នៅថ្ងៃទី ២៩ ខែ សីហា ឆ្នាំ ២០២៥ នៅអគារ GIA Towers ក្រុមហ៊ុន CABS Consulting បានរៀបចំឡើងនូវកម្មវិធីមួយក្រោមប្រធានបទ “Strengthening Cyber Resilience in Financial Institutions” សម្ដៅទៅលើការពង្រឹងសុវត្ថិភាពសាយប័រសម្រាប់ស្ថាប័នហិរញ្ញវត្ថុ ដោយមានការចូលរួមពីក្រុមអ្នកជំនាញ Cybersecurity ស្ថាប័នហិរញ្ញវត្ថុធំៗនៅកម្ពុជា និង វាគ្មិនល្បីៗទាំងក្នុងស្រុក និង អន្តរជាតិ។

ថ្លែងចំណាប់អារម្មណ៍ដំបូង លោក Ly Vandy នាយកនៃក្រុមហ៊ុន CABS Consulting បានចែករំលែកអំពី ករណីកើតឡើងថ្មីៗនៃបញ្ហាការវាយប្រហារតាមអ៊ីនធឺណេត ឬ Cyberattack ក្នុងអំឡុងពេលនៃជម្លោះព្រំដែនកម្ពុជា-ថៃ ដោយបានចង្អុលបង្ហាញពីខឿនការពារផ្នែកបច្ចេកវិទ្យាយ៉ាងរឹងមាំរបស់កម្ពុជា បើទោះជាមានការបំផុសបំផុលពីសំណាក់ក្រុមអ្នកវាយប្រហារថាបានជ្រៀតជ្រែកចូលនោះ ជាករណីក្លែងបន្លំ មិនពិតនោះទេ។

បន្ថែមពីនេះ លោក Ly Vandy បានណែរនាំដោយសង្កត់ធ្ងន់ពីសារៈសំខាន់នៃការគ្រប់គ្រងហានីភ័យលើប្រព័ន្ធបច្ចេកវិទ្យា សន្តិសុខសាយប័រ សម្រាប់ស្ថាប័នហិរញ្ញវត្ថុយកទៅអនុវត្ត ដើម្បីការពារខ្លួនអំពីការវាយប្រហារសាយប័រ រក្សាបាននូវភាពរលូននៃប្រតិបត្តិការរបស់ខ្លួន ក៏ដូចជាសម្របខ្លួនទៅតាមផ្លូវច្បាប់ ទាំងច្បាប់នៃព្រះរាជាណាចក្រកម្ពុជា ព្រមទាំងដើរតាមបទដ្ឋានបច្ចេកទេសរបស់ប្រព័ន្ធហិរញ្ញវត្ថុពិភពលោកផងដែរ។

បន្តទៅទៀត មានការចែករំលែកពីលោក Dominic ជាអនុប្រធានផ្នែកលក់នៃក្រុមហ៊ុន PRE Security ពាក់ព័ន្ធទៅនឹងបច្ចេកវិទ្យាកំពុងពេញនិយមខ្លាំងក្នុងឆ្នាំ ២០២៥នេះ គឺ AI ដោយបច្ចុប្បន្ន AI នេះបីដូចជាកំាបិទមុខពីរដែលត្រូវបានគេប្រើប្រាស់ក្នុងការវាយប្រហារមកកាន់ស្ថាប័នធំៗផងដែរ ដោយអ្នកសន្តិសុខបច្ចេកវិទ្យាចាំបាច់ត្រូវយកចិត្តទុកដាក់ការពារ និង ចាប់យក AI មកជាជំនួយការក្នុងការការពារប្រព័ន្ធរបស់ខ្លួន។

ក្នុងអំឡុងសិក្ខាសាលានោះផងដែរ លោក Ryan Ngai ជានាយកនៃក្រុមហ៊ុន PRE Security បានធ្វើការប្រើប្រាស់បង្ហាញពីផ្លេតហ្វមរបស់ PRE AI Native SecOps Platform ក្នុងការស្វែងរក និង ទប់ស្កាត់ចន្លោះប្រហោងនៃប្រព័ន្ធ ក៏ដូចជាស្វែងរកបញ្ហានៅក្នុងប្រព័ន្ធ ដោយប្រើប្រាស់ AI ជួយក្នុងការវិភាគពីបញ្ហា និង ផ្ដល់នូវដំណោះស្រាយប្រកបដោយប្រសិទ្ធភាពខ្ពស់ក្នុងការការពារ។

ជាមួយគ្នានេះ លោក Abdullah Zafar មកពីក្រុមហ៊ុន Cybersecurity កម្រិតពិភពលោក RevBits LLC បានចែករំលែកអំពីសារៈសំខាន់នៃប្រព័ន្ធគ្រប់គ្រងអ្នកចូលប្រើប្រាស់ប្រព័ន្ធ ដោយមានកំណត់តួរនាទីច្បាស់លាស់ (Privileged Access Management) ដើម្បីធានាបាននូវការការពារពីការជ្រៀតចូលផ្ដេសផ្ដាសដោយមិនមានការអនុញ្ញាត និង វិធានការអាសន្នពេលមានការជ្រៀតជ្រែក ដោយមានការគ្រប់គ្រងអត្តសញ្ញាណអ្នកចេញចូលប្រព័ន្ធដោយមានការកំណត់ដែននៃការប្រើប្រាស់ត្រឹមត្រូវ។

មុននឹងឈានដល់កិច្ចបញ្ចប់នៃកម្មវិធី ក៏មានកិច្ចពិភាក្សាគ្នាគួរឱ្យជក់ចិត្តនៅលើឆាក ក្រោមកិច្ចសម្របសម្រួលពីសំណាក់លោក John Hosegood ជាអ្នកប្រឹក្សាយោបល់ផ្នែក Cybersecurity ពីចក្រភពអង់គ្លេស ដោយមានការចូលរួមពីលោក Eat Chetrasorivong នាយកផ្នែកព័ត៌មានធនាគារអ៊ូរី លោក Ryan Ngai ពី Presecurity និង លោក Abdullah Zafar ពី Revbits ដោយកិច្ចពិភាក្សាបានជជែកគ្នាពីវិធីការពារ និង ពង្រឹងសុវត្ថិភាពសាយប័រ របស់ស្ថាប័នហិរញ្ញវត្ថុ ធ្វើយ៉ាងណាឱ្យស្ថាប័នទាំងនោះត្រៀមខ្លួនរួចរាល់ សម្រាប់យុគសម័យថ្មីនៃបរិបទសុវត្ថភាពសាយប័រនិង AI។

គូសបញ្ជាក់ផងដែរថា កម្មវិធីនេះត្រូវបានរៀបចំឡើងដោយក្រុមហ៊ុន CABS Consulting ជាក្រុមហ៊ុនឈានមុខគេមួយនៅកម្ពុជាជាមួយនឹងការផ្ដល់ការប្រឹក្សាយោបល់ និង ដំណោះស្រាយជាយុទ្ធសាស្ត្រសម្រាប់ស្ថាប័នធំៗ ពាក់ព័ន្ធទៅនឹងសុវត្ថិភាពសាយប័រ ឬ Cybersecurity ដោយមានអ្នកជំនាញៗបទពិសោធន៍ច្រើនឆ្នាំលើវិស័យនេះ ព្រមទាំងដៃគូរសហការទាំងក្នុង និង ក្រៅស្រុកជាច្រើន។

ទំនាក់ទំនង៖
Facebook Page: CABS
លេខទូរស័ព្ទ: (+855) 69 998 236
Email: info@cabs-consulting.com