ក្រុមហ៊ុនដែលសែលកាត ដែលជាក្រុមហ៊ុនទូរគមានាគមន៍ប្រើសេវាទូរស័ព្ទនិងអ៊ិនធឺណេតគឺជាក្រុមហ៊ុនចុះបញ្ជីលើផ្សារមូលត្រកម្ពុជា(ផ្សារហ៊ុនកម្ពុជា) ដូច្នេះប្រទេសជនទូទៅសុទ្ធតែអាចក្លាយជាម្ចាស់ភាគហ៊ុនសែលកាតតាមរយៈទិញភាគហ៊ុនក្រុមហ៊ុនសែលកាត់នៅលើផ្សារហ៊ុន។
ក្រុមហ៊ុនសែលកាតចែកភាគលាភ៣ខែម្ដងពោលគឺចែកភាគលាភប្រចាំត្រីមាស។ ដូច្នេះបើអ្នកវិនិយោគទិញហ៊ុនសែលកាត់នោះអ្នកនឹងបានចំណូលភាគលាភរៀងរាល់៣ខែម្ដងខណៈក្រុមហ៊ុនចែកភាគលាភរហូតដល់ទៅ៧%នៃតម្លៃIPO ហើយភាគលាភដែលម្ចាស់ភាគហ៊ុនទទួលបានប្រចាំឆ្នាំគឺ១៥៨រៀលក្នុងមួយហ៊ុន បើគិតជាប្រចាំត្រីមាសគឺម្ចាស់ភាគហ៊ុនទទួលបាន៣៩.៧២រៀលក្នុងមួយហ៊ុន។
សម្រាប់បងប្អូនចង់ទិញហ៊ុនសែលកាត់បានភាគលាភគឺត្រូវទិញនៅលើផ្សារហ៊ុន។ ចង់ចេះវិនិយោគលើផ្សារហ៊ុនទិញភាគហ៊ុនសែលកាតក្រុមហ៊ុនធំៗក្នុងស្រុកជាច្រើនទៀត អ្នកត្រូវអនុវត្តតាមជំហានខាងក្រោមនេះ៖
១. បើកគណនីជួញដូរតាមអនឡាញក្នុងApp CSX Trade
ដើម្បីវិនិយោគលើផ្សារហ៊ុន ទិញភាគហ៊ុនក្រុមហ៊ុនធំៗបាន គឺអ្នកត្រូវបើកគណនីជួញដូរ។ ចំពោះការបើកគណនីជួញដូរតាមអនឡាញក្នុងApp CSX Trade។ សូមចុចនៅទីនេះ ដើម្បីមើលរបៀបបើកគណនីជួញដូរ។
២. ស្នើដំណើរការគណនី CSX Trade
បន្ទាប់ពីអ្នកបើកគណនីជួញដូរបានជោគជ័យហើយនោះ អ្នកអាចចូលទៅកាន់App CSX Trade ចុចលើពាក្យ”បើកគណនីជួញដូរ” រួចចុចលើពាក្យ”តាមដានការស្នើ” ដើម្បីតាមដានថាតើBroker របស់អ្នកបានផ្ញើរលេខអត្តសញ្ញាណវិនិយោគិននិងលេខគណនីជួញដូរមកហើយឬនៅ។
ត្រង់កន្លែងតាមដានការស្នើនេះដែរ បើអ្នកទទួលលេខអត្តសញ្ញាណវិនិយោគិន(Investor ID) និងលេខគណនីជួញដូរហើយ អ្នកអាចយកព័ត៌មានទាំងនោះទៅស្នើដំណើរការគណនីCSX Trade ក្នុងApp CSX Trade ដើម្បីទិញហ៊ុនតាមទូរស័ព្ទដៃ។ សូមចុចទីនេះដើម្បីមើលពីរបៀបស្នើដំណើរការគណនី CSX Trade។ បើស្នើមិនជោគជ័យទេ អ្នកអាចទាក់ទងទៅBroker ដែលអ្នកបើកគណនីជួញដូរជាមួយដើម្បីឲ្យពួកគាត់ជួយសម្រួល។
៣. វេរលុយទៅគណនីជួញដូរ
បន្ទាប់ពីស្នើដំណើរការគណនីCSX Trade បានជោគជ័យហើយ អ្នកអាចវេរលុយទៅកាន់គណនីជួញដូរដើម្បីដាក់លុយរៀនទិញហ៊ុន។ របៀបវេរលុយទៅគណនីជួញដូរគឺអ្នកត្រូវចូលទៅក្នុងApp CSX Trade ហើយចុចលើពាក្យ” ដាក់ប្រាក់” ដែលភាសាអង់គ្លេសគឺ” Deposit”។ បន្ទាប់មកវាយបញ្ចូលទឹកប្រាក់ដែលអ្នកចង់ដាក់ រួចScreenshot QR ហើយធ្វើការស្គែនQR វេរលុយជាការស្រេច។
៤. រៀនទិញលក់ហ៊ុនតាមទូរស័ព្ទដៃក្នុងApp CSX Trade
បន្ទាប់ពីអ្នកអនុវត្តតាមជំហានពីទី១ដល់ទី៤ដែលបានរៀបរាប់ខាងលើហើយ ជំហានចុងក្រោយគឺរៀនទិញលក់ហ៊ុនក្នុងApp CSX Trade។ របៀបទិញហ៊ុនក្នុងApp CSX Trade សូមចុចមើលទីនេះ។
សូមបញ្ជាក់ផងដែរថាផ្សារហ៊ុនគឺជារឿងថ្មីសម្រាប់ប្រជាជនកម្ពុជា ហើយដំបូងយើងពិបាកយល់បន្តិច ថែមទាំងទាមទារឲ្យបងប្អូនចំណាយពេលខ្លះដើម្បីចេះវិនិយោគលើផ្សារហ៊ុន ។ ចង់ស្វែងយល់កាន់តែច្បាស់ពីការវិនិយោគលើផ្សារហ៊ុនអាចតាមដាន Facebook page របស់ខ្ញុំ Toeuy Hong-ទឿយ ហុង និងចូលគ្រុបតេឡេក្រាម: https://t.me/toeuy_hong
