កាលពីថ្ងៃទី៧ ខែកក្កដា ឆ្នាំ២០២៦ កន្លងទៅនេះ ក្រុមហ៊ុន BYD Cambodia បានប្រកាសដាក់លក់ជាផ្លូវការនូវរថយន្ដថ្មី ២ ម៉ូដែលគឺ៖ BYD Sealion 5 EV ដែលជារថយន្ត SUV អគ្គិសនីសម្រាប់គ្រួសារ និង BYD Shark 6 Advanced ដែលជារថយន្តភីកអាប់ Plug-in Hybrid ខណៈរថយន្ដទាំងពីរនេះសុទ្ធតែត្រូវបានដំឡើងនៅកម្ពុជាជាលើកដំបូង។

១. រថយន្ដ BYD Sealion 5 EV៖ រថយន្តនេះអាចបើកបរបានរហូតដល់ 520 គីឡូម៉ែត្រ ក្នុងការសាកថ្មពេញម្តង ព្រមទាំងបំពាក់ដោយកាប៊ីនធំទូលាយ ប្រព័ន្ធកាប៊ីនឆ្លាតវៃ ទំនើប និងមានមុខងារសុវត្ថិភាពដ៏ពេញលេញ។ លើសពីនេះ វាក៏មានមុខងារ ជំនួយចតរថយន្តឆ្លាតវៃ ដែលជួយឱ្យការ ចតរថយន្តនៅក្នុងទីក្រុងកាន់តែងាយស្រួល និងមានភាពច្បាស់លាស់ ដោយមានប្រសិទ្ធភាពក្នុងការ ដោះស្រាយបញ្ហា កន្លែងចតរថយន្តនៅតំបន់ទីប្រជុំជន បំពេញតម្រូវការប្រើប្រាស់បានគ្រប់ស្ថានភាព មិនថាជាការធ្វើដំណើរប្រចាំថ្ងៃ ការចតរថយន្តក្នុងទីក្រុង ឬការធ្វើដំណើរកម្សាន្តជាមួយក្រុមគ្រួសារនោះទេ រថយន្តនេះបានជួយកាត់បន្ថយចំណាយយ៉ាងច្រើន ក្នុងការធ្វើដំណើរសម្រាប់គ្រួសារកម្ពុជា។ ចំពោះតម្លៃវិញគឺត្រឹមតែ ២៣,៨០០ ដុល្លារ។

២. រថយន្ដ BYD Shark 6 Advanced៖ គឺជារថយន្តភីកអាប់ Plug-in Hybrid លំដាប់ កំពូលដែលត្រូវបាន ដំឡើងនៅកម្ពុជា (CKD)។ រថយន្តនេះបំពាក់ដោយប្រព័ន្ធ DM Super Hybrid របស់ BYD ដែលផ្តល់នូវ ថាមពលខ្លាំង កម្លាំងអតិបរមារហូតដល់ 541 HP និងអាចបង្កើនល្បឿនពី 0–100 គីឡូម៉ែត្រ/ម៉ោង ក្នុង រយៈពេលត្រឹម 5.7 វិនាទី។ វារួមបញ្ចូលទាំងសមត្ថភាពបង្កើនល្បឿនដ៏ល្អឥតខ្ចោះ កម្លាំងបើកបរ off-road ខ្លាំង និងការប្រើប្រាស់ថាមពលទាប។

ជាមួយកាប៊ីនប្រណិត និងមុខងារ V2L សម្រាប់ផ្គត់ផ្គង់ថាមពល ទៅឧបករណ៍ខាងក្រៅ រថយន្តនេះអាចប្រើប្រាស់បានច្រើនមុខងារ មិនថាសម្រាប់ដឹកទំនិញ អាជីវកម្ម ការធ្វើដំណើរប្រចាំថ្ងៃ ឬការបោះជំរំក្រៅផ្ទះ។ ការដំឡើងនៅក្នុងស្រុកធ្វើឲ្យរថយន្តនេះមានតម្លៃកាន់តែ សមរម្យ ហើយថ្លៃចំណាយប្រើប្រាស់រយៈពេលវែងទាបជាងរថយន្តភីកអាប់ប្រើប្រេងឥន្ធនៈ។ ចំពោះតម្លៃវិញដាក់លក់ត្រឹមតែ ៤៣,៨០០ ដុល្លារប៉ុណ្ណោះ។

ដូច្នេះសម្រាប់លោកអ្នកដែលទិញរថយន្ដថ្មីទាំង ២ ម៉ូដែលនេះ អាចធ្វើការទាក់ទងសាកសួរព័ត៌មានទៅកាន់ក្រុមហ៊ុនតាមរយៈលេខទូរស័ព្ទ៖ 017 555 924 ឬហ្វេសប៊ុកផេក BYD Cambodia៕