន្តរជាតិឈានមុខគេនៅប្រទេសជប៉ុនដូចជា ក្រុមហ៊ុន Dai-Ichi, Nippon Express និង Comgest។

តាមរយៈបទពិសោធន៍នេះ និស្សិតអាចយល់ឃើញពីគោលគំនិត ដែលគេបានសិក្សាក្នុងថ្នាក់រៀនដូចជា គ្រប់គ្រងខ្សែផ្គត់ផ្គង់ និងអភិបាលកិច្ចក្រុមហ៊ុន ត្រូវបានអនុវត្តក្នុងអាជីវកម្មជាក់ស្តែង។ មិនតែប៉ុណ្ណោះ និស្សិតក៏បានធ្វើដំណើរទៅកាន់ សាកលវិទ្យាល័យ Waseda ដែលពួកគេមានឱកាសបង្កើតទំនាក់ទំនង និងចែករំលែកបទពិសោធន៍ ក៏ដូចជាវប្បធម៌ជាមួយនឹងសាស្រ្តាចារ្យ និងនិស្សិតនៃសាកលវិទ្យាល័យ Waseda​ ផងដែរ។ 

តាមរយៈការរួមបញ្ចូលទស្សនកិច្ចសិក្សា ការស្វែងយល់ពីវប្បធម៌ និងការចូលរួមជាមួយស្ថាប័នអន្តរជាតិ កម្មវិធីនេះជួយឲ្យនិស្សិតទទួលបានទស្សនៈគំនិតថ្មីៗ និងជំនាញចាំបាច់សម្រាប់ភាពជោគជ័យក្នុង បរិបទជាសកល ព្រមទាំងបង្កើនឱកាសការងាររបស់ពួកគេផងដែរ។

សម្រាប់ព័ត៌មានបន្ថែម សូមទំនាក់ទំនងទៅកាន់លេខ៖ ០៧០ ៦៧៣​ ៦៧៣ ឬ ០១០ ៩៨៦ ៥២៣ និងតេឡេក្រាម ០៧៨​ ៥៨៨ ៨៨៦ ឬក៏ចូលទៅកាន់គេហទំព័រ www.cam-ed.edu.kh ។