នេះគឺជាដំណឹងដ៏ល្អមួយ សម្រាប់សិស្សានុសិស្សដែលទើបតែបញ្ចប់ថ្នាក់មធ្យមសិក្សាទុតិយភូមិឆ្នាំ ២០២៦ ថ្មីៗនេះ ព្រោះពេលនេះសាកលវិទ្យាល័យដ៏ល្បី១ ប្រកាសផ្តល់អាហារូបករណ៍ថ្នាក់បរិញ្ញាបត្រ ១០០% រៀនឥតគិតថ្លៃ បានទាំងការងារ និងប្រាក់ខែទៀត ដូច្នេះហើយសម្រាប់បងប្អូនដែលកំពុងស្វែងរកសាកលវិទ្យាល័យដើម្បីបន្តការសិក្សាសូមរួសរាន់ឡើង។
យោងតាមការចុះផ្សាយលើផេកផ្លូវការរបស់ក្រសួងអប់រំ បានឲ្យដឹងថា រដ្ឋមន្រ្តីក្រសួងអប់រំ យុវជន និងកីឡា បានសម្រេចផ្តល់អាហារូបករណ៍ ១០០% មួយចប់ថ្នាក់បរិញ្ញាបត្រ និងការងារធ្វើ (មានប្រាក់បៀវត្ស) ចំនួន១០កន្លែង ដោយសិក្សានៅសាកលវិទ្យាល័យបូណាម៉ារី (BMU)។
សម្រាប់អាហារូបករណ៍ ១០០% ចំនួន ១០កន្លែង (សិក្សាដោយមិនបង់ថ្លៃសិក្សា រហូតដល់ចប់ថ្នាក់បរិញ្ញាបត្រ) និងផ្តល់ការងារធ្វើ (មានប្រាក់បៀវត្ស) សម្រាប់សិស្សានុសិស្សដែលបានប្រឡងជាប់សញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំសិក្សា២០២៥-២០២៦នេះ ដែលរស់នៅបណ្តាខេត្ត ដែលប្រទេសថៃបានឈ្លានពាន ដូចជា៖ ខេត្តព្រះវិហារ ឧត្តរមានជ័យ បន្ទាយមានជ័យ បាត់ដំបង និងពោធិ៍សាត់។
សម្រាប់សិក្សានុសិស្សដែលចាប់អារម្មណ៍ចង់ដាក់ពាក្យសម្រាប់ធ្វើការទាក់ទងតាមរយៈលេខទូរស័ព្ទទំនាក់ទំនង ០១៧ | ០៨៧ ៦០ ៥០ ៨០ ឬអាចស្កេន QR CODE ឬចុច Link ដើម្បីដាក់ពាក្យស្នើសុំ៖ https://forms.cloud.microsoft/r/T3t0Rm2KfC.
គូសបញ្ជាក់ផងដែរថា សាកលវិទ្យាល័យបូណាម៉ារី (BMU) នៅរាជធានីភ្នំពេញ បានសហការជាមួយ eduCLaaS ដែលជាផ្លាតហ្វមបណ្តុះបណ្តាលជំនាញឌីជីថលប្រចាំតំបន់អាស៊ី ដើម្បីផ្តល់ជូននូវកម្មវិធីសិក្សាបណ្តើរធ្វើការបណ្តើរ ដ៏ទំនើបច្នៃប្រឌិត ដែលបូកបញ្ជូលគ្នារវាងការសិក្សាទ្រឹស្តី និងបទពិសោធន៍ធ្វើការងារជាក់ស្តែងនៅតាមក្រុមហ៊ុនអន្តរជាតិ អនុញ្ញាតឱ្យនិស្សិតអាចរកប្រាក់ចំណូលបានក្នុងពេលកំពុងសិក្សា ព្រមទាំងទទួលបានសញ្ញាបត្រទទួលស្គាល់ជាអន្តរជាតិពីសាកលវិទ្យាល័យ Roehampton នៃសហរាជាណាចក្រអង់គ្លេស និង eduCLaaS សិង្ហបុរី ដោយរាល់ការបង្រៀនទាំងអស់ត្រូវបានធ្វើឡើងជាភាសាអង់គ្លេស ដើម្បីរៀបចំនឹងពង្រឹងសមត្ថភាពនិស្សិតសម្រាប់ឱកាសការងារក្នុងកម្រិតសកលលោក។
