រាជធានីភ្នំពេញ៖ នៅថ្ងៃទី៦ ខែមិថុនា ឆ្នាំ២០២៦ ក្រុមហ៊ុន បូឌា (Bodia) ដែលជាយីហោដ៏ល្បីល្បាញ ផ្តោតសំខាន់លើសុខភាពសម្រស់ និងការថែរក្សាស្បែកតាមបែបធម្មជាតិ បានបើកសម្ពោធហាងថ្មីរបស់ខ្លួន នៅលើជាន់ទី១ នៃផ្សារទំនើប ជីប ម៉ុង ២៧១ មេហ្គាម៉ល។ ដោយកម្មវិធីនេះមានការអញ្ជើញចូលរួមពីសំណាក់តារាល្បីៗ និងអតិថិជនយ៉ាងច្រើនកុះករ។

នៅក្នុងឱកាសនៃការបើកដំណើរការហាងថ្មីនៅលើផ្សារទំនើបដ៏ធំនេះដែរ​ បូឌា ក៏បានរៀបចំនូវកម្មវិធីលក់ប្រម៉ូសិន និងការផ្ដល់ជូនវត្ថុអនុស្សាវរីយ៍ជាច្រើន។ ដោយក្នុងនោះរួមមាន៖ ការបញ្ចុះតម្លៃ ២០% លើរាល់ផលិតផលទាំងអស់, ទទួលបានការលេងហ្គេមចាប់យកផលិតផលជាច្រើនមុខភ្លាមៗរាល់ការទិញទំនិញចាប់ពី ៣៥ ដុល្លារឡើងទៅ។ មានឱកាសលេងហ្គេមជញ្ជាំងនាំសំណាង (Lucky Wall), ហ្គេមចាប់យកផលិតផល និងទទួលបានសេវាកម្មម៉ាស្សាមុខដោយឥតគិតថ្លៃ រាល់ពេលទិញទំនិញចាប់ពី ៥០ ដុល្លារឡើងទៅ។

ក្រៅពីនោះ ក៏មានការតេស្ដផលិតផលឥតគិតថ្លៃ និងការទស្សន៍ទាយក្លិនផលិតផលឱ្យបានត្រឹមត្រូវ ដើម្បីទទួលបានផលិតផលឥតគិតថ្លៃភ្លាមៗផងដែរ។ បញ្ជាក់៖ កម្មវិធីនេះ រៀបចំឡើងរយៈពេល ២ ថ្ងៃ គឺថ្ងៃទី៦ និងថ្ងៃទី៧ ខែមិថុនា ឆ្នាំ២០២៦។

សូមជម្រាបថា បូឌា គឺជាម៉ាកយីហោ និងជាក្រុមហ៊ុនឈានមុខគេមួយលើផលិតផលថែរក្សាសម្រស់នៅក្នុងប្រទេសកម្ពុជា បានបង្កើតឡើងក្នុងឆ្នាំ ២០០៦។ រយៈពេល ២០ ឆ្នាំកន្លងមកនេះក្រុមហ៊ុនបានកសាងកេរ្តិ៍ឈ្មោះយ៉ាងរឹងមាំ តាមរយៈការបង្កើតផលិតផលចេញពីកសិផលធម្មជាតិក្នុងស្រុកដូជជា៖ ដូង ស្លឹកគ្រៃ ក្រូចសើច រមៀត​ និងរុក្ខជាតិមួយចំនួនទៀត ​តាមរយៈបច្ចេកវិទ្យាផលិតកម្មស្តង់ដារអន្តរជាតិ។ ភាពជោគជ័យដ៏ធំធេងមួយរបស់ក្រុមហ៊ុន គឺការនាំយកផលិតផលយីហោខ្មែរ ទៅកាន់ទីផ្សារអន្ដរជាតិ ជាពិសេសទីផ្សារប្រទេសបារាំង។

ការបើកសាខាថ្មីនៅផ្សារទំនើប ជីប ម៉ុង ២៧១ មេហ្គាម៉ល នេះ សបញ្ជាក់ឱ្យឃើញពីការរីកចម្រើនឥតឈប់ឈរ និងការប្តេជ្ញាចិត្តខ្ពស់របស់ក្រុមហ៊ុន ក្នុងការលើកកម្ពស់តម្លៃផលិតផលក្នុងស្រុក និងការផ្តល់ជូននូវផលិតផលដែលមានគុណភាពខ្ពស់ និងសុវត្ថិភាពបំផុតសម្រាប់អ្នកប្រើប្រាស់។

ដូច្នេះសម្រាប់លោកអ្នកដែលកំពុងស្វែងរកផលិតផលថែរក្សាសម្រស់ដែលមានគុណភាព សូមអញ្ជើញទៅកាន់ហាង បូឌា គ្រប់សាខាទាំងអស់នៅក្នុងប្រទេសកម្ពុជា ជាពិសេសហាងថ្មីនៅផ្សារទំនើប ជីប ម៉ុង ២៧១ មេហ្គាម៉ល ដើម្បីទទួលបានប្រម៉ូសិន ដូចបានជម្រាបជូនខាងលើ។ ព័ត៌មានបន្ថែមសូមតាមដានហ្វេសប៊ុកផេក Bodia-បូឌា៕